رواية : رهف قلب
للكاتبه : نونا السبهاوي
الحلقة الأخيرة الجزء التاني "
الصبح ساعة 9
انا : فتحت عيوني ابتسمت وقعمزت انشوف ليوسف كيف راقد وشعره الناعم نازل ع عيونه ورموشه الطويله ولحيته المرسومه وفيها الشيب نضت طلعت وخشيت لدار التانيه بنطلع ملابسي لقيت امل تمشط ف شعرها
امل : اووو
انا : ضحكت : ولااا كلمه
امل : دارت حركه بمعنى سكتت وضحكت
انا : صباح الفل
امل : ههههه صباح الورد ياعروستنا
انا : اتفو كان ماعلقتي را اولدتي
امل : هههههههه
انا : سخيفة ..وطلعت دبشي ودوشت ولبست بدله واسعه رماديه وجففت شعري ودرت مكياج وكحلت وبخيت برفان وطلعت لدار اللي فيها يوسف لقيته مزال راقد
انا : يوسف
يوسف راقد نوووم
انا: قعمزت بسته : حبيبييي
يوسف : هممم
انا : نووض هياااا
يوسف : راقد: شويه بس
انا : امم
يوسف : خدا نفس طوييل : ااااااه ريحه الحب فايحه
انا : ضحكت : ههههههه
يوسف : فتح اعيونه : محلااك ياعمري
انا : طالعتلك حبيبي
يوسف : تعالي
ورفعني قعمزني ع بطنه
انا : هي نووض يرجو فينا عالفطور
يوسف : هاتي بوسه به
انا : بسته : هي نوض
ونضت طلعت وصبحت عليهم وبعدها نزل يوسف صبح عليهم وقعمزنا فطرنا وغسلت انا وامال الحوسه وطلعنا لقيناهم فالبحر ومشينا جيهتهم
امل : تضحك : هههههه سالطو اطلع طووول يايونس
محمد : نقصي صوتك ياهمي
امل : مسكت فيه : باهي
امال : رافعه سعد : ردي بالك ياامل
امل : وووه باهي
يوسف : طلع وجاني : تعالي معايا
انا : نخاااف
يوسف : معاك اني ماتخافي
انا مسكت ف يده ودخل بيا للبحر
انا : وووت مصقعععع
يوسف : ههههههه تو تدفي
انا : يوسف مانعرف انعوم
يوسف : امسكي ف رقبتي بس
انا مسكت ف رقبته وخش بيا للداخل : وووه معاش انطق وين الارضضض
يوسف : حبيبي ماتخافي معاك انا
انا : قلبي يدق بسرعه : به
يوسف : ارخي روحك بس تلقي روحك مسترخيه
انا ندير كيف ماقالي
يوسف : ننزل بيك تانيه وانطلعك
انا : لالا
يوسف : خودي نفس وغمضي عيونك بس
انا خديت نفس وغمضت اعيوني جبدني يوسف لتحت بسرعه وطلعني
يوسف : ها
انا : حبيبي نبي نطلع
يوسف : به وطلعني وقابلتني امال ب منشف
انا : صحيتي حبيبتي
امال : ولو
انا ويوسف وامل قعمزنا لعند جفينا
اسامه : جت النيه ف كارطه
انا : تييي معاك معلمه فيها
امل : هههههههه حت انا نلعب
يونس : وانا
اسامه : تم فرشو قدام الشاليه وانا انجيب الكارطه
مهم قعمزنا قدام الشاليه وكانو الكل قاعدين
انا : ولله انطييحكم
اسامه : ههههههاي انشوفو
يوسف : انا بنشجع مرتي الحق
محمد : حتنا
نجاة : ههههه بنشجع اولادي انا
يونس : اووووو منوره يمي
اسامه : المره الجايه مرتي اتشجعني
عتمان : ضحك : خزي معاش في حشمه
امال : ههههههههه
وبدينا نلعبو ولعبنا كم شوط وانفوز
يوسف : يصفق : اوووووووو طيحتكممم هههههههههههه
انا : تي وين اسامه معاش سمعنا صوتك
اسامه : متشمته ههههه
امل : اخس
انا : هههههه
امال ؛ اسمعو نلعبو لعبة تانية ومتاحه للجميع
يوسف : شنهيا
امال ؛ الغاز انقوللكم اللغز وتمشو للمكان اللي فهمتوه من اللغز هدا حتلقو لغز تاني واللغز هدا يوديكم للكنز ومني انا اللي يفوز ياخد اللي يبيه
يونس : تم
امال : بس بدون غش خلوني نمشي نكمل الازم وانجي نقولكم اللغز وادورو عليه وتقسمو مجموعات يونس واسامه ،، امل ووعد ،، يوسف ومحمد
كلنا : تم
أنت تقرأ
رهفة قلب
Ficção Geralرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
