ريم الفلا⚡️❤️

البارت الحادي عشر

عمة/اسمه ارقم

غزاله/بقيت صافنه بعدين طكيته بضحكه
حته عيوني دمعت
اسمع ارقم هههههههههههه يابويه راح اموت
عزه عمة خطيه اوف ههههههههه اواش اكمل ضحك
ونتفاهم

ارقم/شحجيت اني مو كلت هذا الاسم تنسو اني اسمي
تيم معليج غزاله امي جذب عليج

غزاله/هلمره تيم ههههههه بس لا متصور نفسك تيم حسن
ولكم بطني راح اموت

ارقم/وجعع شهل بهاته تره عادي كلش

غزاله/من عادي كلش مثل مدكول ليش تريد تغيره

ارقم/يله لج كملي عشاج وكومي سويلنه شاي ها بدون سكر

غزاله/هه امشي بابا منو مقشمرك واكايلك غزاله تخدم شكولاتك
لا نوب سكر ابو حلك اسمه شكر تمام

مروان/خلي عود هو مثقف وكذا بس انصحج خلي لسانج هيج
طويل ويا ولتنطينه مجال

غزاله/هسه صار لساني طويل مو مروان تمام لعد مو تفقنه
اني اغسل المواعين والله ولا الي دخل انت تخسله

مروان/هاي منو كال هيج دليني عليه اطيح حضه هذا
ارقم مو

ارقم/يطلابت ارقم الي متنتهي بعدوني عنكم وعن مشاكلكم
اني رجال فقير ماريد اصير مثلكم شوفيهم يمه واحدهم بكد
الثور

مروان/لا يكلب هاي منو الثور

ارقم /هاي ع غزاله

غزاله/باوعتله بخزره هاي اني الثوره

العمة/يطلابت الكشره اليوم منخلص يبووو عليه
حذروني تره لسانه طويل ومتسكت بس اني غبيه

غزاله/ها عمه تحجين عليه زاعلتج وهاي حته
اكل بعد ماريد كمت من السفره واني كوه مسيطره
ع نفسي ماضحك ومشيت عنهم واسمع عمه تحجي

العمة/عززززه بعينه الجذابه شو عينك عينك جذب
الماعون فارغ وتكول مااكل ولج تعالي اكليني بلكت
شبعين

غزاله/يي بعد بس طردوني يله هاي اول يوم وهيج
لعد اذا ابقه بعد دخلت للغرفه بس ميته ضحك عليهم
عفتهم يدردمون هسه شنو اسوي ماكو غير النوم
جانت الساعه ١٠ونص صح بعد وكت بس وين اروح
نمت كعدت ب٥شبعانه نوم صليت وبقيت متمدده
هاي الشغله متصرف اروح اشوف شي اسوي طلعت
من الغرفه البيت هدوء وضوه شمسي خفيف مفتوح
مشيت وصلت للصاله كعدت ع تخم باوعت شفت
تليفون ارضي بقيت محتاره اتصل لو لا اخاف اتصل
ومتطلع هيه يطلع خالي ياربي اني اعرف. هيه هيج
وقت تبقه كاعده اخر الشي قررت اتصل رفعت السماعه
ودكيت الرقم شبه الي راح تنتهي الدكه وايست جاوبت
كلش فرحت وحجيت بلهفه ودموعي بدت تجري
هلا امي شلونج

ام ظافر /هلا بلغاليه ولج امي شلون راح اكدر بدونج
مصارلج كم ساعه بعيده عني وميته قهر ع بعدج