رواية : رهفة قلب
للكاتبة: Nona Alsebhawy
الحلقه 7
خش يوسف بدون مايتكلم
انا : ف خاطري زعم خيره ؛؟
خش لدار النوم وطلع توته يدوش وطلع يدخن فالبالكونه
انا : يوسف خيرك
يوسف : شي
انا : كيف شي وانت معص.. قطع عليا
يوسف : اخنقني : انتتيي ماتففهمميي
انا : انصدمت وخفت :
يوسف : ساكت ويشوف لعيوني
انا : خنقتني العبره خشيت نجري سكرت دار النوم عليا بالمفتاح ونبكي ويوسف يسمع ف بكاي وقت انكح
بعد 5 دقااييق
يوسف : يدق ع الباب: وعد افتحيي
انا : نبكي ؛...
يوسف : نكلم فيك
انا : ماتكلمنييش نبيي نمووت نبيي نمشيي لعنند بابا وماما اللي يحبوني ومايمدوش ف يدهم علييا المووت اهون من عيشة الذل اللي عايشتها
يوسف: زعل : باهي ماتقولي هكي انا غلطت واسف
انا: اخخطاانيي
يوسف : برحمة والديك افتحي
انا : نضت فتحت الباب وبنطلع مسكني،
يوسف : تعالي وعد
انا : اندف فيه ونبكي : بععد عنييي بععد
يوسف : اسف باهي
انا:انبعد فيه ونضرب ف صدره وانهرت بكي : انت مش اسفف
يوسف : حضني : اشششش خلاااااصصصصص
انا : طحت ونبكي : لييش تعامل فيا هكي لييش انا شن درتلكك بسس نبي نتقرب منك ونكسرو الحاجز ونقعدو اصدقاء انا فالدنيا معادش عندي حد حس بيا يايوسف
يوسف : تعالي نوضي
ووقفني وقعمزني ع السرير وقعمز بجنبي
يوسف ؛ مسحلي دموعي: اسكتي يابنية انا اسف وكنت معصب متعارك مع واحد نعرفه والغل جي عليك مش بقصدي
انا : نبكي
يوسف : سامحتيني ؟
انا : معادش تمد يدك عليا
يوسف : يمسح ف دموعي: حاضر وعد
انا : نشبح فيه:
يوسف : فنص فيا : خييرك
انا : رجعت نبكي : حوول عنيي
يوسف: يضحك : خلاااص خلااص انبصصر
انا : نبكي
يوسف : ابتسم : نبدو صفحه جديده
انا : نقزت حضنته : اوووعععدنييي اديير بالك عليا وماتمدش يدك عليا وماتخونيش ومتزعلنيش بكل واللي نبيها اتجيبها ليا وادلعني واتعيشني احسن عيشه واتعاملني كيف بابا
يوسف: طبطب ع ظهري : نوعدك ياوعد
انا : حولت من حضنه ومسحت دموعي:
يوسف : كم عمرك ؟
انا : ضحكت : 18
يوسف: انصدم: ااحلفيي
انا : نضحك: مالا انت كم
يوسف : 29 جدك
انا : نضحك : حييي ع الجو
يوسف : بياكلني ب عيونه ؛..
انا : انحرجت : خيرك
يوسف : وعي ع روحه : نوضي نتعشو ف شي مطعم
انا : هي
وطلعنا نتمشو وادهورنا ولعبت ف مدينه الملاهي ومشينا للمطعم اطلالته ع البحر وقعمزنا تعشينا وهدرزنا وغيرنا جو
انا : طاحت عيني ع بنية صغيييره تمشي : محلااهااا
يوسف : شن هيا والتفت ..
انا : ياحليلي كيف مكركبه تهبلل
يوسف : وقف : تو انجي
انا : وين
يوسف : مشي سلم ع اهل البنية واستأدن منهم ورفع البنوته وجابها ليا ..
