ريم الفلا⚡️❤️

البارت الثاني

يي جايه أمي لحضه وكمت احجي بصوت ناصي
يعني كله براسي والله مصارت العالم تزوج وغزاله
تبتلي وطلعت للبيت الخارجي اجيب الغاز مالت الطبخ
واني مستمره من كد مطكت روحي اليوم الحنه مالت غيداء
ومن ال٥كعدنه اليوم والهوسه مشتغله ناس تطبخ وناس
تسوي شعره وناس نايمه يبووووووو مينفهم البيت من الخبيصه
دخلت الغاز

غزاله والمنضم والصونده شلون نشغله ع هوه مثلا
لو شغله شغله ادزج عليه شبيج اليوم

مابيه شي هسه اروح اجيب وتشتغل الطنكوره عندي
طلعت بره جبته ونطيته اله ورجعت كعدت ب الطرمه (الكراج)
ومن كل عقلي من التعب كمت ابجي حسيت ايد ع كتفي
نداريت أريج صافنه عليه باستني وتبسمتلي حضنته ورجعت يمهم
الضهر كملنه كل شي وراحت غيداء للصالون والكل طشت يطبون
ويطلعون ومخبوصين دخلت للغرفه لبست وسويت شعري
اجتي وبدت الحفله طبعا حفلاتنه مختلطه ولد عمي عمي وخالي
والكل تردح

وبدينه نحضر للعشه والولد يقدموا متت تعب كعدت ع جهة
وبديت اكل حسيت احد كعد يمي مهتميت كل تصوري وحده من البنات

سراج/

في عينيك ارى دنياي
في عينيك يصير الحلم حقيقه
يستل الصبح بريقه
ويبل الظامىء ريقه
يكتشف الناظر بعد ضياع الامس
طريقه
من عينيك يطل الفجر
تتوالى ضحكات الزهر
تنتثر مع الصبح حكايا
تختصر الازمنة الدرب
لتصبح تحت الجفنين المرتعشين
حديث مراي

نداريت عليه صافنه بملامحه وبطريقه القائه للشعر
شو انت كل مشوفني تلقيلك قصيده
تره مو كدامك الموناليزا وعيوني كلش عاديات

تعرفين انتِ مو مال غزل شبيج اعصاب شو
ابو قاسم الطنكوري

تعبت من كعدت الصبح لحد هسه مرتاحيات شتريد
مثلا اكوم اركص

الله يكون بعونج حقج يابه انتِ اكبر وحده بيهم اكيد
انتِ لتكونين مسؤله عنهم و عمتي تعبانه هانت مبقه
شي وتخلص وترتاحين

الله كريم اجتي سليل كومي غزاله بابا يريدج
تمام كايمه باوعت عليه ورحت

دخلت من باب المطبخ محسيت غير كف نزل عليه
بحيث من قوته حسيت وجهي وكف
باوعت والدي ناطه الشرار من عينه ولعب بيه لعب
مخلالي

لج شهل عين الصليفه متستحين كاعده ويا بوحدكم
اليشوفج شيكول وبده انواع المسبه والغلط

دمعه منزلت مني من الصدمه بابا ممسويه شي
هو اجه كعد يمي وشي ثاني كلشي مسوينه ع طول
اكعد يم ولد عمي شو متحجي شنو الفرق بينهم هذا
ولد وهذا ولد لو لان ابن اعمتي