"انظر إلى عين الشخص ربما تري الحقيقة"
يللا نبدأ....... 🤎
أميرة: ايه دا انتوا تعرفوا بعض!!!؟
رسيل: انا عارفه استاذ احمد هو اللي جاب اختي قمر على البيت لما كانت مخطوفة وكمان كان واقف مع الاستاذ ده كمان وهما بيشتروا مني حلويات بس هم بيعملوا ايه هنا عندكم!!!!؟؟
ايه الحلويات ما عجبتش ولا ايه ما عجبتكش ولا ايه يا استاذ!!؟
آسر: لا عجبتني وعجبتني اوي كمان.
أميرة: دول اخواتي يا رسيل احمد واسر.
رسيل بصدمة: اوبس اخواتك.!!!
أميرة: اه يا بنتي مالك اتخضيتي كده ليه.!؟
رسيل: ها لا لا ابدا اصل لسه بستوعب بس.
" اسر واقف ومركز على رسيل ومع كلامها راح جاي احمد زاغده في جمبه"
أحمد وهو بيرزل على آسر: ايه يا بيضه ده نسميه ايه.
آسر: ها احمد والله لو ما لميت لسانك لاكون قاطعه.
أحمد: يا سلام ها ايه بس يا عم اتنيل ده انت واقع وواقع اوي كمان.
آسر: يحرق شكلك يا عم في الارض.
" راح اسر سابهم وطالع على قوضته'"
أميرة: ماله داا.!؟
أحمد بغمزة لأميرة من تحت لتحت: ده لا ولا يهمك حبه التهيؤات بس كده لسه في الاول يعني ههههههههه.
"أميرة فهمت أخواتها وضحكت من تحت لتحت"
أميرة: طب يلا يا اخويا روح وراه هوينا كده.
أحمد: ماشي يا اميره اما وريتك.
أميرة: اجري يا عم اجري الله يصلح حالك روح.
" رسيل فضلت تضحك على اميره واخواتها"
أميرة: ايه يا اختي بتضحكي على انتى كمان!!؟
رسيل بضحك: لا اصل شكلكم جميل اوي وانتم بتتخانقوا كده انا وبيان وقمر وامل كده برده ناقر ونقير..
أميرة: يا ستي والله خناقاتهم بتبقى جميله يلا ربنا يخليهم لك يا رسيل.
رسيل: ويخلي لك اخواتك يا ميرو.
أميرة: يارب ي سيسو.
»»»»»»»»»»»»»»»»»»»»»»»»»»»»»»
♡فى غرفة آسر فوق♡
"أحمد دخله"
آسر: ان كنت جاي ترخم يبقى تاخد الباب في ايدك وتوريني عرض كتافك يلا براا ما اشوفش خلقتك هنا..
أحمد: ماشي يا اخويا بالراحه على نفسك شويه انا جاي اقعد معاك.
"آسر مردش عليه.. وأحمد راح قعد جمبه"
أحمد: انا عايز اتكلم معاك جد يا اسر.
آسر: ومن امتى انت بتتكلم جد يا خفيف.!
أحمد: ما تعكننهاش بقى يا اسر خليني اتكلم واطلع اللي عندي.
آسر: اهبد اهبد يا اخويا اهبد يللا وطلعي اللي عندك.
أحمد بجدية:بص يا سيدي..
آسر: بصيت اديني بصيت يا اخره صبري.
أحمد: بقول لك ايه زي ما انت معجب كده وقربت تقع انا كمان بصراحه بصراحه معجب وشكلي وقعت ومش لسه هقع..
آسر: يا بالك الرايق ومين قال لك ان انا معجب وواقع زيك.
أحمد: عيب عليك يا اسوره يا حبيبي ده انا اخوك اللي مربيك برده مش هنضحك على بعض.
آسر بتلعثم: أ انا انا مش معجب بحد ولا واقع. مين قالك الكلام دا.؟
أحمد وهو بينخس آسر فى كتفه: يا اخي انت بتضحك عليا وللا على نفسك..
آسر: يعني انت عايز توصل لايه بالظبط يا سي احمد.!؟
أحمد: عايزه اريحك لان احنا الاثنين سكتنا واحده يا صاحبي.
آسر: مش فاهم فهمني اكتر و يعني ايه سكتنا واحده برده.؟!
أحمد: اصل الصراحه كده انا معجب بأخت رسيل اللي اسمها قمر.
آسر وهو بيصفر: العب يا ريس ده انت صريح اوي بقى على كده..
أحمد: وهو انا هخبي ليه يعني حرام احب حرام اعجب بحد.!
آسر: لا مش حرام يا اخويا حب واكره واعجب زي ما انت عايز.
أحمد: دا انت غتت.
آسر: بصراحه هي عجبتني ومن ناحيه عجبتني فهي دخلت هنا وهنا خلاص.
