රැජිණියකගේ ඒකපාර්ශවික ආදර අන්දරය

chapter4

පසුදින....

"රැජිනියනි, උප බිසව ඔබතුමිය මුණගැසීමට පැමිණ ඇත ."
ඉන්බි මගේ කුටිය පිටත සිට දැනුම් දුන්නාය..

"ඇයව ඇතුලට කැඳවන්න ."
මා කරමින් සිටි රාජකාරිය ද නවතා දැමුවේ ඇයව මුණ ගැසීමට මා ද ඉතා කුතුහලයෙන් බලා සිටි නිසාවෙනි.

"රැජිණියනි ,මා ඔබතුමියට සුභ උදෑසනක් ප්‍රාර්ථනා කරනවා."
එසේ කියමින් සුක්බින්  බිසව හිස නමා  රැජිනියට ආචාර කළා ය.

"හොඳයි අසුන් ගන්න ."

ඇය මා  වැනි ධනවත් පැළැන්තියේ දියණියක් නොව ඉතා සාමාන්‍ය පන්තියේ කාන්තාවකි. එසේ වුවද ඇගේ රූප සම්පත්තියේ සහ ආචාරශීලීත්වයේ  නම් කිසිම අඩුවක් නොමැත.
වොන් යන්ග් රැජිණිය උප බිසව තියුණු ලෙස නිරීක්ෂණය කරන අතරේ උප බිසවත්  ඊට   නොදෙවැනි ව  රැජිණිය ව නිරීක්ෂණය කළාය..

"ඔබ මෙහි පැමිණි කාරණය කුමක්ද?"

මිනිත්තු ගණනාවක් පුරාවට පැවති  නිහඬතාව බිඳ මින් මම ඇසුවෙමි.

"මම ඔබතුමියව ඉතාමත් අගය කරනවා රැජිණියනි , ඔබතුමිය  මා වැනි සාමාන්‍ය පන්තියේ කාන්තාවන්ට බොහොම ශක්තියක් බිසවුනි..."

සුක්බින් බිසව  සිනාමුසු මුහුණෙන් පැවසීය. මා ඊට පිළිතුරක් වශයෙන් මද සිනහවක් පළ කරෙමි.

"මහ රජතුමන් මෙහි සැපත් වන වගයි !"

පාලකයාගේ ඒ වදනින් මා  මහත් වික්ෂිප්ත වුනි. රජු විවාහයෙන් පසු කිසිම දිනක මාගේ කුටියට පිවිස නැත.මගේ සිතට ලොකු සතුටක් දැනුනි.. නමුත් ඒ සතුට කෙමෙන් කෙමෙන් වියැකී ගියේ හිතට මහත් වේදනාවක් දෙමිනි . රජු මෙහි පැමිණියේ මා වෙනුවෙන් නොව සුක්බින්  බිසව වෙනුවෙනුයි .එය මට වැටහී ගියේ රජු කුටිය තුළට පිවිසි විගස රජුගේ ප්‍රතිචාරයෙනි.

"සුකී , ඔබට කෙසේද ?කුමක්ද රැජින  මාලිගයේ කරනුයේ?"
රජු ඉතා ළයාන්විතව උප බිසව ගෙන් විමසීය.

රජතුමනි ඔබට ඇයව පමණ ද පෙනෙනුයේ ?ඇයි ඔබට බැරි මට එක වරක් හෝ මෙසේ ආදරයෙන් ආමන්ත්‍රණය කරන්න රජුනි ...මමයි ඔබේ පළමු විවාහක බිරිඳ.. මේ රටේ රැජින ....නමුත් මෙතැන මම එක් ආදරණීය යුවලකට බාධාවක් පමණි..

රජුට හා උප බිසවට රැජින  මෙහි සිටින බව අමතක ගොස් වැනිය ..ආදරණීය වදන් එකිනෙකාට හුවමාරු කරගනිමින් මද වේලාවක් ගත වුණි..

ඉන්බී තේ පැන් සංග්‍රහයට අවශ්‍ය ද්‍රව්‍ය රැගෙන කුටිය තුළට පැමිණියාය. තම රැජිනියගේ මුහුණ දුටු ඇයට දැනුනේ හදවතට ඉදිකටු වලින් අනින්නාක් වැනි වේදනාවකි.

රජු හා උප බිසවගේ ආදර පිළිසඳර දිහා ඉතා දුකෙන් මෙන්ම වේදනාවකින් රැජින  බලා සිටියාය.රැජිනට මේ  දේවල් දෙස බලා සිටිනු හැර කුමක් කළ හැකිද?

"සුකී, මා එසේ නම් දැන්  යායුතුයි. පසුව මුනගැසෙමු ."
එසේ කියමින් රජුන් ඉක්මව ගියේ මා දෙස එක වරක් වත් නොබලා ය..

රජුනි ඔබගේ දෑසට මා එතරම් අප්‍රිය දසුනක් ද ?මා දෙස එක වරක් වත් නොබලා යාමට මා කුමක්ද  කළ වරද රජුනි ?පවසන්න මට ....මා එය නිවැරදි කරගන්න උත්සාහ කරන්නම් .. එසේ කළොත් ඔබතුමා   මා දෙසත් සුක්බින්  බිසව දෙස බලන මෙන් ආදරණීය බලනවද රජතුමනි ?..එසේ ආදරණීයව  මාගේ නමින් ආමන්ත්‍රණය කරනවා ද රජුනි? පවසන්න මට.....
රැජිනගේ සිත එක් දුක් ගින්නකි.
රජුට හැකිවෙයිද ඒ ගින්න නිවා දමන්න.?....