رواية : رهفة قلب
للكاتبة : نونا السبهاوي
الحلقة 13"
يوسف قعمز يفكر ويتفرج ع صورة وعد كيف دابلة وراقده
......
بعد مرور اسبوعان وتحديدآ الخميس حفله امل
الصبح ساعة 8
انا : املل هيا نووضي وقت بتمشي للمزين
امل : باهي هي
ونزلنا فطرنا
امل : تلبس فعبايتها : وعد
انا : نعمم
امل : امشي معااي 💔
امال : حيييي مزال قاعداتت نووضن تحركن
انا : باهي ولبست عبايتي ومشينا للمزينة رفعنه يونس وطول الطريق دموعنا ينزلو انا وامل ع يوسف اللي مختفي
وصلنا ونزلنا لقينا زوز عرايس قبلنا وقعمزنا انهدرزو
........
نجاة : ناقصة فرحتنا
امال : منزله راسها تمسح فدموعها : ربي يبين مضاويه
والخالات والعمات حاولو يغيرولهن جوهن وبالفعل نشطن وناضن يرقصن وبعدها كل وحده حاست ع روحها
....
الساعة 7:11 م
انا : مبتسمه : ماااشاءلله اموولتي طالعه جميييلة
امل : انشووف روحي فالمراية?
انا : عدلتلها الطرحه : اي هي لفي يمرااياا
امل : ضحكت ولفت انصدمت : ياالله
انا : خيرك
امل : اعتمدت اللوك هههههه الله نصدمت ف رووحي متغييره هلباااااا
انا : يحياتي رببي يهنيك
امل : يارب
تلفوني يرن
انا : ايوا امال
امال : محمد راجل امل يجيكم?
انا : لااا كلمي اسامه لانه يونس مش فاضي مع الشباب ومحمد بيديرو موكب يخططوله بيلاقونا ع الجزيرة
امال : اهاا هي وتن روحكن مالا لانه تأخرتن ونرجو فيكن فالصالة
انا : تمام هي نتلاقو ..وسكرت
امل : جاينا اسامه!
انا : اي
امل : وووه انشالله غير مايقلبنا بالسياره هالمطرشق حياته جري وتسطريب
انا : ههههههههههه جو عليه
وشويه وجي اسامه وطلعنا
اسامه : يدخل ف فيلو ويكر فيه : وووه شن هالخيمة ازح كيف تمشي انتي?
امل : هههههه بشويه عليه
انا : هههههه اسكتو يالعار
اسامه : ركب : شنلاموووور
انا : نضحك : مااشيااا
اسامه : ولع الضي ولف لامل : ترا ارفعي البطانيه اللي ع وجهك نشبح الزواق
امل : رفعت الكاب : هاا
اسامه : اامممممممم ولف عليا ? هدي امل اختي
انا : ههههههههههههههه اييي خيرها
اسامه : لا البنت هدي سمحه نحسابش المكياج يحلي لهدرجه يستر الله ف محمد لما يشبح السخط بعد المكياج
امل : خزي عليك اسامه 💔
اسامه : ضحك : ههههههههه نبصر قمر طالعه
امل : باهي به
اسامه : اهو اخديتلكم بيتزا كولنها قبل م نوصلو
امل : مانبي
انا : اخديت طرف : لنقني جعانه
اسامه : يسوق : اعطيني طرف بالله
انا : مديتله خداه ...
اسامه : بنتلاقو عالجزيره را
انا : اي قاللنا يونس
اسامه طلع يجري ويقابلنه سيارات الموكب يسطرب بجنبهم بالعرض
انا : ووووووك
امل : مكياااجي ياحقييير
اسامه : علا الاغانيه ع قوتها : تي هياااجه بسسس
انا : ندهش راا
اسامه : مايصيرلك شي وهو يسطرب ووراه السيارات رصاص واعياط واهياجه واغاني انواع اشكال ويونس يجري ومحمد راجل امل طالع من سقف السياره ويضحك فرحان لعند وصلنا دخلنا لقاعه العرس
انا : انكح : اسامه خوخمتنا اليوم
اسامه : انشطو انشطو
امل : حقير
..خشينا طلعت للصاله بجنب عمتي اللي زعلانه
انا : خيرك ياعمتي
نجاة : ابتسمت : شي يابنتي ماشاءلله عليك حلوة
انا : تسلمي يما عيونك الحلوات
..........
