رواية : رهفه قلب
للكاتبة : نونا السبهاوي
الحلقة 15 والأخيرة "
الساعه 9 صباحآ ..
امل : ووووه ينعلي بحرررر
محمد : ضحك وباسها : عيوني بلاش عار
امل : ضرباته ع كتفه : انا ندير ف العار
محمد : باسها : اي
امل : اتلف متكلمنيش
محمد : ضحك
وماشيين ع امال وولدها بيرفعوهم وبيتلاقو فالطريق
........
يوسف : امي هيا
اسامه : يسكر فالكوفني : هيا ياعيله
يوسف ركب للسياره وركب عمي عتمان وعمتي نجاة وانا من ورا والسياره التانيه فيها اسامه ويونس والدبش والحوايج
وطلعنا طولنا بيش وصلنا
ونزلنا وانا مسكت ولد امال ونبوس فيه ويضحك وخشيت حطيته وقعدت اندخل معاهم فالحوايج
.......
الساعه 10
طلعنا الفطور عالشط بعد ما نصبنا المظلة والكراسي
يوسف : ياكل : شن هالنوو ازح
محمد : لا بالعكس بروده
يونس : ها الكم اللي تلبسلي فيه مش عارف عليش
عتمان : ااه خاش نتسطح شويه.
نجاة : به
امل : بنعوووم
نجاة: قعممزيي شن بتعومي ببطنك
امل : لا بنعوم مادخلني
محمد : ضحك: نوضي هي
يوسف : حت انا ماشي انعوم نمشي نغير بس
نجاة : بالمره خاش دخل معانا الحوسه
يوسف: حاضر هي
ودخل معانا وخش غير وطلع ب شورت سباحه اكحل وطاقيه كحله
شرب اميه وخطم من جنبي شفت كتفه? ???
نجاة : يوسف شن اللي ف كتفك
يوسف : شافلي : شي يما شي وطلع ...
مهم غسلت انا وامال ونجاة قعمزت تشلح فاللحم
انا طلعت مشيت قعمزت عالشط انشوف فيهم يعومو وجو دايرينه واعيوني ع يوسف كيف معضل واتفكرت اسمي اللي ع كتفه ابتسمت واستغربت
امل : تعالي معانا
انا : لااا نخاااف
امل : وووووه منك ومشت
انا : ضحكت : خزي حيوانه
خطم من جنبي شاب
انا جمدت
شاب : ت ويين ي طرفف
انا : وقفت بسرعه نمشي وهو خلفي يعاكس
شويه نسمع ف هديك الدوشه التفتت لقيت يوسف يضارب هو والولد خشيت نجري لدار نرعش خفت شوي رقدت لعند وعوني عالغدي حوت قتلهم منبي ورديت رقدت للمغرب وعيت راسي بيطربق نزلت
انا : امال
امال : صحه النوم
انا : سلمك .. بالله عندك بنادول مسكن
امال : خيرك شن يوجع فيك
انا : راسي بيطربق
امل : لاباس
امال: ماعندي انا تو انشوفلك يونس
انا : صحيتي قلبي
امل : تعالي ارتاحي
انا : مسكت ولد امال انهز فيه لعند رقد ف حضني..
امل : يفرخه شفتي كتف يوسسف
انا : هزيت راسي
امل : نعليي عالرومانسيه اسم وعد ب خط العريض
انا :نشبح لفارس ولد امال
امل : محد قدر يكلمه بككل الله شمووخ لين ادوخ يكبدي
انا ضحكت
امال : هاك حبيبتي واهي اميه
انا : صحيتي تعبتك معاي
امال : تعبك راحه
امل : هي نطلعو.
انا : شن يديرو برا
امال : اشوايات لحم
انا : ندهش💔
امال : اييييي حقااا
امل : مالا نايضه اني وطلعت
امال : هاتيه سعد عنك
انا : لالا خليه ف حضني
امال : ههههه به
انا : اعيوني لاطفال
امال : تو حت انتي اتجيبي ليوسف بيبي وتفرحيه
انا : ابتسمت بقهره : ان شاءلله
يوسف : خش مشبحش فيا عاقد حواجبه : امال اعطيني الخضره اللي بديروها سلاطه مشويه نحطها عالفحم
امال : وقفت : هي ومشت ..
يوسف : قدم صب اميه وشرب وحط الطاسه بالقوه خلع سعد ولد امال
انا : نخلعت : بسسم الله خيييرك?
يوسف : فنص ومشي
انا : انهز ف سعد وانرقد فيه شوي وحاجه ساعه تانيه ونادوني عالعشي
اسامه : مسكينه مرت خوي فاتها الجوو هههههه
انا : ههههههه اصلااا انت حياتك قرمه وضحك
اسامه : وهدا هوو
نجاة : خليها تتعشا ياولد
يوسف : عاقد حواجبه
يونس : خيرك يوسف
يوسف : حرك حواجبه : هانيا مدورش
يونس : ضحك
المهم تعشينا وشويه وبنطلعو للبحر
يوسف : ب صوت جدي : وعد تعاالي
انا : استغربت : نعم!
