يللا نبدأ....... 🤍
آسر: أحمد أحمد استني استني..
أحمد: فى ايه؟
آسر: انزل انزل نشوف الناس دي ملمومه على ايه كده.
.(" زي ما انتم عارفين اسر ظابط ولازم يعرف ايه اللي بيحصل").
أحمد: الله يحرق دي شغلانه يا شيخ خضتني.
آسر: يا عم اتنيل انا نازل اشوف في ايه.
" اسر نزل واحمد كمان نزل وراه واول ما آسر قرب بقى يبعد الناس ويقول لهم في ايه"..!؟
شخص ما: ده يا استاذ في بنت هنا بتبيع حلويات بس جميله قوي يا استاذ.
"آسر لما شاف البنت اتفاجئ من جمالها وفضل مبحلق فيها وفي عيونها"
رسيل وهي بتشاور بايديها قدام عين اسر: ايه ي أخينا رحت فين!!؟.
آسر: هاا أنا عايز حلويات من كل نوع من داا.
رسيل: طب طالب قد ايه.؟
آسر: هاتيهم كلهم هاتي كل اللى معاكي هاتيه.
أحمد وهو باصص لآسر: ي ابني دا انت كلك على بعض هتسوس من كتر السكر والحلويات اللى انت مبتعتقهمش.
"أحمد مكانش واخد باله من رسيل"
"أحمد فجأة بص لقى رسيل هي اللى بيتبيع الحلويات"
أحمد: مش انت رسيل برده اخت قمر اللي كانت مخطوفه.!؟
رسيل: ااه أيوة أنا هي.. مش حضرتك برده اللى أنقدت قمر أختي وجبتها على بيتنا.!؟.
آسر: اده انتوا تعرفو بعض وقمر مين وخطف ايه اللي بيحصل هنا انا مش فاهم حاجه..!!
أحمد: اركن انت على جنب دلوقتي مش مهم تفهم.
أحمد: اذيك ي رسيل.
رسيل: الله يسلمك ي أستاذ أحمد.
"آسر بقى واقف بيدق كف على كف. ومش فاهم حاجة فى اي حاجة(فى ماية البطيخ)"..
أحمد: مش عايزه اي حاجه يا رسيل.؟
رسيل: لا شكرا ليك يا استاذ احمد.
" أحمد وآسر مشيو.(وطبعا أحمد لسة ميعرفش إن رسيل صاحبة أميرة أخته) "
"رسيل كمان مشيت لأن آسر خد كل الحلوياات اللى كانت باقية معاها."
♡فى العربية♡
"اسر قاعد سرحان راح احمد موقف العربيه مره واحده اسره اتخض.."
أحمد: ايه ي بيضة سرحانة فى ايه ي بطة.؟
آسر: بطل رخامة بقا ي أحمد دلوقتي.
أحمد: وهو انا كلمتك يا اسر مش بسألك سرحان فى ايه مش أنا اخوك الكبير برده.!!
آسر: وهي ايه قصة رسيل دي ي أحمد وايه حكاية الخطف دي أنا بجد مشوش و مش فاهم حاجة.
''أحمد بدأ يحكي لآسر كل اللى حصل مع قمر لحد ما وصلها البيت وحكاله كمان عن طيابة الناس دي وقد ايه هما ناس كريمة وبسيطة اوي كمان دا غير انهم متواضعين أوي. "
آسر: طب تمام.
أحمد وهو بيغمز لآسر بطرف عنيه من تحت لتحت: مش عجبتك برده واللا ايه.!؟
آسر: ي عم بطل رخامه عشان مزعلكش.
أحمد: خلاص خلاص الحكايه مش ناقصه عصبيتك دلوقتي واحنا رايحين لابو الفوارس نفرفشه..
آسر: طب انجز يا خفيف خلينا نوصل.
أحمد: ايه مش ناوي تدوق الحلويات!؟
آسر: لا واخلص كده وبطل لك هناكلها هناك مع فارس...
أحمد: ماشي يا اخويا ده انت عصبي ربنا يكفينا شرك.
''آسر نفخ بضيق وسكت"
" شويه واحمد واسر وصلو عند فارس ولقوا فارس قاعد في الجنينه.''
أحمد لفارس: اما احنا جبنالك شويه حلويات انما ايه لوز اللوز يستاهلو بقك..
فارس: لا يا شيخ والله فاجئتني.
آسر: بطلوا بقى انتوا الاتنين خلونا ناكل الحلويات دي ونشوفها عامله ايه.
أحمد: ملهوف عليها اوي كده يا اخويا..!؟
آسر: قصدك ايه ها لم نفسك.!
