رواية : رهفة قلب
للكاتبة : Nona Alsebhawy
الحلقة 5
يوسف: مقعمز وحاط يديه ع راسه :..
انا : هيا
يوسف: ويين ع الله
انا : اررفععني لحووش هلييي
يوسف : نررفععك لكن الطلاق ماتحلميش
انا : مش ماتبينيش ومش متربيه حت انت ماتحلمش نقعد معاك يوم هنا
يوسف : اسسكتييي
انا : نعيط : ماانيييش ساااككتهه
يوسف : ضربني كفف : ماتعليش صوتك عليا فاهمه
انا : شبحت فيه عيوني حمر من لدموع ومكان الكف احمر طلعت قدام السيارة نرجا فيه ونبكي
يوسف : جايب شنطه وركبها وركبنا ف السياره وطلع بيا لحوش هلي اول م وصلنا
يوسف : انزلي توا وسيوره بتروحي وورقه الطلاق ماتحلميش بيها
انا ؛ شبحت ف عيونه : بعد م تحملتك جازيتني ب كف وكلام زي السم ع قلبي شكرآ بارك الله فيك هدا اللي استحقيته بعد م قلت نتحملك ونخليك تحبني واتحس واديرني زوجتك بس صح نسيت انا بنت مش من مستواكم بنت فقيره عاشت ع البساطه وع حب بوها ليها تحساب الناس كلها كويسه زي بوها ووصلت مكاني ع الاقل عندي من يتحمل دوشتي وهدرزتي ومايمدش يده عليا ويعرف قيمتي ونزلت رفعت الشنطه وخشيت نجري
انا : باباا
ورود : وعد ؟
انا : حضنتها ونبكي بحرقه : ورووود
ورود : خافت : خيييرك
انا : استااحشتكم بسس
ورود : ضحكت : يادلاله خشي خواتك داخل مع بوي
انا : خيره بوي مالا
ورود : جاته حمه متعبته
انا : خشيت ،سلمت عليهم وحضنت بابا وحكينا ومر الوقت وبابا رقد غطيناه وخشينا لدارنا
ورده : وعد خيرك
انا : خيرني
ورده : مش عاجبتني وشن اللي ف وجهك كأنه من ضاربك وعيونك حمر خيرك اختك ماتحاولي تخبي شي
انا : نهرت نبكي وقعدت نحكيلهن كللل شي
وسن : شهقت ؛ ححييييي
وقعدن يهزبن ويحكن وحده معاي وحده ضدي كيف تردي عليه وتعلي صوتك ووو
ورده : شن قلتيله
انا : يطلقني بس قالي ماتحلميش انطلقك
ورود : يبيك اصلا انتي كيف تعلي صوتك عليه
وسن : لا يابنات راه عاملها ب طريقه حقيره الصراحه يستاهل
مهم حكينا للفجر ورقدنا
ومرو اسبوعين بعد م جت امل اخت يوسف وكلمتني وقاتلي ردي ماتطلقيش ومش حنقول لهلي شي بنقوللهم قاعدة مع بوها بروحه ومريض وخواتها روحو ، لعند جي يوم
انا كنت انضم ف الحوش وكملت دوشت واستغربت بوي طول ماناضش
انا : خشيت لداره : بابا ي بابا
بابا : ولا رد..
انا : خفت : باباا ،وقربت منه بنهزه يده طاحت : بااابااا قعدت نعيط بابا رد عليا يعمري بابااا خييرك ماتردش نكلمم فيييك ، ماعرفتش شن ندير منن بنتصل من بنكلم خواتي مش ساكنات فالبلاد يبن وقت باش يوصلن ماوعا عقلي لين لقيت روحي متصله ب يوسف ويرن
يوسف : السلام عليكم عمي عبد المهيمن
انا : نبكي وصوتي مبحووح : يووسفف بابا يايووسفف
يوسف : وقف : خيييره
انا : ماايتححركشش دونك ليااا
يوسف : طلع يجري باهيي جااي جااي وسكر مشي لهله ورفع بوه وامه واخته وجو
انا : حاضنه بابا ونبكي : نوض يابابا نووض
الباب يدق طلعت نجري ونطيح لعند وصلت فالباب فتحته وخش يوسف وباته وعمتي نجاة تبكي وتحضن فيا وامل بتجيبلي ميه
يوسف : ويينه بووكك.
انا : ف دار ع اليمين
وخشو يجرو وانا حاضنه اعميمه ونبكي.
المهم رفعوه للمستشفى طلع متوفي ووصلني الخبر قعدت انعييط بدرجه لاتوصف وامل كلمت خواتي من تلفون بوي وبعد وقت جن حضنتهن وعيطنا وجو الناس وانا مابطلتش بكي ونقطع عني النفس ودخت لعند رفعني يوسف للمستشفى ودارولي اوكسجين ومهدئ غفيت بعد وقت وعيت وانا نبكي بعبرتي وصوتي مبحووح
يوسف : خش مخلوع ؛وعد
انا : ويين بوي يايووسفف
يوسف: قولي لا إله الا الله
انا : نبكي بعبرتي: ااااخخخ ياابااتيي ااخ ياحنين علييا من بيحن عليا من بعدك من بيحس بيا من بيدلعني ويحضنيي اااااهه ي هليي
يوسف : تأتر مسك يديا : خلاص ياوعد هدا قضاء وقدر من عند ربي ادعيلهم بالرحمه
انا : قعدت يتيمه يايووسفف ححس بيييااا
يوسف : قعد يحضن فيا ويهدي فياا ،
اعطوني مهدئ وبعد وقت روحت وخشيت لسرير بوي ودفنوه وقعدت 3 ايام ف سريره مانتحرك الا للحمام ومانحطش ف حاجه ف فمي غير لميه
بعد اسبوع
ورده : وعد راجلك بره
انا : شارده ....
ورده : انتي يابنت نوضي راجلك
انا : مسحت دموعي وطلعت المربوعة
يوسف : وقف: وعد كيف حالك
انا : ساكته : ...
يوسف : نكلم فيك
انا : شبحت ف عيونه
يوسف: نروحو ؟
انا : ساكته ..
يوسف : خاف : وووعد انطقيي قولي كلمه خيييرك
.........
أنت تقرأ
رهفة قلب
General Fictionرواية : رهفة قلب للكاتبة : Nona Alsebhawy رواية واقعية حقيقية نعرفكــم ؛ انا وعد عمري 18 سنة ، مواصفاتي ؛ بيضة ونقشي ع الاشقر ، ملامحي حادة جدآ ، طولي متوسط ، كذلك شعري متوسط الطول بس كثيف وناعم ، وشخصيتي عفويه وحساسة ، وقفت قرايتي في تانية إعد...
