ريم الفلا⚡️❤️

البارت الخامس عشر

سليل/كعدت ع صوت عمتي

ام ثائر/ كومي لج مسويه روحها مريضه عساج بلموت
كومي سوي غده مو تعلمتي ع دلال

سليل/عمة بادلال مشوفين حالتي والله عضامي ماحس
بيهن شو هاي جرتني من شعري وكعت وبقت تسحل بيه
واني جواها مفرفحه الله يخليج عمه مو راح اموت جسمي
محترك رحموني وصلتني لباب للغرفه ومنشوف غير عمي
حمدت ربي وشكرته ميت مره هيه شافته وخرت ايده ماشوف
غير عمي ينزل عليه ضرب طردها من الغرفه

ابو ثائر/كون كسر قبل متفكر تمد ايده ع يتيمه
كومي عمي الله لا يوفقهم هيه وابنه

كومني عمو بس اني كوه اتحرك مصدكت اوصل
للجربايه تمددت غطاني

عذريني عمي والله لو اعرف ماعنده مسؤوليه
وهيج راح يسوي بيج فلا اخلي ياخذج وبس
يرجع اله حساب ثاني

حجيت اني وابجي اروحلك فدوه عمو خلصني
منه والله مااكدر اعيش ويا ايده وضربه
غلطت صح واني اعترف بس مو لهاي المرحله
جسمي مبقه منه مكان صاحي حته شعري مخلص منه
عمو مو الله اذاكر بكتابه

̨بــڛۣــمۭــﷲ ۛ ּﷻ ا̍ڵــڔحۡــمۭــٰٱ̍نۨ ּا̍ڸــڔحۡــېْۧــمۭ

فَأَمَّا الْيَتِيمَ فَلَا تَقْهَرْ).

شبيدي عليج بنيتي اني اعرفه حته اذا هسه رجعتج
يم امج راح يجيبج غصبا عن الكل تحملي واذكري
ربج همينه ذاكر

̨بــڛۣــمۭــﷲ ۛ ּﷻ ا̍ڵــڔحۡــمۭــٰٱ̍نۨ ּا̍ڸــڔحۡــېْۧــمۭ

(يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللَّـهَ لَعَلَّكُمْ تُفْلِحُونَ).

وكذالك ذكر

̨بــڛۣــمۭــﷲ ۛ ּﷻ ا̍ڵــڔحۡــمۭــٰٱ̍نۨ ּا̍ڸــڔحۡــېْۧــمۭ

(وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ). "سورة البقرة،

يابنتي اني مو ضدج الله شاهد بلعكس ضد ابني
وكلش مستحقر تصرفه بس انتِ بيدج تكدرين
تغيري اني اعرفه كلشي ولا احد يعانده
سمعتي احد عاد مو زوجته الي تخصه يكله
ع شي ومتنفذه سايري في سبيل تمشي حياتج
واكلج شي ثاني تره مو كلشي دنيا اذكري
ورانا اخره وحساب الدنيا فانيه ومتسوه
الشخص يعاند او يخالف رئي في سبيل يكون
هو المسيطر بلعكس الي يكون متفهم هو الربحان
ابتعدي عن العناد اتمنى نصيحتي تمشي ويه حياتج
وكوني مداومه ع صلاتج لان بيه سر عجيب تريح
نفسج وطهرها من كل ذنوبها واذا ختمتيه بذكر من
اذكار القران مااكدر اوصفلج الشعور راحه تفوق
الخيال ومن بعد هذا كله له تصير عندج الدنيا
فانيه وشوفيه بعين صغيره كلش وهاي المشاكل
راح تصير تافه صدكي ماكو احد يفيدج
خلي هدفج واضح ولتتلككين بقرارتج ودائما ربج خلي
بين عيونج بئي تصرف تصرفي وهسه اخليج ترتاحين
ومراح اخلي احد يوصل الغرفتج واي قرار تتخذي اني
وياج