بسم الله الرحمن الرحيم
السلام عليكم ورحمه الله وبركاته شلونجن شخبارجن ان شاء الله تكونون بخير رجعنا نكمل قصتنا بعد شهور اتمنئ تنال اعجابكم
قراءة ممتعه
الكاتبه : نمنم الحمدانيه
--------------------************-------------------
أعتقد مليت مني و صِرت عندك مو ضروري آني آسف لأن يمك بالغت حيل بشعوري .
لـ مهند العزاوي
-------------------************--------------------
نواهل " طلعنا من البيت ركبنا اني وسراج لسيارته الي جانت عباره عن ورود حمراء وسيارات كرايبهم واخو ونور وصارو يطلعون روسهم من شبابيج السيارت ويهوسون مثل اليصير بكل اعراس العراقيين وتوجهنا لقاعه وبهالانثاء حجه سراج
سراج " فرحانه؟؟
نواهل "اي
سراج " بس وجهج يكول العكس
نواهل " هاا لا مو متوثره وزعلانه لان عفت اهلي
سراج " ان شاء الله تكون هيج ولا غير شيء
نواهل " لا مو غير شيء
سراج " ولا تزعلين علمود اهلج اني الج اب وام وزوج وصديق وكلهن
نواهل " شكرا
سكت وبعد شوي لزم ايدي وباسه وكال
سراج " الله يقدرني واسعدج ومااخليج تبجين ولا دمعه
نواهل "
معرفت شحجي وشجاوب ضليت ساكته وكل جسمي ترجف وايدي بيده وكلبي يدك الف واخيرا وصلنا لقاعه ونزلنا نزلني سراج ودخلنا لقاعه ورانا مراج ونور وبدت الهلاهل والهوسات وخاله ام سراج تركص وتهوس بالنص فرحانه لاولاده كعدنا بالكوشات وبدو يركصون ويدبجون واجئ المصور ياخد لقطات النا بالقاعه تصورنا صور هواي وكعدنا وبعد شوي كالو خل يجي العرسان يركصون طفو ضو القاعه وشغلو اضويه حمراء القاعه صارت كلش حلوة
وشغلو اغنيه سملئ رشيد اول مااشتغل الاغنيه صار هدوئ مو طبيعي بالقاعه نزلنا وصرنا بالوسط سراج لزم ايدي ولازمني حيل من خصري وحضني عبالك راح اهرب وصار يباوعلي بحب ويدندن ويه الاغنيه
سمعني نبضك دفيني بنار حضنك
ابيك الليلة وحدك اليا تكون
من كالت هيج قرب راسه من اذني وكال
سراج " ابيك الليله وحدك اليه تكون
قشعر كل جسمي وصرنا نركص ونتمايل ويه الاغنيه
" قرب عليا حس النار اللي فيا"
"ابي ايديك بايديا نلف الكون"
"وانا وش اقول وانت معايا"
باوعلي وكال
سراج " اي والله مدري شكول وانتي بين احضاني
نواهل "
