رواية : رهفة قلب
للكاتبة : نونا السبهاوي
الحلقه 9
اسامه : يعيط عليه : ت معقووله هكيي ياراجلل دير لرووحك حلل لينا قرييب ساعتين نوضو فييك
يونس: منوضني شن تبي ف امي
اسامه : ياااا..... مرت خوك لقيناها شبه ميته فالجنان وخوك ابصر وين ماد زومته مهوش مبين صار حت لعياط ف الحوش مانضت
يونس؛ رسميييي؟؟
اسامه : اي قال بوي انت وخوك ماتروحولي للحوش الا ومعاكم يوسف
يونس: وقف وحط يديه ع راسه؛ لاحول ولا قوة الا بالله
اسامه : غسل وجهك وانزلي فالسيارة انا ماطول
.....
امل : تبكي : الو ماما حقا اللي سمعته
نجاة : تبكي: ايي ياماما ادعيلها وراس بنيتي
امل : حااضر ياماما تبي شي
نجاة : ديري بالك ع الحوش لين انجي انا
......
اسامه : وين بنلقوه ويين
يونس : شن صاير بينهم زعم
اسامه : خووك فاااسسد تييي معقووله يطللعع ويخليي المراا برووحهاا تيي عااار راا طاايححه فالجنانن جاااب ربيي شافتها عمتيي عيشه ولله كان شافها حد تاني راا شهدره صارت النمم
يونس : حاط يديه ع راسه: ...
اسامه : استغفر الله العظيم واتوب اليه لفينا لكل المكانات اللي متعود يمشيلهم ومالقيناه وييين انتلففف وييييين
يونس:سكت شويه : اسمعع
اسامه : ها يايونس شنو
يونس : تتفكر ف مزرعه عبد الجليل صاحب يوسف
اسامه : اي خيرها
يونس : امشيلها بالله
اسامه: ؟
يونس : غير بري هي
ومشو وطول الطريق يفكرو ومضايقين وكانت المزرعه بعييدهه تيرروو
اسامه: يونس هيا الطريق
يونس: اي اي خش ع يسارك وامشي طوول فوت مزرعه احمد عادل و مزرعه خوه محمد واكسر الطريق ع يمينك يجيك باب المزرعه لونه اسود
اسامه : اي اي زبطت
.....
يونس : تلفونه يرن : ايوا
امل : هاا اونيسه شنصار معاك
يونس : امل الله يربحك معش اترني حاضر كيف يصير انكلمك بااهي
امل : باهي وسكرت
ونزلو يدقو ع باب حوش المزرعه بقوه لعند فتح
عبد الجليل: ضحك : صباح الورد
اسامه : عبد الجليل شن حالك
عبد الجليل: بخير ولله تفضلو شن هالجيه المفاجأة
يونس : يوسف وين
عبدالجليل: مهوش هنا
اسامه : عبدوووو مااتععصبني للوو كاانه هنااا كللمهه اقسمم بالله صايرر موضووع عائلي ماافييشي بصااره ماتتسترر علييه
عبدالجليل: تلقوه داخل راقد
...
خشو يجروو
يونس : معصب : يوووسففف ي يووسفف
اسامه : ينوض فيه
يوسف : تييي خييييررر........ الهم
يونس : انت حاسب روحك من البني ادميه ولا شنوو
يوسف : خيرك نقص صوتك متعليش عليا حسك
اسامه : عصب : انتت شنن قصتك
يونس : سكر الباب بيش عبدو مايسمع
يوسف : وقف ومسكه من وجهه : مااتعلييش صووتك
اسامه : اانتتت راااقد هناااا ومرييح رااسسسك ومررتك ماتندريي علييهاااا
يوسف : شنن دخلك بيناتناا ماهممتكك فيياا متجووش اتعلموني الصح من الغلط
يونس : تييي عااارفف شنن صااييير انتتا اففتحح تلفوونك شووف كم مكااالمهه
يوسف : خنس وخاف فتح تلفونه انصدم :
يونس : يتحزز : كممم مكاالمه فائته تراااا
يوسف : 142 مكالمه خير شن فيه
اسامه : دفه : اليوم بوي يقتلك
يونس : امشي اسأل ع مرتك اللي لقيناها شبه ميته فالجنان طايحه
اسامه : وشافتها عمتي عيشه جارتنا يااااااا
يونس : زوجتك ميته سريرآ بريلها للمستشفى واسمع مانحسابك تطلع هكي
يوسف : من الصدمه وشعور متلخبط : طلع يجري وطلعو وراه ركبو السياره ومشو يجرو
تلفون يرن
اسامه : فاتح مايك : ها امي
نجاة : صوتها مبحوح من البكي : وليدي شن صار معاكم وامتا بتجو راهو روحنا وخوات لبنيه جوها دايرات عياطات ف العياده اختكم بروحها بتهبل وامال من امبدري جت وبوكم يتحلف
يوسف : نادم ومتحشم وخايف عليا : ها امي انا يوسف
نجاة : بكي بحرقه : يووسف لييش عليك ياولديي اتخلي مرتك هكيي لييش شن صاير بينكم عييب علييك
عتمان : رفع منها التلفون : تييي غيير روح يا ولد الكلب انااا انربيك من جديد اصلااا غلطت لماا زووجتك لبنت ترفع الراس ياحماار انت مش متاع شي مش قد المسؤولية حسبتك رااجلل طلعت عيل انوورييك انا نرجا فييك توااا تروحح وسكر الخط
يوسف : وججعه خااااطره بدرجه وخنقاته العبره متوقعش بوه يقوله كلام قعدت اتردد ف ودنه "حسبتك راجل طلعت عيل"
يوسف : خانقته العبره: اسامه
اسامه : يسوق : بالله يايوسف صح خوي الكبير بس لنقني ماحبيتها اللقطه هادي فاصل منك للسما
يوسف : غير احكيلي شن صار وشن قالت الدكتوره
اسامه : يحكيله..........
