وأدا قلبى بالحيا

البارت الاول " وأُدَ قلبى بالحيا "

البارت الاول " وأدا قلبى بالحيا "
ويأتي صباح جديد مُحمل بالكثير من الأمل.... او ربما الخيبات!!

*فى غرفة بمدينة الإسكندرية تستيقظ هذه الفتاه صاحبت ٢٣ عام لتبدأ يوم جديد ملئ من الحزن والاكتئاب وهذه الفتاه تُدعى ضحى*

قامت ضحى لتتوضئ وتصلى فرضها وقامت ذاهبه إلى الجامعه فهى فى عامها الاخير من كليه الهندسه؛ تعيش مع والدها وزوجته التى تعامل ضحى بقسوه وشده ؛توفت والدة ضحى وهى فى التاسعه من عمرها فتزوج والدها بعد وفاة والدتها بأسبوع واحد فقط.. كانت تعيش حزينه بائسه ضائعه أحلامها فى هذه الحياة حتى ظهر " محمود" ....

فى الكليه وتحديدا فى كافيه الكليه كانت تجلس ضحى مع محمود"

محمود : هانت ..هانت يا ضحى اخر سنه وبعدها هتقدملك وساعتها ولا ابوكي ولا جواهر مراته هيقدروا يعملولك حاجه...

ضحى بدموع وحزن: بس انا تعبت ..تعبت اوى وخلاص مش قادرة استحمل... بابا بيصدقها مهما حصل وبيكذبنى انا ، بيسمع كلامها فى كل حاجه ... خايفه بجد !!

محمود بصلها فى عيونها: طول ما انا جنبك متخافيش...وبعدين ما عاش ولا كان إلى يزعلك وانا موجود ...

ضحى ابتسمت إبتسامه بسيطه ومسحت دموعها : انا متطمنه عشان عارفه انك فى ضهرى .

محمود: ايوا كدا شاطرة يلا عشان معاد المحاضرة ....

*بعد انتهاء المحاضرة ذهبت ضحى إلى منزلها لتجد شخص يوجد فى الصالون*

جواهر: لولولولولولولولولى اهي العروسة وصلت ..تعالى ..تعالى يا ضحى يا حبيبتى سلمى على عريسك...

ضحى بصدمه: عريسى!! عريس مين؟؟

بدران: ايمن بيه جاى يطلب ايديكي للجواز واحنا وفقنا...

*ايمن رجل يبلغ من العمر ٥٣ عام*
" وقع الخبر عليها كالصاعقه"

ضحى بزهول: وافقتوا !! وافقتوا ال هو ازاى يعنى...انا مش موافقه...

ايمن : طب استأذن انا ومستنى ردكم يوصلى....

جواهر: لامؤاخذه يا ايمن بيه بس تلاقيها متوترة او مكسوفه معلش هى متقصدش....

*غادر ايمن*
جواهر بعصبيه: عجبك الى بنتك عملتوا دا قدام الراجل ...

ضحى : بابا ... بابا انا مش موافقه مش عاوزه اتجوز الراجل دا...

جواهر : وانتى تطولى تتجوزيه اصلا... بقولك ايه يا بدران اسمع العريس دا ميتعوضش وبنتك هتوافق عليه برضاها او غصب عنها سامع ولا لا....

ضحى بغضب وزعيق: اسمعى انتى بقااا انا مش هتجوزه يعنى مش هتجوزه فاهمه!! وبعدين انتى مين اصلا عشان تتكلمي كدا وطلاما هو عجبك كدا روحى اتجوزيه...

جواهر وقد صفعت ضحى لترتمى ضحى ارضاً من قوة الصفعه: انتى قليله الأدب امك قبل ما تموت نسيت تربيكى...