أحمد: انا مش قصدي حاجه انا قصدي ملهوف على الحلويات انت اللي نيتك مش سالكه.
آسر: طب ماشي يا احمد براحتك اوي.
فارس بضحك: الله يحرقكم ولا اكنكم مولودين على روس بعض.. بس يللا مش مشكلة الاطفال أحباب الله برده.
آسر: بس بقى ريح انا عارف ان الفضول هيموتك وتموت وتعرف احمد عمال يخبط في ايه..
فارس بضحك: الصراحة اااه عايز أمسك عليك ذلة.
آسر: يا عم بطل رخامه انت كمان عشان مقلبش عليك انت كمان.
أحمد: خلاص يا جدعان فضونا من السيرة دي وتعالو نلعب شطرنج.
فارس: اوعاا يللا هقوم أجبها دي لعبتي دي.
آسر: ااه بأمارة لما خسرتك وحكمت عليك تدخل المطبخ وتعمل لينا فشار وقهوة.
أحمد: متقلبش عليه المواجع بقا ي آسر.
فارس: والله انتو رخمااا اوي على فكره.
أحمد وآسر فى صوت واحد بضحك: ما احنا عارفين..
.........
"أحمد وآسر فضلوا يضحكو"..
" فارس جاب اللعبة وفضلوا يلعبوا ويتبادلوا الأدوار فى جو صحوبية جميل. "
»»»»»»»»»»
فى منزل رسيل_____
" كان الكل جه من بره وكلهم خلصوا الكميه اللي معاهم ورجعوا فرحانين ومجبورين الخاطر"
" وكلهم قعدوا يعدوا الفلوس اللي معاهم"
رسيل: انا بعت ب 200 ج.
قمر: وانا كمان بعت ب200ج.
أمل: وانا كمان بعت ب200ج.
بيان: وانا كمان بعت ب200ج.
رسيل: الله الله احنا لمينا زي بعض عشان احنا موزعين الكميات قد بعض.
بيان: صح كده يا قرده.
أمل: وكده احنا ضمنا المشروع ده نبقى نعمل زياده ونديهم لعم صابر اللي فاتح دكان على اول الشارع يبيعهم في المحل وهو يسترزق واحنا كمان نسترزق وبالمره نشوف محلات تانيه لو عايزه...
بيان: ماشي صح كده.
قمر: كده احنا جمعنا 800 جنيه نشوف بقى ماما ناقصها ايه في العلاج ونمشي طلبات البيت ونخلي شغل بابا لدروس رسيل لان دروس الثانويه العامه تبقى غاليه اوي.
"وكلهم وافقوها الرأي"
رسيل: بقول لك ايه يا بابا..
على: نعم يا رسيل.
رسيل: انا عايزه اروح عند اميره صاحبتي مامتها عايزه تشوفني وبالمره نقعد مع بعض شويه والنهارده كده كده اجازه.
على: ماشي يا بنتي روحي بس ما تتاخريش.
رسيل: حاضر يا بابا مش هتاخر.
...............
"رسيل راحت عند اميره واميره ووالدتها استقبلوها بكل حب.... وأم اميرة(شيرين) حبت روح رسيل أوي."
شيرين: عامله ايه يا رسيل في دراستك.؟
رسيل: الحمد لله يا خالتو.
شيرين: ربنا معاكم ويوفقكم يا بنتي.
رسيل: ياارب.
"شويه واحمد واسر دخلوا.. لقو والدتهم قاعده هي واميره وواحده صاحبه اميره بس مش شايفين وش صاحبه اميره.... "
"اول مراسيل لفت بوشها ناحيه باب الجنين
لقت آسر وأحمد مبلمين ومحدش اتكلم ولكن آسر اتكلم..."
آسر: انتي.!!!!!!؟
رسيل: أنت وأنت كمان بتعملو ايه هنا.!!!!؟
أميرة: ادااا انتوا تعرفوا بعض أصلا.!!!!!؟
رسيل: _______________.
آسر: _________________.
أحمد: _________________.
تفاعل بقا دا اني مدلعاكوا...
اذكروا الله...
Nada🤎🤍
#رحلة رسيل#.
🥺..
أنت تقرأ
عشقت الفقيرة🌎💙
Gizem / Gerilimرسيل: حاضر حاضر ي ماما قايمة اهو طبعا رسيل أول ما قامت من النوم قالت ما يقال عن الاستيقاظ. رسيل: الحمد لله الذي رد على روحي وعافاني فى جسدي وأذن لى بذكره..
