بسم الله الرحمن الرحيم
السلام عليكم ورحمة الله وبركاته
شلونجن شخبارجن ان شاءالله تكونون بخير رجعنا ببارت جديد لطيف خفيف اتمنى تنال اعجابكم
قراءة ممتعه
الكاتبه: نمنم الحمدانيه
______________________________________
أنه المفروض تبچيلي
أنه مو هيچ أتودَع !
______________________________________
غياث " اني راح اسافر
عريب " وين شجاي تمسلت
غياث " راح اروح لألمانيا
عريب " شعندك رايح هناك اكعد وانجب
غياث " عندي صديق هناك كال تعال نفتح مشروع هنا يطلع فلوس زينه
عريب " ليش انت شناقصك حتى تروح تشتغل هناك شغلك هنا أفضل
غياث " والله يخوي قررت بعد باجر اطلع
عريب " اذا مقرر شكو جاي يلا كوم ولي
كام عريب وصعد فوك غياث ابتسم واكو دمعه بعيونه كام وطلع من البيت كل واحد راح لشغله ردت اروح لغرفتي القديمه بس كلت ليش حتى اخاف منه ليش منو هو دخلت لغرفه شفته كاعد يدخن
عريب " اني مااستحي مو
كنار " لعد شلون تغتصبني
عريب " لا تصيري حماره انتي زوجتي
كنار " بس مجانت براضاتي
عريب " اي كوه مو براضج
كنار " مره لخ لا تتقرب مني اكرهك مااحبك
عريب " لا فدوه اموت بكرهج.. دنجبي منو مهتم لحبج وهسه طلعي من الغرفه مريد اشوفج من اكون بالغرفه ممنوع تدخلين فهمتي
كنار " هاي غرفتي مثل ماهو غرفتك
كام وتقدم عليه واني رجعت لوراء نزل راسه لمستواي وكال
عريب " هذا البيت والغرفه وحضرتج كلها الي يلا بررا
طلعت من الغرفه كلش انقهرت رحت كعدت بغرفتي القديمه وصرت ابجي ليش يسوي هيج مو جان يحبني ليش تغير دخلت نواهل وشافتني
نواهل " شبيج حبيبتي ليش تبجين
كنار " عريب طردني من الغرفه ميريد يشوفني
نواهل " ليش شسويتي
كنار " والله مسويت شيء بس هو متغير ويكرهني
نواهل " اوووف شبي حضنا هيج مصخم
كنار " ليش شبيج انتي
نواهل " غياث راح يروح
كنار " اي وانتي حزينه
نواهل " لا يمكن يصير افضل حتى اكدر انسئ واعيش حياتي