........
امال : شنن اللعب هداا ياماما
نجاة : شكله متعاركين لان مستحيله يخليها ويمشي حت تلفوناته مايرد عليهن
امال : ياماما البنت مريضه عندها الربو ومن ابسط شي نفسها يهرب كيف يخليها وين عقله ويين
امل : تبكي : حرام ولله العظيم
نجاة : خواتها كيف وجعني لبكي اللي دايراته انا وحده انزلط وجهي متحشمه منهن
.........
ورده : تبكي : ااه يوخييتيي
وسن : تبكي وخلاص....
ورود : لاحول ولا قوة إلا بالله يارب نوضها بالسلامة لا سو لا سويه فقدنا هلنا مانبو نفقدو اكتر ولله نار الفقد واعره يارب نزل علينا الصبر وارحمنا برحمتك يارب اشفي وخيتي وعافيها يارب اشفي وخيتي وعافيها
........
يوسف : نادم وخانقته العبره ومش قادر يبكي او يتكلم عارف روحه غالط وماكان لازم يدير التصرف هدا ...
اسامه : ايح اهو باتي داير كرسي قدام الباب
يوسف رفع راسه يشوف ف باته وقف نزل ونزلو وراه خوته وخشو...
عتمان : الحقني للمربوعة وخش
يونس: ماهو ناوي خير باتي
يوسف : خش لأمه : امي
نجاة : تعيط : وووه اوليديي لييش عليك عليش عليش شن صاير بينكم متعاركيين لبنيه بتريح من يدينا
يوسف : اسف ياامي
امال : تعال يوسف نبيك
امل : تبكي وساكته تتفرج
يوسف : باتي يبيني تو نكلمك وطلع للمربوعه
عتمان : وقف قرب منه : شن اللي دايره انت
يوسف : ماني داير شي يابوي
عتمان : كيف مش داير شي قارب المرا ماد يدك عليهاا شن صاير
يوسف : خصوصيه يابوي ماحد يدخل فيهن لو سمحت
عتمان : كييف وبسبب منوو تواا البنت بين الحياة والموت الراجل عاطيها لينا امانه نحافظو عليها ياكلب اتخليها بحالتها هادي وتمشي وعارفها مريضه ربو كييف هكيي اصلاا انا غلطت وزوجتها ليك يالي ماتتفع يازفت ياحمااار مااهيش رجوله اتخلي مرتك فالحوش بروحها وتمشي ف عز الليل خزي عليك وع ربايتي ليك
يوسف : تعصب : لووو عاارفنيي وشااك انيي مشش قد المسؤوليه ليييش زووجتهاا ليااا قتلكمم منيش متزوجح انتم غصبتوني اتجوو اتحاسبوو فيااا تواااا انتتممم السبب اصلاا و قطع عليه بوه ب كف سمعوه هله داخل
عتمان : الزم احدودك وماتعلي صووتككك
يوسف : تاااانيي كففف منك ياابوووييي ومششش ناسيييه وولدكك يوووسفف معااادشش حتتشووفه ف حيااتككك ،وطلع يخبط الباب ويمشي لحوشه خش لقي تلفون وعد طايح رفعه ركب الدار النوم قعمز جهه وعد وقعد يبكي بحسره وعيط ع طول حسه من الغبن وقف كسر قزازات دار النوم ويعيط قريب ساعه لعند دهش فشل جسمه ويديه دم بدرجه خيالية قعمز ومسكر عيونه وقت بعدها فتح اعيونه وقف الدولاب طلع شنطه سفر وحط دبشه ورفع تيشرت ل وعد يحبه ورفع مبلغ ومفتاح سياره ونزل يقابله يونس فالشارع وقفه
يوسف : نزل روشن السياره: ...
يونس : يشوف لعيونه الحمر ويديه دم : وين ماشي
يوسف : بالله ماناقصنيش بنهج
يونس : افتحلي التأمينه بنركب
يوسف : وين تبي
يونس : افتحلي بس
فتحله السياره وركبو ومشو
يوسف : يدخن بشكل غريب
يونس : يشبح ف حاله خوه : يوسف
يوسف : شارد ويسوق
يونس : يووسف
يوسف : انتبهله : ها
يونس : انا خوك نبيك تحكيلي بيش نساعدك
يوسف : ساكت
يونس : حط يده ع كتفه : ماتخاف نساعدك احكي شن صار
يوسف : حكاله كللل شيييي...
يونس : تنهد : اسمع تحبها
يوسف : اي يايونس
يونس : امشي شوفها فالمستشفى وكلم الدكتوره تحكيلك وضعها قبل وتو انشوفو كيف
يوسف : بس معادش حيشوفني حد فالاول تبرا واتنوض بسلامه بعدها معادش حد يشوفني وحنطلقها وترتاح من شقاي ولو شن صارلها انا مش حنقتل روحي بس حنجيب من يقتلني
.....
أنت تقرأ
رهفة قلب
Genel Kurguرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
