يلااا نبدأ.....
•فى منزل رسيل•
الجميع فى حالة حزن وذهول فجأة رن هاتف على (أبو رسيل)...
على: ألو مين معايا!؟
المجهول بضحكة شر: أنت أبو السنيورة اللى معانا قمر..
على قام وقف وبيقول بصوت عالى: مين مين بيتكلم!؟
المجهول بشر أكثر يظهر من صوته:اهدي بس يا أبو قمر كدة ليجرالك حاجة انت وبنتك..
على: لالالالااااا إلا بنتي أوعي تقرب ناحيتها انت فاهم واللا لاااء
المجهول: لم لسانك ي حليتها أحسن هخليك لا تشوف قمر ولا شمس حتي فى أيامك دي...
على بخوف وقلق: طب طب انتوا عايزين مننا ايه أحنا أذيناكوا ف ايه بس ليه كدة اااااااه ياااارب..
المجهول: اسمع اللى هقولك عليه وبطل تولول لأن الولولة مش هتجيب معانا سكة
على: قول اللى انت عايزه وأنا هنفذ بس متأذيش بنتي دي غالية عليا اوي...
المجهول: خلصنا احنا مش فى حضانة هنا واسمع بقا اللى هقولك عليه لو عايز بنتك عايزين مقابل كدة 50 ألف جنيه..
على بصدمة كبيرة جبته الأرض: 50 ألف
المجهول: أه 50 ألف جنيه وفى ظرف ساعتين تكون جهزتلى الفلوس وإللا مش هيحصل خير لبنتك.. هيمروا الساعتين وهتصل بيك أقولك جهزت المطلوب ترد عليا تقولى ااه تمام وهقولك على المكان اللى هنتقابل فيه وهيكون معايا بنتك تسلمني الفلوس أسلمك بنتك قمر.....
ولم ينتظر المجهول رد على عليه وأغلق الخط فى وجهه على الفور قبل أن يتفوه بأي كلمة على الإطلاق.
على قعد وحط ايده على جبينه وبيعيط: ياااارب انا مأذيتش حد يااارب فگها من عندك ياارب ليه بس كدة أنا أنا راضي راضي والله يارب بقدرك بس متأذنيش فى بنتي يااااارب..
ونزل فى البكاء الشديد والعويل ع ابنته المفقودة.....
/فى شرگة أبو النصر/
أحمد رفع سماعة التلفون وقال للسكرتيرة: هاتي الملفات بتوع الصفقة الجديدة عشان أجهزهم..
السكرتيرة (نغم) بمياعة: حاضر انت تؤمر ي
وملحقتش تكمل كلامها أغلق الهاتف فى وشها لأنه عارفها وعارفة مياعتها..... سكرتيرة معندهاش ريحة الدم😂
وبعد قليل أحضرت نغم الملفات لأحمد على المكتب..
أحمد بجدية: باش مهندش رضا روح واللا لسة..؟
نغم: هو أصلا مجاش النهارده ي باش مهندس.
أحمد باستغراب: ط طب تمام اتفضلي انتي وابعتيلى كوباية الشاى بتاعتي مع عمي حسن..
نغم: حاضر ي باش مهندس....
♕فى المصنع القديم♕(المكان اللى قمر مخطوفة فيه)......
كانت قمر مربوطة على الكرسي وحاطين على بقها بلاستر..
واحد من الخاطفين لاحظ قمر تغنج من تحت البلاستر (تصوت يعني او بمعني أصح عايزة تتكلم تقول حاجة)
قال أحدهم: ايه ي حلوة عايزة نفس واللا ايه فضحك جميع الرجال الجالسين...
كانوا قاعدين عدم المؤاخذة يعني فى اللفظ بيحششوا وبيسكروا ومش فى وعيهم خالص.....
واحد منهم: هو احنا هنفضل قاعدين هنا جمب البت دي هنا قوموا ي رجالة نخرج برا المصنع شوية..
واحد آخر: لو المعلم عرف اللى احنا بنعمله ده هيشلوحنا....
واحد ضخم منهم رد عليه: انت خايف واللا ايه ي عم قوم قوم بس متخافش وقاموا كلهم برااا....
هنا قمر كانت قاعدة ومربوطة فى كرسي من حديد وجوانبه حاده ففكرت قمر فى فكره أنها تحرك يديها المربوطة على مقبضي الكرسي ففضلت تحرك وتحرك يديها على مقبضي الكرسي حتي استطاعت تمزيق الحبل المربوط على يديها فأكملت فك نفسها بالكامل ووقفت تلف حوالين نفسها ومش عارفة تروح فين وتيجي منين وفى نفس الوقت عايزة تلاقى طريقة عشان تقدر تهرب قبل ما حد يشوفها
فجأة فتحت عنيها بصدمة لقت شباك مغطي بالسلك...
قمر لنفسها: طب طب أنا هفتحه ازاااي دا بس يا ربي ووضعت يديها على جبينها وبتقول يارب أنا محتجاك معا وملحقتش تكمل الكلمة وفجأه..................
🤎🤎🤎🤎
مستنية رأيكم فى التعليقات... 🙂
تفاعل ومتااابعة بقا يعني كدة يعني كدة بقا😂
الكاتبة.. Nada. 🤎🤎
اذكروا الله....
لا اله الا الله...
#رحلة رسيل#
أنت تقرأ
عشقت الفقيرة🌎💙
Mystery / Thrillerرسيل: حاضر حاضر ي ماما قايمة اهو طبعا رسيل أول ما قامت من النوم قالت ما يقال عن الاستيقاظ. رسيل: الحمد لله الذي رد على روحي وعافاني فى جسدي وأذن لى بذكره..