انا : فرحت ومسكتها : يااقلبييي ،وانشم ف ريحتها وانبوس فيها ونتلمس ف وجهها ويديها والبيبي تضحك
يوسف : يتفرج علينا ومبتسم
انا : يوسف شوف يديها زعيلوناااتت
يوسف : ايي هي هاتي نردوها لباباها
انا : بستها ومديتها ليه : قوللهم ديرو بالكم من الطفله حلوه نعمة الاطفال
يوسف : تأتر قام البنيه ورجعها الأهلها وجي : نروحو
انا : اي
وطلعنا نتمشو لعند وصلنا لشقتنا وخشينا
يوسف : تعب ولله
انا : لاا بالعكس غيرت جوي بكل
يوسف : وعد مش ملاحظه صوتك قعد كويس
انا : شهقت : اييي حقااا
يوسف : ضحك: مجنونه
انا خشيت لبست قفطان قصيير وفتحت شعري واتكيت ع السرير وفتحت تلفوني وانزل ف اغاني
خش يوسف لابس شورت وكانتيرا
يوسف : شن اديري
انا : انزل ف اغاني
يوسف : خش ف البطانية : اااه ع الراحه
انا : حيييي
يوسف: خييرك
انا : نضحك : شوف خواتي شن بعتولي
يوسف : قرب مني : ضحك : هدي انتي هكي صغييره
انا : نضحك : ايييي
ورود بعتتلي : هههه شوفي صور هادو
انا : تسجيل صوت : هههههه حشمه يوخيتي
يوسف : يشم ف شعري ونفسه سااخن ؛...
انا : نضحك وندردش مع خواتي والتفتت بسرعة لقيت وجه يوسف لاصق فيا
انا : يوسف خيرك
يوسف ؛ نبره صوته متغيره : خليك بس
انا : زمطت ريقي وطفيت تلفون : يوسف
يوسف : قرب مني ؛ نعم
انا : حطيت يديا ع لحيته : شن فيه
يوسف : نبيك زوجتي
انا : مالا توا شنو انا
يوسف : اعطاني بوسه خفيفه : انتي كنتي مرتي ع الورق بس وتوا نبيك مرتي وام صغاري
انا : ابتسمت :
يوسف : وعد
انا : نعم
يوسف : نحبك
و عاشو ليلتهم كيف العرسان ومش ضروري التعمق ......
ساعه 11 صبح
انا : نحس ب حاجه ادغدغ فتحت نص عين : امم
يوسف : راقد بجنبي وينابش فيا بشعري : نوضي هياا
انا : مغمضه عيوني ابتسمت: صباح الخير
يوسف : صباحك فل غاليتي
انا : خشيت ف حضنه : مازلت ناعسه
يوسف : ضمني ليه : نرقدو
انا : هزيت راسي :
يوسف: عندي خدمه انا انتي ارقدي وطيبي نومك حبيبي باهي
انا : رفعت راسي نشوفله : بطول
يوسف : يحول ف خصلات شعري من ع وجهي : امم مشعارف ولله
انا ؛ باهي حبيبي
يوسف : ضحك : ترا عاوديها
انا : حبيبيي
يوسف : عااوديها
انا : حبيبيييي ياحبييبي انت
يوسف : اااخخ ازح محلاها من فممكك
انا: ضحكت : اسمع
يوسف : نعمم يااهمي نععمم
انا : ماطولش عليا
يوسف : عضني من خشمي ووقف بسرعه فتح الدولاب وطلع حوايجه وخش دوش وطلع لبس وجهز نفسه وطلع من الدار ورد
انا : ناعسه : خيرك
يوسف : نسيت حاجه
انا : شن هيا
يوسف : اعطاني بوسه: اهيا ،وطلع
انا : ضحكت وبنغفى جي: ؟
يوسف : استاحشتك ،واعطاني بوسه غل وطلع
انا : قعمزت نضحك : خيره العفو ورديت رقدت معش نندري عن شي
لعند الساعه 3 م
