بسم الله الرحمن الرحيم
السلام عليكم ورحمة الله وبركاته شلونجن شخبارجن ان شاءالله تكونون بخير رجعنا ببارت جديد لطيف خفيف اتمنى تنال اعجابكم
قراءة ممتعه
الكاتبه " نمنم الحمدانيه
______________________________________
اشتريني بمرة (احبك)
واشتريك بكلشي بية..
______________________________________
كنار :" شفت عريب يركض جوه ردت انزل وراء بس اذكرت شلابسه دخلت لغرفتي بدلت بسرعه لفيت شالي ونزلت شفت خاله خوله تضحك وعريب يحجي عليهم
عريب " متكولون اكو زمايل بالبيت ترتعب عيب ترا مصختوها كلش
خوله " شنسوي غير فرحانين
عريب " افرحوا بس مالها داعي هالهوسه
خوله " هسه روح عند جدك المضيف مليان زلم
عريب " تمام ومريد اسمع صوت احد منجن الاسمع صوتها اجي ادفنها هنا
خوله " تدلل عيوني
راح عريب لمضيف رحت عند نواهل
كنار " نواهل شصار شنو جان هالصوت متنا رعبه عبالنا هم عركه ويه اهل نرجس
نواهل " ههههههه لا هالمره صياح فرحه اجو شيوخ عشاير غير منطقه يباركون لعنان وجابو ذبايح هواي وجدي رفضهم لان فد ٣٠ راس فهما عاندو وجدي عاند صارت هوسه بعدين جدي قبل ودخلو لمضيف
كنار " اي زين الحمد لله ماكو شيء
نواهل " اي ونسيت انطيج فستانج جنت اتشاقه وياج ترا جنا مسوين مقلب الج اني وشمعه بس مجنا نعرف عريب راح يسوي هيج اسفه
كنار " لا حياتي لا تتاسفين وبالعافيه عليج الفستان لان عريب جابلي وحده تخبل واحلى منها
نواهل " هااا لعد انطينياه
كنار " لو تموتين ماانطي
نواهل " هههههههههه اتشاقه بالعافيه عليج حبي تستاهلين الأحسن والاحلى
كنار " تسلمين حياتي
نواهل " تعالي نحضر الصحون راح يصبون العشاء
كنار " ليش ايمت لحكو يطبخون
نواهل " عمار جاب جاهز وزينب جانت مسويه عشاء هواي لان دلال راح تجي فصارت من قسمتهم
كنار " اي بالعافيه
نواهل " يلا تعاي
رحنا لمطبخ حضرنا مواعين العشاء وشمعه جانت مسويه زلاطه ومحضره خضراء ومكطعه بصل صرنا نخليهم بصحون ونحضر الخفايف
نور " شيوخ بطول وعرض ياكلون زلاطه مطايره هاي
نواهل " اي عادي واذا شيوخ ترا العشاء ميتاكل اكل ثكيل يضر بالصحه
