يلللا نبدأ.....
خرجوا الرجالة من المصنع ليبدأوا فى البحث عن قمر بجدية شديدة لأنهم عارفين لو ملاقوهاش مش هيحصلهم طيب.......
فى منزل رسيل.....
منى بعياط: انتي فين ي حببتي ي بنتي حارقة دمي عليكي...
رسيل: متقوليش كدة ي ماما قمر هترجعلنا بخير ودلوقتي تشوفى.....
منى بدموع: ياااارب ياااارب انا مليش غيرك يارب ترجعلى بنتي بالسلامة ياارب وفضلت تعيط أكثر.....
أمل: اهدي ي ماما قمر هترجعلنا انتي. مؤمنة ي ماما... وحدي الله كدة وصلي ع النبي...
منى: لا اله الا الله محمد رسول الله.. عليه أفضل الصلاة والسلام...
على قاعد على الارض وحاطط ايده ع خده ومش عارف يروح فين ويجي منين........
والبيت كله محدش حط لقمه فى بقه.....
وفجأة سمعوا خبط على الباب...
قام على لبس نظارة النظر بتاعته وقام يشوف مين بيخبط......
وفتح الباب لقي شاب وسيم واقف على الباب ولقى قمرر طالعة من وراه...
على بلهفة وشوق لبنته: قمر قمر ي حببتي ي بنتي وخد قمر بالحضن....
والكل قام جري على الباب عشان يشوفوا قمر ويحضنوها...
رسيل حضنت قمر وأمل كمان حضنتها...
قمر جريت على أمها وبقت تعيط وتقول: ماما وحشتيني ي ماما....
منى: ي حبيبتي ي بنتي وانتي وحشتيني أوي....
قمر: اااه صح نسيت أعرفكوا على باش مهندس أحمد هو اللى جابني هنا....
على: اتفضل اتفضل ي ابني ايه اللى موقفك برااا كدة...
*انا لو بداله😂بقولك ايه ي عم الحاج ما انتوا مقضينها أحضان وأناا واقف قرطاس ترمس على الباب ومحدش قالى اتفضل حتي ولا حد قالى غور فى ستين داهية😂*
نرجع نرجع😂
أحمد: لا معلش مش هقدر الوقت اتأخر وأنا لازم امشي.....
منى: تمشي تمشي ازااي ي ابني لا لا لازم تقعد تاكل لقمة معانا وتشرب الشاى كمان ي ابني مينعش كدة.....
وبعد إلحاح كتير على أحمد.... وااافق🌺
قمر غيرت هدومها...
وبدأت أمل ورسيل يجهزوا الاكل...
طبعا انتوا عارفين الاكل ايه.. 😂كشري...
وبالفعل حضروا الاكل وقعدوا كلهم حوالين الصينية ياكلوا وبعد ما خلصوا أكل ...
جت أمل بالشاي وقعدوا وشربوا الشاي..
وطول الوقت مني وعلى يشكروا فى أحمد وكانت قمر حكت لهم گل اللى حصل معاها.. وكمل أحمد الحديث من أول ما لقى قمر ونقلها على المستشفى...
الام: انا مش عارفة أرد جميلك ده بإيه ي ابني روح ربنا يباركلك فى مالك وعيالك وفى صحتك ويسترها معاك...
أحمد بإبتسامة بسيطه: بس انا مش متجوز أصلا ولا خاطب ي أمي...
منى: اله يرزقك ببنت الحلال اللى تسعدك ي ابني...
وهنا قمر كان جواها حاسة انها مبسوطة انه مش خاطب..
قمر فى نفسها: ي بت اتهدي دا عمره ما يبصلك دا مش من مستوانا.....
أحمد قام عشان يمشي...
أحمد: أستأذن أنا بقا عشان أمشي..
على: أذنك معاك ي ابني اتفضل وشكرا ي ابني كمان مرة.... انا هفضل مديون ليك بالجميل ده العمر كله.......
أحمد: على ايه ي عمي دا واجبي لما أشوف أي بنت فى حالة زي دي وبعدين قمر زي أميرة أختي برده...
على: ربنا يحفظك ويباركلك ي ابني ويسترها معاك فى طريقك...
أحمد: السلام عليكم ي عم على.. هتعوذ أي حاجة؟
على: وعليكم السلام ي ابني.. لا عايز سلامتك ي ابني...
الساعة خلاص بقت( ٢)
حضنت الام بناتها الثلاثة فى حضن أمومي دافىء.(حضن بالدنيا)..
وقام الجميع للذهاب إلى النوم...
ونام الجميع فى ثباااااات عميييق🤎🤎........
اللى جاي أحلى استعدوووا🤎🤎🗣
أنت تقرأ
عشقت الفقيرة🌎💙
Mistério / Suspenseرسيل: حاضر حاضر ي ماما قايمة اهو طبعا رسيل أول ما قامت من النوم قالت ما يقال عن الاستيقاظ. رسيل: الحمد لله الذي رد على روحي وعافاني فى جسدي وأذن لى بذكره..
