بسم الله الرحمن الرحيم
السلام عليكم ورحمة الله وبركاته شلونجن شخبارجن ان شاءالله تكونون بخير ورجعنا ببارت جديد أتمنى تنال اعجابكم
______________________________________
كون اشوف الحزن شارد كون اغمض اعيوني ليلة وراسي بارد .
لـ سعد الزبيدي
______________________________________
نواهل " عرريب االحك اخوك
كنار "
على صياح نواهل عريب فتح الباب وطلع يركض لبست عبايه وشال ونزلت وراه وجان نشوف رائف وسعد اخو لنرجس يضربون بعض وحسن سابح بدمه ونرجس تبجي فوك راسه وخاله خوله والبنات واكفات وعمار وعلي يحاولون يفكوهم من بعض
عريب " رائف عوفه
رائف " اكتله والله ومااعوفه
عريب " كلت عوفه مريد اعيد كلامي رائف
شكو شنو هالمهزله شصاير
نرجس " حسن راح يموت واحد منكم يجي يشيله ناخده لمستشفى
الحجيه " كلها من وراء راسج يابربو**كه
نرجس " شنو تريدون اسوي واني اشوف زوجي يتزوج عليه
الحجيه " لو جنتي آدميه منو جان يتزوج عليج
عريب " كافي سدو السالفه كوم حسن كافي تمثل واضح اجت سطحيه
سعد " اني اخده بس هالشيء ماراح يمر هيج بسيطه عنان
عريب " يلا امشي بابا روح اخد اخوك قبل ميموت وانتي نرجس حضري مهيمن العصر أمر اخده
نرجس " لا فدوه عريب لا تاخد ابني
عريب " نوال بعد اخوج سدي الباب
نوال " من عيوني
عريب " يلا كل واحد يرجع لشغله وانتن امي ايمت تروحون
خوله " هسه راح نطلع مادام الكل جاهز
عريب " يلا الله وياكم وديري بالج لبنات
خوله " بعيوني
كنار "
مصدومه من رده فعلهم بثواني رجعو طبيعين كأنه مصار شيء صاحني عريب
عريب " وين صافنه روحي جاي ينتظروج
كنار " هااا اي رايحه
مشيت عند خاله ورحنا لبيت حور دخلنا لبيت جانت اكو نسوان وبنات هواي رحبو بينا كعدنا شغلو اغاني واجت ام حور ورحبت بينا
ام حور " اهلا وسهلا نورتونا شلونكم
خوله " الحمد لله زينين انتو شلونكم
ام حور " الحمد لله عايشين
خوله " الحمد لله وينها العروسه
