HUNTER (Completed)

အပိုင်းခြောက်

ဖြောင်း.!!

နန်းဆောင်ထဲကိုဝင်ဝင်ခြင်းရိုက်ချခံလိုက်ရတဲ့ ပါးပြင်..။ရုတ်တရက်မို့ ရှောင်လွှဲချိန်တောင်မရတော့ အားပြင်းလွန်းတဲ့ရိုက်ချက်မို့ ပါးပြင်မှာချက်ချင်းဘဲ လက်ငါးချောင်းအရာကြီးထင်သွားတော့သည်။

သူ့ကိုရုိက်တဲ့သူကို မော့ကြည့်လိုက်ချိန် အံကိုတင်းကြိတ်ထားပြီး မျက်ဒေါင့်နီနီဖြင့် စိုက်ကြည့်နေတဲ့ မင်းကြီး.....။အိပ်ဆောင်ထဲထိ ဝင်လာပုံထောက်ရင်မနေ့ညက တညလုံးအပျော်မယ်တွေနဲ့ ပျော်ပါးနေခဲ့တာကို သိသွားလို့များလား။ဒါမှမဟုတ် အိမ်ရှေ့စံ ကိုလုပ်ကြံခဲ့တာကို သတင်းရသွားလို့များလား။ဘန်ယူ တွေးရင်ကြောက်ဒူးတုန်လာသည်။သူ့အပြစ်က ထောင်သွင်းအကျဉ်းချလို့ရတဲ့ အပြစ်လေ။ထိုအပြစ်ကို သူကျူးလွန်ခဲ့တာ။

ဘယ်လိုလုပ်ပြီးစိတ်ချမ်းသာစွာနေနိုင်ပါ့မလဲ။တနေ‌့‌တနေ့ မင်းကြီးများသိသွားလေမလားဆိုတဲ့စိတ်နဲ့ အိပ်ယာဝင်ခဲ့ရတဲ့ညပေါင်းများစွာ။အိမ်မက်ထဲမှာလည်း အိမ်ရှေ့စံက ပြန်လာပြီးသူ့ကိုလာသတ်နေတယ်ဆိုတဲ့ အိမ်မက်ဆိုးတွေက အမြဲခြောက်လန့်နေခဲ့တယ်.....

*အိမ်ရှေ့စံရဲ့ကိုယ်ရံတော်အဖြစ် ခန့်အပ်ထားတယ်ဆိုတာ အခုလိုသေ‌ရည်သောက်စားပြီးပျော်ပါးနေဖို့မဟုတ်ဘူး.!*

*လိုအပ်လာရင် မင်းအသက်ကိုပါ ရင်းပြီးကာကွယ်ဖို့ တာဝန်ပေးထားတာ.!*

*အခုဘယ်လိုလဲ.!အိမ်ရှေ့စံကို ကူရှာပေးဖို့ ဘာလို့မစဉ်းစားရတာလဲ.!အိမ်ရှေ့စံ ပျောက်သွားတာ သွေးရိုးသားရိုးတော့ မဟုတ်ဘူး.!*

*ဘာလဲ.!ဒီကိစ္စမှာ မင်းပါနေလို့လား ဘန်ယူ.!*

*မဟုတ်..မဟုတ်ပါဘူး...မပါပါဘူး မင်းကြီး..*

*ကျွန်တော်က အိမ်ရှေ့စံကို အဲလိုလုပ်မယ့်သူမျိုးလား မင်းကြီးကလည်း...*

*အေး.!လုပ်ခဲ့ရင်လည်း မင်းကို သေဒဏ်ချမှာနားလည်လား.!*

*နား..နားလည်ပါတယ်....*

*မင်းသတင်းတွေအကုန် ငါပြန်ကြားရတယ် ..ဒီနေ့ကစပြီး နန်းတော်အပြင်ကိုထွက်ဖို့မစဉ်းစားနဲ့တော့.!အဲဒီအစား အပြစ်ပေးတဲ့အနေနဲ့ ယွမ် နိုင်ငံက စစ်သည်တွေနဲ့အတူ အိမ်ရှေ့စံကို အိမ်နီးချင်းနိုင်ငံအနှံ့မှာ ရှာဖို့ လိုက်သွားရမယ်..*