امال : الله يبارك وخيتي ..وتبخر فيها
امل : وين محمد بنخش هيا
امال : اهو برا تو اناديه وفعلا ناداته وخش
محمد : انبهر : حلاليي
امل : حبيبي
محمد: حضنها وباس راسها : تهبلي ماشاءلله ياروحي
امل : مبتسمه
امال : خشت : هياا المصوره بتصوركم بيش تطلعو
وصورو وطلعو ينزلو من الدروج واللي فالصاله يشوفلهم كيف جميلين ومنبهرين لعند وصلو للكوشه قعمزو
وبعد اشويه روحو وكل واحد روح لحوشه ووعد روحت هيا وخواتها لحوش هلها
.......
امل ومحمد خشو لحوشهم
محمد: نورتي حوشك ياعمري
امل : متحشمه ومرتبكه : بوجودك
محمد تعالي انصلوو وبعدها اتغيري ونتعشو تماام
امل : هزت راسها ..وصلو
محمد : قعمز يتفرج عليها : تهبلي
امل : ابتسمت ومنزله راسها
محمد : وقف رفعلها راسها : متحشمه مني
امل : ساكته ..
محمد : يبوس ف يديها : نحبك
امل : شافت لعيونه : انموت فيك
محمد : نزل لفمها يبوس
امل تجاوبت معاه
محمد حضنها ويبوس ف رقبتها ويديه يفتحو ف الفيلو
.......... نخلوهم ف حالهم..
يوسف مع صاحبه عماد
عماد : امتا مروح لليبيا
يوسف : مشعارف
عماد : انا مروح الاسبوع هدا
يوسف : لالا مانقدرش توا استلمت الشركه مؤقت لين يجي المدير من المانيا
عماد : المدير ليبي هوا
يوسف : ضحك : قيس صاحب الطفوله
عماد : اييي وانا انقووول عليش مستلم بداله
يوسف : مانقدر نرفضله طلب
عماد : فيه مركز بنمشيله اهو قريب من هنا تمشي معاي
يوسف : متاع شني
عماد: تو تعرف
يوسف : ابتسم : هي نسايرك ليش لا
ومشو ووصلو خشو
عماد : بنوشم ياراجل
يوسف : ايااه!
عماد : اي
يوسف : خش هي
عماد خش للحجره ويوسف قعمز وقت بعدها جت بين عيونه وعد
يوسف : ف خاطره : استاحشتك ..
ووقف لشاب قاله يبي يوشم ورفعه لحجره تانيه وقعمز بيه و قاله نبي نوشم هنا ع كتفه اليسار "اسم وعد بالرقعه"
وفعلا دارها شاف فالمرايه لكتفه اسم حبيبته بخط عريض وبالتشكيل وحلو طلع يدفع فلوس وخش لحجره اللي فيها عماد لقاه يلبس ف قميصه
يوسف : هداا كله طولت يراجل
عماد : ههههههه شوف وشمت ايدي كلها هدا للي طول بيا
يوسف : اطلع اطلع
عماد ضحك وطلع وركبو السياره وفالطريق
يوسف : خيرك
عماد يسوق: حاار التوشيم ازح
يوسف : حت اني وشمت
عماد : اححلف وييين
يوسف : رفع الكم : اهو
عماد : ااوووووو منلاخييير
يوسف : ضحك : جديات
عماد : وعد!
يوسف : سكر فمك ياتافه
عماد : ضحك : المدام
يوسف: خلاص به
...........
أنت تقرأ
رهفة قلب
General Fictionرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
