رواية : رهفة قلب
للكاتبة : Nona Alsebhawy
الحلقة 8
وبعد كم يوم وصلنا ونزلنا خشينا لحوشنا
يوسف يدخل ف الشناطي
انا : اااه تعبااانه
يوسف : ماترقديش بنيتي نوضي دوشي صحصحي وانا انجيب غدي من المطعم وانجي باهي
انا : به حبيبي مااطووول
يوسف : حاضر
وطلع وانا نضت طلعت قفطان قصيير فوق الركبه نضامه واسع وطلعت ملابس داخليه وخشيت دوشت ونشفت وطلعت تعطرت ودرت روج وكحل وحست ف الحوش ب كبره لفيت عليه ضميته وغسلت الحوايج واتصلت ب يوسف
انا : وسيفتي
يوسف : ايوا
انا ؛ ويينك طوولت
يوسف : هي افتحيلي الباب
انا : هييي ، وطلعت نجري وفتحت الباب وخش يوسف وسكره
يوسف : يضحك: ها يابطشه
انا : حضنته : طوولت هات من يدك حبيبي نجك ليا
يوسف : امشي قدامي بس طالعه بهالقفطان
انا : حضنته ونمشو : اي انا استاحشتك وانت قتلي اطلعيلي
يوسف : معش تتعاود حبيبي
انا : حاضر
وخشينا للمطبخ
انا : قعمز حبيبي هي
قعمز يوسف ووتيت الغدي وقعمزنا نتغدو وشبعت نضت انلم ونغسل
يوسف : حضني من ورا : بنتي الفالحه
انا : بيبي نوض وتيتلك توته خش دوش
يوسف : حاضر
وركب يدوش كملت الحوسه وركبت وراه واتكيت ع السرير
يوسف : نشف شعره : نووم نشبح فيها
انا : فتحت يديا : تعاال
يوسف طفا الضي وخش ف حضني ورقدنا لبعد المغرب
نضنا دوشنا وصلينا وكسدنا ع التلفزيون
انا : يووسف
يوسف : راقد ع كراعي: نعم
انا : كساد هي نمشو لحوش هلك
يوسف : زعم
انا : ايي استاحشتهم
يوسف : هي نوضي البسي
انا ركبت لدار النوم فتحت الدولاب طلعت سروال جينز نضامه واسع و قميص واسع اخضر درت مكياج وتعطرت لبست وشاحي وسبيدروي ونزلت
انا : هيي وتيت ، وطلعت قبله
يوسف : طالع مسكني من شعري : تعالي تعالي
انا : استغربت : نعمم
يوسف : شن هدا اللي لابسته
انا : وااسع محتشم يايووسفف
يوسف : اشر ب راسه للحوش : عبايه اجري
انا : مانبييها ملييت منهاا عباايه عباايه الدبش ماهو منظر فالدولاب يايوسف
يوسف : سكر سنونه بعصبيه ويفنص: خخخشششيييي البسسسي
انا : مش لابستها مليت منها
يوسف : عروقه برزن واعيونه امفنصات : شنييي
انا : خفت : اييه
يوسف : يضرب ف راسي بصبعه : نوورريييكك ععع تسسكيير الدمااغغ اناا خخخشششيييي دااااخخخل
انا : واقفه وخايفه : بس
يوسف: خخخشششيييي
انا خشيت نبكي ونسمع فالباب اطربق عرفته طلع فتحت الروشن نشوف فيه يطلع فالسياره من الكاراج سكرت الروشن وغيرت دبشي بعصبيه ودموع ينزلو مسكت تلفوني وماعندي نت قعدت فالصاله نرجا ف يوسف يروح للساعة 4 ماروح تفكرت صور بعتوهن خواتي منهم صوره لبابا وماما مع بعض تقطعت من البكي ونا نبكي نبكي لعند دهشت والنفس انقطع عنيي وخفت اندور فالهوا طلعت للجنان خلاص توقعت نمووت طحت ع الارض الدنيا مشوشه عندي ونفس تم مهناش اخر شي سمعته ادان الفجر وبعدها ومعادش نعلم بروحي
......