"آسر وهو بيقول دخلت هنا وهنا خلاص كان بيشاور على قلبه وعقله الاتنين يعني دخلت دماغه ودخلت قلبه"
أحمد: يا واد يا شقي.
آسر: يا اختي بيضه ما انت دايب لشوشتك اهو بص لنفسك يا بطل.
أحمد: انا كده كده هتقدم لها بس ناوي اتقدم لها لما رسيل اختها تخلص ثانويه عامه ويفرحوا بنتيجه رسيل الاول.
آسر: يلا ربنا يسهل ونخلص منك.
أحمد: ده على سنك مش هتتقدم لها وللا ايه!
آسر: مين قال لك انا لسه في الاول ما اعرفش الشعور اللي انا حاسه هيفضل اعجاب من ناحيتها كصاحبه اختي ولا هيتحول لحب انا دلوقتي بعتبرها زي اميره انا معجب بيها اه بس ما اقدرش اقول اني بحبها.
أحمد: هتحبها وانا واثق من كده 100%..
آسر: وايه اللي خلاك متاكد اوي كده يا اخويا.
أحمد: من نظراتك ليها يا اسوره يا حبيبي.
آسر بتلعثم: انا انا نظراتي!؟ مالها يعني مش فاهم!؟
أحمد: كلها حب وداا اللي انا شفته ولاحظته في عينيك..
آسر: برده مش عارف.
أحمد: يا عم بلا مش عارف بلا نيله ده انت كده بتضحك على عقلك وعلى قلبك انت كده ماشي ورا عقلك انك انت لسه مش بتحبها لكن لا قلبك عايزها ورايدها معاك في حياتك ي آسر. بطل تهرب بقا من الواقع والحقيقة اللى باينة.
آسر: طب سيبني افكر على راحتي يا احمد ربنا يسهل.
أحمد: هو ده آسر البطل بتاعنا اهو عشان نبقى أخين متجوزين اختين ههههههه.
آسر: انت لحقت حللتها ورسمتها.!!
أحمد وهو بيعدل من لياقة قميصه: أيوة يا ابني هو انا اي حد ده انا احمد ابو النصر.
آسر: طب يلا يا اخويا بره عشان عايز اريح جسمي شويه.
أحمد وهو بيغمز لآسر بعنيه: ماشي هسيبك دلوقتي تفكر وبعدين نرجع نتكلم.... وانا كمان هروح ارتاح..
آسر: ماشي خد الباب في ايدك.
أحمد: يعني اخلعه وانا ماشي.
آسر: يا عم بطل استظراف مش ناقصه استظرافك دلوقتي واقفل الباب واخرج.
أحمد: خارج خارج يا اخويا دا انت فقر.
" احمد خرج واسر فضل متسطح على السرير يفكر في رسيل ومعرفش ينام وهو بقى مغمض عينيه بيفكر فيها بس مش نايم.... حبه وقام وقف في بلكونه اوضته اللي بتطل على الجنينه ويقدر يشوف اللي داخل واللي خارج من الجنينه. "
«««««««»»»»»»»»»»»»»»»»»»»»»
♕تحت عند أميرة ورسيل♕
رسيل: انا همشي بقى يا اميره عشان بابا قالى ما تتاخريش.
"وقبل ما اميره ترد شيرين هي اللي ردت"
شيرين: لا يا رسيل هتقعدي معانا يعني هتقعدي معانا مش هتمشي.
رسيل: بس والله يا خالتو.
قاطعتها شيرين: لا والله لتقعدي هتقعدي معانا ولا بس ولا ما بسش وهتكملي اليوم كله معانا كمان مش النهارده أجازة يبقى اليوم يومنا بقا.
أميرة: طب ممكن ارن على والدتك اكلمها انك مطوله معانا شويه يا رسيل وهتقعدي اليوم كله عندي.
رسيل: طب لحظه هرن على بابا واقوله انا.
أميرة بفرحه ان صاحبتها هتقعد معاها: ماشي ماشي ان شاء الله هيوافق.
رسيل: الو يا بابا بقول لك ايه مامة اميره مش راضيه تخليني امشي الا لما اقعد معاهم اتغدى واكمل بقيه اليوم معاهم..
على: ______________________..؟
اذكروا الله... 👀
تفاعل بقا كتير.... 👀
Nadosha🤍🤍🤍
#رحلة رسيل#
... اللى جاي أجمل...... 👇🏻👇🏻
☆★
أنت تقرأ
عشقت الفقيرة🌎💙
Mystery / Thrillerرسيل: حاضر حاضر ي ماما قايمة اهو طبعا رسيل أول ما قامت من النوم قالت ما يقال عن الاستيقاظ. رسيل: الحمد لله الذي رد على روحي وعافاني فى جسدي وأذن لى بذكره..
