بسم الله الرحمن الرحيم
السلام عليكم ورحمة الله وبركاته
شلونجن بنات شخبارجن ان شاءالله تكونون بخير رجعنا ببارت جديد لطيف خفيف اتمنى تنال اعجابكم
قراءة ممتعه
الكاتبه " نمنم الحمدانيه
______________________________________
يا ضحك ذيچ السنين شلون ارده...؟
______________________________________
رائف " عريب الحك غياث مسوي حادث
عريب " شجاي تكول وين مسوي وشلون
رائف " معرف هسه ناقلينا لمستشفى
عريب " تعال وياي بسرعه
خوله " شكو شبي غياث شصارله
راحو عريب ورائف وضلت خالتي تحجي وراهم
نواهل " يعني مات غياث
كنار " لا شبيج بعد ماعرفو شصايرله
نواهل " عفيه كنار اتصلي بعريب واسألي عن غياث
كنار " يمعوده شبيج هسه يكونون بالطريق بعد ماواصلين
نواهل " لعد راح اروح اني لمستشفى
حور " شبيج تريدين تفضحينا كعدي هسه اتصل بعنان
نواهل " يلا بسرعه حبابه
حور "
ألوو حبيبي شجاي تسوي هاا وينك ليش يااا شبي خطيه اي الحمد لله اذا هيج الله يشفي تمام حبيبي مع السلامه دير بالك على نفسك
حور " مابي شيء بس كسور بسيطه بايده ورجله
نواهل " أحلفي انه متجذبين يعني غياث ممات
حور " والله عايش بس عنده كسور شبيج
نواهل " اي الحمد لله
حور " هسه خلونا ننزل نكمل شغلنا نوال ودلال اجن وهسه عمتي تجن عيب منهن
نواهل " يلا
كنار " اول مره اشوف عروسه تشتغل لعرسها
نواهل " هههههههههه والله صح يعمري انتي لا تشتغلين احنا موجودات
كنار " يلا عادي شسوي
نواهل " يعمري انتي هههههههه
______________________________________
غياث
حجيت ويه نواهل بس هيه قافله حاولت وياها بس مفاد سمعت خطبوها تخبلت شلون يخطوبها واني احبها واريدها ركضت لسيارتي طلع غسان بوجهي
غسان " هاا خويه وين
غياث " عند خطيب نواهل
غسان " وشتريد منه
غياث " اكتله
غسان " كل عقلك غياث شبيك
غياث " اي كل عقلي شلون يخطبها واني احبها ومربيها على أيدي
