ريم الفلا⚡️❤️

البارت السادس

اثناء كلامنه حسيت احد ورايه جمدت خفت
نسمع كلامه نداريت اباوع سليل واكفه يمي
وتضحك حسيت شويه براحه

سليل /غزاله امي تريدج دكول شو تاخرت

يي حبيبه هسه جايه روحي ع علياء خليه اشوف شنو
تريد
اسمع صوته من ورايه

علياء/وشعندج ست غزاله بلباب وشعندي اني اروح وهيه
رايدتج الج

عاد لسويه سالفه علياء بس احجي ويه ابن عمتج واجي

علياء /غمزتله لان تقريبا عرفت شنو السالفه
يي عيني ست غزاله تتهنين انتِ وابن عمتي
شو اجاني نعال طاير والله لكله ال امي عليج
ياغزاله وركضت

غزاله/روحي والله لموتج يا علياء اني الج
نداريت ع سراج

سراج/عود كل وحده تتعصب هيج صير
جنه ثور هايج شبيج يابويه استهدي برحمانج

غزاله/اول محجه خجلت كلت اكيد راح يكول
حلوه تبسمت شو هذا غلط خلاني افور من القهر
صرخت بوجهة انت صدك تحجي بس مو صوجك
صوجي الواكفه يمك دخلت وسديته الباب بوجهة
من دخلت للمطبخ اباوع امي وعمتي واكفين
ماعرف بذيج اللحضه صفريت خضريت كل الي اعرفه
هاي نهايتج يغزاله نفضحتي

ام سراج /شبيج عمه شو مو ع بعضج

غزاله /لا عمه ما بيه شي بس شو رايحه
شفنه منج ابقي شويه عليج الله

ام سراج/ع غير مره انشاء الله هسه سراج
بره اروح عليه خطيه صارله مده ينتضر

غزاله/شو هاي ضحكتلي وغمزت
صخام بوجهج غزاله شو ياهو ليشوفني
يغمز ويضحك بوجهي باوعت امي خازرتي
سويت نفسي قويه وممهتمه بوسته ال عمه ودعناها
ورحت ركض للغرفه بين متنسه السالفه امي

عده الايام كما هيه ماكو جديد غير سراج يجي
يدز عليه واحد من جهال المنطقه ومااقبل اطلعله

كعدت الصبح وصافنه مدري وين شو محسيت
غير صارت مداهمه ع غرفه

امي/كومي اخبزي العجين اختمر واكثر من مره كتلج
ممنوع دكعدين وحدج ليش مكاعده يم خواتج

....يي هسه كايمه لميت شعري عدلته وطلعت من الغرفه
متوجه للتنور خليت الخشب وشعلت النار بداخله ورحت
خليت الراديو صغير يمي وشغلته ع اخبار وبديت اخبز
دخلت اختي الكبيرة هيه واولاده سلمت عليه وراحت للبيت الداخلي
كملت الخبز وصفيته وحده فوق الثانيه ودخلته للمطبخ
سبحت وصليت كعدت يم اهلي ماريد امي تحجي
عليه وبدت اختي بنفس الموضوع

غيداء /ي امي مناويه زوجيه ....ابن عمه رايده
شنو منتضره عمرها ١٥سنه الي بكده زوجت وخلفت
وشنو الي يخليه متقبل بي وتجي ويايه بنفس البيت

.....متحملت كلامه وهيه تعرف السبب الي ميخليني
اقبل بي ردت اكوم امي خزرتني وكعدت ردته