رواية : رهفة قلب
للكاتبة : Nona Alsebhawy
الحلقة 6
انا : نشبح فيه ودموع ينزلن وبس
يوسف : طلع كلم ورده وجي : تقدري تحكي ؟
ورده : خشت ب عبايتي لبستهالي : وعوده حبيبتي حتمشي لكتوره باهي ماتخافيش راجلك معاك
يوسف: هي اطلعي وعد
انا : طلعت :
ركبنا فالسياره ومشينا طول الطريق ويوسف يشبحلي ويشبح ف طريق ووصلنا للمستشفى وحجزنا عند دكتوره نفسيه شوي ودخلنا ودكتوره حاولت تكلمني باش نرد عليها ماقدرتش نتكلم نبكي وخلاص ، طلعت ونرجا ف يوسف حكا مع الدكتوره وقالتله خشيت ف مرحله اكتئاب حاده وديرو بالهم عليا نفكر حت فالانتحار ودارتلي جلسات باش نغير من نفسيتي ونرجع نحكي وطلع يوسف اخدالي الدوا وركبنا ف السياره وطلعنا
يوسف : وعد
انا ؛....
يوسف : وعد شوفيلي هنا
انا : شبحت فيه..
يوسف: انروحو لحوشنا
انا : عيوني دمعو ؛..
يوسف : ها شن قلتي
انا : هزيت راسي: ..
ومرينا ع حوش هلي خشيت ولميت دبشي وقعدت انودع ف الحوش وسلمت ع خواتي وطلعت ركبت ف سياره وطلعنا
يوسف: امسحي دموعك
انا : نبكي ؛
يوسف : تنهد مسحهم ليا : خلاص ياوعد معش تعدبي روحك هكي
انا : غمضت عيوني واتكيت لعند وصلنا سلمت ع اهل يوسف وروحنا لحوشنا خشيت دوشت وطلعت جففت شعري وقعمزت ع السرير
يوسف : قعمز بجنبي : هي باش تتغدي عندك دواا
انا : عقدت حواجبي: .
يوسف : ماتقوليش لا عندك دوا
مسك يدي ونزلني وتغدينا واعطاني دوا وركبت خشيت لسرير شوي وجي يوسف شبحت فيه
يوسف : عادي نرقد هنا !
انا : هزيت راسي وغمضت عيوني
خش يوسف معاي فالسرير وتغطى وقيلنا رقدنا مانضنا لعند قريب المغرب
يوسف : وعد نوضي سادك نوم
انا : نضت قعمزت:..
يوسف : قعمز : كيف حالك
انا : هزيت راسي
يوسف : باهي كويس هي نوضي غسلي وجهك ونرفعك لحوش هلي انا عندي موضوع نكمله ونروح باهي
انا : هزيت راسي ونضت
ومشيت لحوش هله وقعدت معاهم وساكته ونسمع فيهم ومر الوقت وتأخر يوسف بعد العشي جي
انا : وقفت :
يوسف : انروحو
انا : هزيت راسي:
يوسف : هي
ولبست عبايتي وطلعنا ومسكت ف يده وخشينا للحوش وركبت غيرت لبست قفطان قصيير وفتحت شعري واتكيت ع السرير نتفرج خش يوسف طلع توته ولبسها وجي بجنبي
يوسف : وعد
انا : شبحتله :
يوسف : تخدميني ف خدمه
انا : هزيت راسي
يوسف : جاكيتي السوده تحت جيبيها وتعالي
مشيت نزلت جبتها وجيت قعمزت
يوسف : جي مقابلني : وعد
انا : نشبح فيه
يوسف : هاك
انا : اخديته الكيس وفتحته لقيته ايفون 14 فنصت وشبحت فيه
يوسف : هدا ليك انتي وبشفرته
انا : مصدومه مفنصه ؛..
يوسف : انا جتني خدمه وضروري نسافر بكرا
انا : عقدت حواجبي ونشبحله
يوسف : وبتمشي معاي
انا : رفعت حواجبي
يوسف : نوضي جهزي شنطتك هي
انا : ..
يوسف : تعالي نوضي
ونضنا جهزنا شناطينا ورقدنا والصبح سلمنا ع اهل يوسف وطلعنا للمطار نص ساعة وركبنا ف الطياره وبعد 3 ساعات وصلنا مصر وبعد يوم تام ف الفندق مشينا للمطار وسافرنا وصلنا تونس ومن تونس لتركيا
انا : نزلت نتفرج ع الناس
يوسف : هي سياره برا
وطلعنا ووصلنا للفندق رقدنا ووعينا من بكريتها الصبح رفعني يوسف دهور بيا وغيرلي جوي وروحنا الليل
انا : خطر عليا بوي قعدت نبكي ؛
يوسف : يهدي فيا
انا : غطيت وجهي لعند خداني النوم
يوسف : رقد بجنبي
ومرو الساعات لعند ساعه 3 فجر
يوسف : حس ب حاجه ناض فتح الضي
انا : نرعش ونبكي اناوراقده
يوسف : وعد وععد
انا : ..
يوسف : لمس راسي : حراارتك مرتفعه
انا : حطيت يديا ع وجهي ونرعش ونبكي
يوسف مشي جابلي دارلي كمادات ميه مصقعه وحطها ع راسي
انا : مسكت يده ونبعد فيها
يوسف : وعد خيرك
انا : شبحت ف عيونه ونبكي
يوسف : شن يوجع فيك
انا : خشيت ف بعضي..
المهم سهر عليا يوسف وواضح عليه الخوف بعدها نزلت الحراره ورقدت ونوضني يوسف الصبح ورفعني المستشفى وبالمره شفت دكتوره
بعد مرور اسبوع من الجلسات النفسيه
يوسف: وعد انا جيت
انا : وقفت ومشيتله
يوسف : خيرك مالا
انا : مسكته من يده ودخلته لدار واعطيته تلفون
يوسف : خيره ماتبيشي
انا : بصوت مبحوح يادوب ينسمع: مانعرف نستخدمه
يوسف : قعمزي نوريك
انا : قعمزت :
يوسف بدي يفهم فيا ويعلم فيا كيف نستخدمه
انا : صوت مبحوح : به نبي النت
يوسف : ليش
انا : انكح وصوتي يهرب: بيش نكلمك ووقت نبي حاجه ونكلم خواتي
يوسف : نفتحلك فيس بوك
انا : فنصت : وشنوو هداا بويا خيره
يوسف : ضحك : هههههههه برنامج اسمه هكي
انا : انا نصدمت وابتسمت وانشوفله ؛..
يوسف : شبح فيا: خيرك
انا : نزلت دموعي مسحتهم ونزلت راسي: شي
مهم فتحلي الواتس بيش نكلم خواتي وقالي اليوم مانقدر نطلعك عندي شغل وطلع وانا كسدت قلت نبعت لخواتي وكلمتهم وفرحن وهدرزنا ومر الوقت نضت دوشت ولبست شورت وكانتيرا ع الوردي ودرت روج وكحل وعطر وبرمت فالحوش وخشيت اخديت صحن مكسرات وقعمزت فالصاله خش يوسف
أنت تقرأ
رهفة قلب
General Fictionرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
