ريم الفلا⚡️❤️

البارت الرابع عشر

سليل/اباوع عليه شلون وجه نكلب حقيقه بذيج اللحضه
شبهته بلشيطان بئيده  لازم المكينه ولازم راسي بلئيد الثانيه
صرخت وبجيت واهز بنفسي ماكو ميسمع احمد عليك الله
حرام عليك واللله حرام من خله الوصله ع حلكي عرفت
مامنه بعد سكتت اسمع صوت المكينه خلاها ع شعري
وبده يحلق اباوع عليه بقهر لو بيدي اموت نفسي ولا
اشوف الي ديصير بيه مخله ولا شعريه زيني صفر
حقدت عليه حقد مو طبيعي بس مااكدر اسوي شي
خلص

احمد /شنو كلت ها فهميني يله كلش طبيعي هذا
شعرج بححححح نتيجه عنادج
وهسه شلون راح اكمل مااعرف لان كلش تعبت
يله اكمل نومتي ومن اكعد نتفاهم

سليل /اباوع عليه يحجي برود كام تئكد انو الباب
مقفوله ورجع نام لا فكني من الحبل ولا شال
الوصله من حلكي عرفت بلش الحرب ويايه
دمرت كلش حاولت افك نفسي مكدرت تحركت
صار صوت بلغرفه صرخ صرخه يمكن الي بلبيت
كلهم كعدو

احمد/ياغضب محمد العربي شلون اليوم مااانهمد
انطمي لتتحركين لا بلكعبه اجي اكمل عليج

سليل/سكتت ومتحركت بعد مر الوقت واني ع حالي
طر الفجر وطلعت الشمس حتاجيت اروح للحمام مثانتي
احسه راح تفجر وحايره بروحي كعد اباوع عليه شلون
كام وكف بكل برود يباوع عليه بنص عين وصل يمي
خله اصبعه ع خدي وطبطب عليه شال شعر من الكاع
وخلا كدامي ختنكت بس مردت ابجي

احمد/يولو شعرج اذا ينباع يجيب خوش فلوس
تدرين بعد شنو اسوي انتضر يطلع وازينه
ونبيعه خوش مشروع يكسبنه ذهب

سليل/حجيت بس كلامي مو مفهوم وديني للحمام

احمد /راح اوخر الوصله من حلكج بس قسما
بله اذا سمعت صوت منج لسانج اكصه

سليل/هزيت راسي بلقبول
فك الوصله احمد وديني لحمام مجاي اتحمل حرام عليك
واللله

احمد /تعرفين اي شي اسوي بيج حلال لان غلطج
الله الي جاي تحلفيني بس يمه راح اشوفين اضعافه
مادري عمي لو عايش جان رضه بكوا..... بناته

سليل/لتريده اسوي مستحيل اكسر كلمتك بعد بس وديني
للحمام ماكو اكثر من هل مذله بعد

احمد /بعدج مشايفه شي من الذله صبريلي هسه راح
افتحلج الحبل ترحين وترجعين خلال دقيقه ومراح اطلع
وراج لان انتِ ع مااظن مو طفله ومصيرج تعرفي اذا
سويتي شي

سليل/تمام فك الحبل ورحت بسرعه للحمام طلعت
البيت الهدوء الضاهر مطردهم ابو حاله النفسيه
لا نوب يكلي تسوين شي هو انت خليت عقل عندي
فتت من يم المرايه الموجوده بين الغرف ناسيه شعري
ومصيبته لمحت شكلي رجعت اباوع ولا شعرايه مخليلي
شلت ايدي وخليته ع راسي ملمسه شويه بيه خشونه
لان بلمكينه مو بلشفره حته يجي مبجيت كله عمري ١٤
سنه وهيج صار بيه الباقي منه شنو راح اشوف بس
الله اليعلم رجعت للغرفه اباوع عليه مخلي رجل ع رجل
ويدخن كعدت ع كرسي ومنتضره مصيري