رواية: رهفة قلب
للكاتبة : Nona Alsebhawy
الحلقة 3
انا : شابكه يديا ببعض ومنزله راسي:..
يوسف : ماسك سفره ؛ هاكي عشي امي بعتاته
انا : حيييي لييش متعبه رووحهاا
يوسف : بالله امسكي تعشي
انا : وقفت اخديته منه وابتسمت : شكرا
يوسف : بيطلع ...
انا : يوسف
يوسف : يتأفأف: ها
انا : ممكن تفتحلي التلفزيون مانعرف
يوسف : شبح فيا مستغرب
انا : نشوفله ببرائه: ممكن
يوسف : وااك عالحصله ازفت ،وولع التلفزيون ونزل ،وانا تربعت ناكل وناكل وناكل لين شبعت رفعت السفره ونزلت بيها وغسلتها وغسلت وطلعت لقيت يوسف بدون اغطى جبت غطيته وركبت رقدت .......
الساعة 10 ص
يوسف : تلفونه يرن وعا من النوم : ايوا
امال : وين وعد
يوسف : مني وعد
امال : انصدمت : زووجتكك خيرك يوسف
يوسف : ااه راقده
امال : وعيها بنجي انا والمزينة
يوسف : باهي وسكر الخط
انا راقده وخاشه ف بعضي وشعري ع وجهي ومش متغطيه نسمع ف صوت يحكي معاي
يوسف : اوويي انتي
انا : نسمع فيه وساكتة....
يوسف: شن اسمها ازح
انا : مسكت ضحكتي
يوسف : دعاء لاا شن اسمه اا وععد ياوععد
انا : قعمزت تكسلت : نععمم
يوسف : ليا ساعه انوض فيك
انا : ابتسمت : صباح النور
يوسف : رافع حاجبه : خير خير
انا : ساعه كم
يوسف : 10:41
انا : وقفت :حي واعيه متأخر اليوم نديرلك فطور! شن روتينك شن تفطر الصبح
يوسف : مستغرب : غير قعمزي يابنت
انا : قعمزت: نعم
يوسف : مركز معاي : امال بتجي هيا والمزينه
انا: اااه به
يوسف: والفطور تو بتجيبه معاها
انا : وقفت فتحت الدولاب طلعت الزبون متاع يوسف وطلعت بدلة الردي و خشيت غسلت وجهي ودرت معجون وطلعت قدام لمرايا مشطت شعري ع فوق ويوسف متكي ع السرير مكسد ع تلفونه
انا : يوسف وين المكواة بنحددلك الزبون
يوسف : بجنب السرير ف باكوها
طلعتها وحددتله سوريته ودق الباب نزل يوسف نزلت وراه وسلمت ع امال جايبه الفطور فطرنا ولحقت المزينه وقعت تزين فيا ومر الوقت ومشيت لاهل يوسف وطولت وروحت بعد المغرب روح بيا يوسف ومشي
انا : وووه تعبت ياربي وركبت دوشت وغيرت حوايجي وجففت شعري وكسدت بروحي نزلت فتحت التلاجه طلعت شلاطه وقعمزت فالصاله نتفرج وطول يوسف مليت وخطر باهي ليا بابا قعدت نبكي ومستاحشته
رجع يوسف
انا : يوسف
يوسف : اييي علينا : نعم
انا : وجهي احمر : نبي بابا
يوسف : خيرك كنتي تبكي ؟
انا : هزيت راسي
يوسف : شن تبي انتي؟
انا : نبي نكلم بابا
يوسف : وكلميه شن تقولي فيه ليا
انا : مااعنديش بيش نكلمه
يوسف : فتح تلفونه يرن ع باتي : هاك
انا : الوو
بابا : ايوا السلام عليكم!
انا : خنقتني العبره: بااباا حبيبيي
بابا : اهلا اهلا بنييتي كيف حالك يابابا
انا : نبكي : استاااححشتك
بابا : حت انا استاحشتك حبيبتي
انا : كيف حالك وحال صححتك تاكل كوييس تتغطا كوييس محافض ع صحتك
يوسف : قعد يشبح فيا
بابا : اي يابنتي الحمدلله اهو وسن معايا هيا وولدها
انا : باهي الحمدلله
بابا: وسن اهي اختك
وسن : عرووستنااا
انا : نمسح ف دموعي : كيف حالك ياسوسه
وسن : تضحك : استاحشناك ياكلبه
انا : ماتخليني نبكيي سكتت بسيف راهو
وسن : ههههه شنجوك
انا : تمام الحمدلله
وسن : دوم يارب
انا : وسن مابنطول عليكم ديري بالك من بابا باهي
وسن : ماتوصي حاطاته ف عيوني
انا : تصبحو ع خير وسكرت
يوسف : ساكت ويفكر
انا : شكرا
يوسف : العفو
انا : انديرلك عشي
يوسف : لالا مانبي
انا : هزيت راسي وخشيت غسلت وطلعت قعمزت بجنب يوسف
يوسف : حط يده ع راسه
انا: يوسف
يوسف : بدينا : ها نعم
انا : عليش انت هكي
يوسف : عاقد حواجبه شبح فيا : شنو
انا : ديما فاصل
يوسف : لأني هكي
انا : عادي نتعرفو
يوسف : بالله شن بتعرفي عليا مانحب الدوه الزايدة
انا : وجعني خاطري: عادي مافيها شي لو حكيت معاي بدون ماتهزب اسفه ع الازعاج وركبت لدار ...
يوسف : حسيت روحي مزودها ازح لكن دوشتها واجده نفصل فيها شوي اتجي اتخفف دمها عليا ، بس كيف حنينه ع باتها واضح متقربه منه واجد زعم وين امها !! صح مفروض تعرفت عليها اووفف عالحصله دفوني لعيله صغيره
.....
بعد مرور شهر ع هالحال
ساعه 7:10 م
يوسف : خش: نوضي بتعشو عند هلي
انا : به حاضر
يوسف : ماطوليليش وقعمز ع السرير
انا : فتحت الدولاب طلعت قفطان خليجي نضامه واسع وطلعت ملابس داخليه وخشيت غسلت وغيرت وطلعت قعمزت قدام لمرايه ومشطت شعري ودرت كريم وجه ومرطب شفايف وكحل ومسكاره وضلال خفيف ودرت عطر وطلعت عبايه ووشاح وبخرت ووقفت قدامه
انا : كملت
يوسف: شبح فيا: حمدلله ع السلامه ووقف هيا
نزلت وراه وطلعنا ومشينا لحوش اهله وخشينا سلمنا وقعمزت
يوسف : ماشي انا ع العشي انجي
عتمان (بوه): وين
يوسف : عندي مشوار وجاي
عتمان : تمام
طلع يوسف ومقعمزين نهدرزو خشو خوته
.......
أنت تقرأ
رهفة قلب
General Fictionرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