نضت فتحت تلفوني خشيت ع الواتس ورنيت ع يوسف رد
انا : اوسيفتي
يوسف : ضحك: صحه النووم ياخميره
انا : من قالك توا نضت
يوسف : صوتك ياهمي
انا : ضحكت : اهمممم
يوسف: شنو
انا : امتا مروح
يوسف : عندي اجتماع بعد شويه
انا : اهاا ربي معاك
يوسف : هي نوضي دوشي وتوضي وصلي فاتك صلاه الصبح والضهر نوضي صليه هي
انا : حاضر
وسكرت الخط وطلعت حوايجي ودوشت وطلعت صليت ومشيت للمطبخ درت حاجه ناكلها وكسدت اتصلت ب امل
انا ؛ الو السلام عليكم
امل : وعليكم السلام من معاي
انا : امووله معرفتينيش
امل : وووعععدد
انا : ييسس استاااححشتكم
امل : واحني اكتر وينك انتي ويوسف شخباركم وكيف حال صحتك انشالله احسن
انا : الحمدلله كويسين
امل : شن امور يوسف معاك
انا : فووق الرييح وضحكت
امل : فرحت وضحكت : اوووووو نشوف فيها احفاد توا
انا : ضحكت : خزيي تافهه
امل : هههههه مدوريش
انا : وين عمي وعمتي
امل: لوطا فالصاله
انا : اعطيهملي
وكلمتهم وهدرزت عليهم وطولت فالمكالمه وغيرت جوي وسكرت منهم هدرزت مع خواتي وشوي وسكرت قلت نلبس حاجه احلا
وفتحت الدولاب طلعت سروال اتش دي اسود وتيشرت شفاف ودرت كحل وروج وفتحت شعري وتعطرت وقعمزت كسدت
انا : اووف كساااد واتصلت ب يوسف ويرن ميردش قريب 4 مكالمات نسمع ف الباب انفتح نضت نجري
انا : حبيبيييي
يوسف : حضني ورفعني : اووببا استاحشتيني ياقرده ها
انا : وااجد
يوسف : باهي متشعبطه فيا انزلي
انا ؛ مش نازله
يوسف :ضحك وسكر الباب : خيرك متعفلقه
انا : نرن عليك ماتردش
يوسف : اهو جيت به ..قعمز بيا
انا : حطيت راسي ع صدره : يسلمو عليك اهلك وخواتي
يوسف : يسلمك ويسلمهم
انا : امتا بنروحو
يوسف : خيرك قالقه
انا : نبي حوشنا
يوسف : به حاضر تو نروحو
انا : به
يوسف : ترا دخلي يدك ف جيب الجاكه تلقي باكو طلعيه
انا : طلعته : شنو هذا
يوسف : رفعني من حضنه وحطني بجنبه : افتحيه
انا : فتحته شهقت : محلااه
" كان الباكو فيه خاتم الماس فخم "
يوسف : بنعوضك عن كل شي وهدا الخاتم ليك
انا : عيوني دمعو: لبسهولي
يوسف : لبسهولي وباس يدي : ياحظي فيك قلبي قعد رهيف عليك ياحبيبي
انا : حضنته : ربي يخليك ليا ياعمري
يوسف : ولياا
انا : نحبك
يوسف: يبوس ف خدي ؛ وانا نحبك
انا : حاطه يدي ع خده : حبيبي
يوسف: يبوس ف رقبتي : هممم
انا : جيعانه حبيبي انا
يوسف: وخر : شن تبي نطلبلك تأمري
انا : بتسمت وحطيت يدي ع خدي: كل شي منك حلو
المهم طلبنا وجبه وتغدينا ولمينا الحوسه وطلع يوسف وبعد وقت رجع قالي بكرا مروحين فرحت ونضنا جهزنا دبشنا ورقدنا بكري ونضنا الصبح طلعنا وركبنا الطياره ...
....
أنت تقرأ
رهفة قلب
Ficção Geralرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
