بسم الله الرحمن الرحيم
السلام عليكم ورحمة الله وبركاته شلونجن بنات شخبارجن ان شاءالله تكونون بخير رجعنا ببارت جديد لطيف خفيف اتمنى تنال اعجابكم
قراءة ممتعه
الكاتبه " نمنم الحمدانيه
______________________________________بس انتَ العزلتك بين هاي الناس
ورممتك وانه بيوت اهلي مهجومه ..! 💔
______________________________________
الدكتور " مع الأسف اختك متعرضه لسكته قلبيه سوينالها انعاش والإجراءات اللازمه والباقي لربك
عريب " شنو سكته شنو دكتور اختي بعدها طفله
غياث " دكتور يجوز مخربط بالمريضه
الدكتور " نواهل محمد ؟
عريب " اي هيه هاي
الدكتور " المريضه متعرضه لسكته بس ميخوف وضعها مستقر هسه راح نخليها بالعناية لتستعيد وعيها
عريب " شكرا دكتور
الدكتور " هذا واجبي عليها العافيه
عريب " الله يعافيك
حور " نواهل بعدها صغيره عنان شجاي يكول هذا خل ناخدها لدكتور ثاني فدوه نواهل مو مال سكته قلبيه فدوه عنان كول شيء عمي عريب خل ناخدها لغير مستشفى فدوه
عريب " هذا احسن مستشفى وين ناخدها
حور " نروح لغير محافظه لغير دوله المهم نواهل تطيب
عريب " امي مالازم تعرف الصار كولولها ماخذه برد وانت غياث روح لبيت عيب من الناس
غياث " لا اضل خل يولون
عريب " كلت روح مريد احد يشك بشيء
غياث " تمام اذا صار شيء اتصل بيه
عريب " تمام
كنار "'
الخبر نزل مثل الصاعقه فوك راسنا تخبلنا حور صارت تضرب نفسها وتبجي اخوانها كلهم يبجون عليها حور وكعت اخدها عنان لطوارئ
عريب " علي كوم اخد كنار لبيت
كنار " مريد اروح راح أضل هنا ويه نواهل
عريب " روحي كلت
كنار " عفيه خليني هنا واصلا اذا تكعد نواهل راح تحتاج بنيه وياها تساعدها
عريب " هسه تجي امي
كنار " خاله هم مريضه واذا شافت نواهل يجوز تسوء حالتها هيه هم
عريب " تمام تعاي كعدي هنا
اجئ رائف يركض وخالتي وراه
رائف " شبي نواهل شصارلها