امل : امشيله
يوسف : خشي داخل متمشيش
انا : انصدمت : عليييش
يوسف : نااسييه اللي امبدريي يلحححق فيييك
انا : ساكته ومغمضه عيوني وهو يلعلع ..
يوسف : استغفر الله العظيم ومشى
انا وخرت ع ورايا وخشيت للشاليه لقيت عمتي وعمي وامال راقدين ركبت لدار وقعمزت فتحت التلفون اتصلت مكالمه فيديو مع خواتي وهدرزنا وحكيتلهن وسكرن رقدن قعدت عالروشن نتفرج عالبحر وشردت انفكر .....
امل : اوووي
انا : انتبهتلها ابتسمت : جيتي
امل : ودوشت وغيرت وانتي مش معاي
انا : كنت شارده مش معاك
امل : تسطحت : ااااه ظهري الله ناااعسه بنرقد
انا : ارقدي يانفخ
امل : هههههه تفو تصبحي ع خير
انا : وانتي بخير
امل رقدت وانا ماجانيش نوم واستاحشت يوسف قعدت انشوف ف صورنا مع بعض حسني رايفتله لبست وشاح ونزلت اندور عليه مهناش خلعني اسامه
اسامه : بخخخخ
انا : نقزت : اعوذ بالله
اسامه : يضحك وحاط يده ع فمه
انا : خزي خلعتني
اسامه : شن منزلك
انا : اندور ف يوسف
اسامه : ااه يوسف ركب دار بروحه مارقد معانا قاعد فوق
انا : منور وركبت اندور عليه فتحت دار اللي بجنب دار اللي فيها انا وامل لقيته عاطي ظهره للباب وراقد سكرت الباب وخشيت وقفت قدامه
يوسف : وقف : وعد !!
انا : دفيته ..
يوسف : انصدم : خيرك ! !
انا : قربت منه ودفيته
يوسف : مسك يديا : خيييرك وعد
انا : اتجمعو الدموع فعيوني وفكيت يديا ولفيتهم ع خصره وحضنته ودافنه راسي ف صدره ...
يوسف : وعد من مكلمك
انا : رفعت راسي ودموع ينزلو : استاحشتك يوسف
يوسف : تنفس براحه :ونا مستاحشك وضمني ف حضنه
انا : حاضنته وساكته ...
يوسف : وعد
انا : خليني شويه بس
يوسف : باس راسي : به
بعد نص ساعه بعدت منه
يوسف : ابتسم ومسحلي دموعي : رضيتي عليا
انا : هزيت راسي .
يوسف : خيرك زعلانه
انا : شيي
يوسف : مسك يديا يبوس فيهم..
انا : يوسف
يوسف : عيونه وقلبه يوسف
انا : نبي نرقد
يوسف : تعالي ارقدي معاي هي
وخشيت معاه فالفراش
يوسف : حط يده ع خصري ويده التانيه راقده عليها : وعد
انا : نلعب ب لحيته : نعم
يوسف : تحبيني
انا : نعشقك يايوسف
يوسف : ابتسم وبيعطس لف وجهه وحط يده ع فمه : ههتشووو الحمدلله
انا : لمحت يده متشوهه : يوسفف? ..وقعمزت
يوسف : خيرك
انا : اخديت يده انشوفلها ومصدومه : ااءا هداا شنييي
يوسف : قعمز وحول يده : شي حبيبتي
انا : يووسف شنييي هدا قتلك
يوسف تنهد وحكالي
انا : نبكي اخديت ايديه انشوف ف مكان لخياطه ودموع ينزلو ع يديه
يوسف : خلاص حبيبي ومسحلي دموعي
انا : به واللي ف كتفك
يوسف : ابتسم حول التيشرت وقعد عاري من فوق : هدا وشمته فالمغرب اسم حبيبتي اللي ماقدرت ف يوم ننساها
انا : نقزت لحضنه وغمضت عيوني
يوسف ابتسم ويحكيلي كيف شن دار فالمغرب طول السنه اللي غابها
انا : نتاوب..
يوسف : بترقد بنتي
انا : بصوت ناعس: اممم ساعه كم حبيبي
يوسف مقعمز وانا راقده بين يديه
يوسف : ساعه 3:44
انا : نرقدو
يوسف : به اسمعي
انا : شبحتله
يوسف : نزلت باسني ع فمي بوسه طويييله وبحنيه
انا: غمضت اعيوني وحطني بجنبه وضمني ورقدنا للصبحح
............
أنت تقرأ
رهفة قلب
General Fictionرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