نجاة "ام يوسف" اتصلي ف الفجر تلفونها يرن كملت الصلاة مستغربه جارتها ردت
نجاة : بإستغراب : ايوا عويشة
عيشه ؛ وييينككك نرنن علييك كنت انصليي بنسكر الروشن لقيت مرت ولدك طااييحه فالجنااان
نجاة : بصدمه وخوف : ششنوووووو
عيشه : اييي بروولهااا قبلل بنكلم ولدي لكن المراه ملابس نوومهاا
نجاة : سكرت الخط وتجري تعيط :يااعتمااانن ياعتماان
عتمان : يصلي :
امل: ناضت تسمع ف صوت نزلت مرعوبه تجري : خييرك ياماما
نجاة : وجهها ميتفسرش : اتتصليلي بخوووك يوسف توااا
امل : تعيط : شن فيه مامااا
عتمان : كمل وجا يجري ؛ شنفييه
نجاة: تبكي : مررتت ولدكك طايحه فالجناان توا اتصلت عييشه جارتي شافتهاا
امل : عيطت : وووه ياماما خيييرهاا
عتمان : طلع يجريي
امل تتصل ب يوسف ميردش
ونجاة بالملايه طلعت وراه يجرو ماعرفو كيف يفتحوه
امل : اسااامه اسااامه
اسامه: راقد : هااا
امل : نوووض بسرعه مرت خوك طايحه وخوك مش قااعد
اسامه ؛ وقف: جدياات
امل : ايي بسرعه بابا وماما يرجو فيك بيش تنقز تفتح الباب
اسامه طلع يجري ويونس ف سابع حلمه مايعلم ب شي
امل : تبكي وتعاود ليوسف مايرد
نجاة : تغطي فيا وترجف تبكي: وعد بنييتي نوضيي
عتمان : قرب : البنتت ماتتنفسس
اسامه : قرب السيارع ورفعوني للمستشفى
......
وصلت مغمى عليا ونبض ضعييف وسودت بشرتي وشفايفي زرق جافات
دخلوني للطوارئ
الدكتوره حطت الاجهزه عليا والنبض ضعيف قعدو يديرو فالانعاش ولقلب قعد ينبض شويه احسن من قبل
.....
طلعت الدكتوره
نجاة : تبكي : خيرها شن صاار وين هيا
الدكتوره : ويين كنتوو ليهاا ساعات نبضها ضعيف والنفس شبه مقطوع كان جبتوها وخليتوها شوي كان ماتت
عتمان : المرا متزوجه وزوجها مش قاعد وطاحت اغمى عليها كلمونا الجيران شافوها كانت تصلي فالفجر
الدكتوره : ماصدقت :
نجاة : ويينها توا كيف حالها
الدكتوره : من هنا للصبح انشوفو انا مانقدر انقوللكم شي البنت نبضها ضعيف وربي يشبح فيها نستأدنكم ،،ومشت
عتمان : يتحلف ؛ الله نقتله الفرخ كان يطلع ضاربها ولا شن دايرلها وييينه هوااا ويينن
نجاة : تسمع وتبكي ؛...
اسامه : اضايق : لاحول ولا قوة إلا بالله تو انرن عليه انا
عتمان : ششن بترن عليه قريب مليون مكالمه مايرد امشيي دورهولي طلعه من تحت الارض انت وخوك يونس ماتروحوليش لين اتجيبوه فاااهم
اسامه : فاهم ي بوي
عتمان : امشيي هي
اسامه : طلع متكنطي ركب سيارته وفات للحوش ..
امل : جت تجري : اسامه شنن صاار
اسامه : ماهم عاطينا امل البنت نبضها ضعيف والنفس شبه مقطوع
امل : حطت يديها ع فمها من الصدمه قعمزت وماتكلمت ..
اسامه : ماشي بندور يوسف انا ويونس
امل : تبكي ...
اسامه : يوونسس يوونسس
يونس : ...
اسامه : يهز فيه بعصبييه : نوووووض
يونس : ناض : تيي خييير ...... اززح
أنت تقرأ
رهفة قلب
General Fictionرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
