بسم الله الرحمن الرحيم
السلام عليكم ورحمة الله وبركاته شلونجن شخبارجن ان شاءالله تكونون بخير رجعنا ببارت جديد اتمنى تنال اعجابكم
قراءة ممتعه
الكاتبه " نمنم الحمدانيه
------------------------------------
رائف " يمه يمه عريب
خوله " شبي عريب
رائف " عريب اجئ
خوله " وينه
رائف " ذاك اجئ
اجئ عريب ودخل ماحجه شيء وباوع وراء دخلت بنيه شوي سمينه وسمراء ملامحها حلوة ونازكه دخلت وراسها بالكاع خجلانه
خوله " اهلين وليدي شلونك شخبارك ليش طولت علينه متت علئ شوفتك
عريب " سلامتج يمه هياتني رجعت وبعد ماتنعاد هالتاخير
سلم عريب علئ الكل واني اتخطاني اني مااهتميت بس اريد اعرف منو هاي البنت ومو بس اني الكل بوجه علامه استفهام تجاه هالبنت
خوله " تفضلي بنيتي ليش واكفه كعدي
الحجيه " لك اعريب منو هاي السمراء ماعرفتنا عليها
من حجت ناناتي وسالت عن البنت عريب باوعلي ورفع حاجبه وكال
عريب " هاي زوجتي ثريا
الحجيه " عزززا بعينك لك وذيج شنو
نانا جانت تاشر عليه باوعلي وكال
عريب " زوجه موقته
الحجيه " عزززا العزاج خوله شبي ابنج
الحجي " عريب شمسوي وشنو هالخرابيط مو زعاطيط الكاعدين كدامك احترم شوي
عريب " اعذرني حجي بس ممسوي شيء بس اتزوجت واجيت
الحجي" ويطبك طوب اتزوج بس عدل طريقه كلامك
عريب " صار حجي..خيه شمعه ترا ميتين جوع جيبيلنا غذاء اذا متصير زحمه
شمعه " ححاضر
راحت شمعه تسويلهم غذاء والبنيه منزله راسها وكاعده يم عريب والكل انظاره الهم معرفت شصارلي بلحظتها جسمي صار حار معرفت افسر الشعور عفتهم وطلعت لغرفه وسديت الباب دخلت لحمام وفتحت الماي ودخلت جوه اريد ابجي دمومي متحجره متنزل سمعت صوت الباب بدلت بسرعه وفتحته شفت عريب والبنيه
عريب " عفوا ممكن تفضيلنا الغرفه
كنار " هاااا
عريب " الغرفه ممكن تطلعين منه
كنار " وين اروح
عريب " مدري
بلحظتها صرت معرف احجي مجنت اعرف شنو لازم ارد شفت حور واكفه وراهم وابنها بيدها
