ريم الفلا⚡️❤️

البارات الثامن

غزاله/روحي سليل كوليله نايمه راحت ورجعت نمت كعدت
ب٨بليل متعجبه شو لهل الوقت وامي مكعدتني صحصحت
سمعت صوت بجي طلعت من الغرفه تبعت صوت البجي
وصلت للستقبال واشوفلك ذاك المنضر بحيث بقيت جامده
بجي ونسوان لابسه اسود وصراخ عيوني دور عليه ماكو
حجيت بصوت اشبه الهمس امي وين باوعت ع سليل صحته
وحيلي مهدود لج سليل اني وين

سليل /شبيج غزاله شو وجهج اصفر هسه اصيح غيداء
تجي عليج

غزاله/لج احجي امي وين ليش لابسين اسود

سليل/مو زوج عمة امي توفه اليوم العصر وقررو يسون
بيت خالي الفاتحه لان بيتهم كبير وجايين هواي خطار
حته من بره المحافظه

غزاله/تحجي واني احس انهد حيلي دخيلك ياربي الحمد الله
مو الي بالي يله الله يرحمه
اجتي غيداء

غيداء/غزاله مالاتج الخربات مو وكته كومي ساعدينه
عيب العالم تريد عشه

غزاله/كايمه بس صبريلي
كمت شربت مي وغسلت وجهي ردت اصحصح
وبدينه نسوي عشه بس اي واهس مابيه ميته قهر
من جهة سراج والي سمعته ومن جهة مهيمن وصدمتي
بي ابد متوقعت يباوع عليه بنضره زوجه كل ضني
معتبرني اخته واذا امه سمعت تكلب الدنيه لان اعرفه
تريد بت اخته اسولف ال امي وهيه تحله من يمه شغله
مهيمن بس سراج اني اعرف شلون اتصرف ويا اذا مندمته
الحقير غيداء اني تعبت بعد مبيه واساسا مبقه شغل كملنه
كلشي اروح انام لان تعبانه والله

غيداء/روحي غزاله طول عمرج تتحجين بس مدخلني
اذا امي سئلت عليج

غزاله/يي لتدخلين كوليله راحت نامت باوعت عليه بنص عين
ومشيت دخلت للغرفه تمددت اجه ظافر يمي

ظافر/غزاله تدرين اليوم صارت عركه بلبيت بسببج وامي
نضربت لان دافعت عنج و خالوا صار عصبي ومرته
طلعت زعلانه بس معرفت شنو السبب وامي كالت بس تكعد
خلي تبقه بلغرفه لتطلع منه بين مترجع

غزاله/شهل كلام ظافر وامي وين راحت وين جنت لعد
من طلعت ويه اختك اشتغل همزين متوتني مرة خالي
جان سوتني تشريب اكيد عرفت بلي صار الله ياخذك
مهيمن وياخذ سراج وياخذكم كلكم ع هل وضعيه
دخلت امي

امي/ست غزاله راح انشل بسببج لج اذا متت من وره
راسج لج متبطلين مشاكل تره فتيتي كلبي عين صلفه
اليوم دزيت خبر البيت عمج خلي يجون يتقدمون ويخلصوني
منج مشاكلج كثرة واني مابيه صحتي ع كدي مااتحمل كوة عينج

غزاله/امي صدك تحجين تحكمين عليه بلموت اذا زوجتيني البيت عمي والله انهزم وافضحكم محسيت غير كف ونجريت من شعري

امي/لج سويتيه فرد نوب شهل عرامه غزاله غصبا عليج توافقين

غزاله/محجيت بس دموعي تنزل والشهكه ملازمتني اول مره
تمد ايده عليه كلش حزت بنفسي تركت شعري وطلعت من الغرفه
تمددت واحس روحي راح تطلع من القهر محسيت غير ب٧الصبح
امي كاعده يمي بوستني من راسي من حست عليه كاعده كامت
رحت للحمام غسلت وجهي والهوسه والعالم طابه طالعه اجتي
غيداء شمرت عليه دشداشه سوده