ريم الفلا⚡️❤️

البارت السابع

غزاله/فتحت باب الاستقبال والمنظر الي شفته
بحياتي ماانسى صرخت زهراء

زهراء/لك سراجججججججج شنو هاي

ام ظافر/يا دهر صابج زهراء غير تنتبهين شلون دخلينه
واخوج نايم

غزاله/سراج خطيه فز من نومته مخترع وصافن علينه
بعد ممستوعب الدنيا جانت جهنم لابس بس شورت ونايم
جوه البنكه واني ميته من الفشله احس وجهي اشتعل بنار
مخلي جرجف يم رجله من ستوعب الفكره لفه عليه وطفر
حته بدون ميسلم

زهراء/اسفه عمه من فرحتي بيكم نسيت سراج نايم هنا
دخلي بين مااصيح امي

دخلت علينه ام سراج طايره عبالك مدري منو اجه
كمت ابوسه

غزاله/هلو عمه شلونج شخبارج شو هاي باوعت عليه
بنضرة عتب مدري ليش سلمت ع امي وكعدنه

ام ظافر/شلونج عيوني ام سراج مشتاقين شو من اخر
مره جيتي بعد مشفناج

ام سراج/واني بعد والله كلش مشتاقتلكم بس حكم القوي

ام ظافر/ليش شكو منو ميخليج تجين يمنه

غزاله/شو هاي باوعت عليه وحجت

ام سراج /والله يا ام ظافر شكلج مدري غير الخاتون
مجفصه ويه سراج وحلف ميجي عليكم بعد

ام ظافر /ولا ضوجين جبته اليوم تعتذر منه لان اعرف
بنتي لسانه متبري منه بس بيناتنه ام سراج تره وليدج
همينه غلطان ميصح يجره ورى ويوكفون وره البيت

ام سراج/اني همينه مقبلت عليه وحجيت ورزلته بس شل
فايده الي براسه براسه

ام ظافر /على كلن صيحيله خلي ننهي الخلاف الي بينهم

غزاله/كاعده بنصهم عبالك مزهريه وحده ترفع وحده تكبس
صافنه عليهم هه والله عبالهم راح اسكت اذا حجو هيج
والله هلمره لزيد عيني الكم
راحت زهراء صاحت عليه دخل ولا عبالك قبل شويه
فشل كدامنه شهل شخصيه والثقه حجيت بكلبي اروح فدوه
والله باوع عليه خزرني سلم ع امي راد يطلع صاحت عليه
امه

ام سراج/وين طالع تعال اكعد عدنه كلام اني وعمتك ولازم
انت تسمعه

سراج/كعدت تفضلوا شنو الموضوع

ام ظافر /اول شي جبت غزاله تعتذر منك لان غلطت بحقك
بس مع هذا عندي عتب وياك من تخلص امك الاموضوع
احجي وياك

سراج/شمسوي ياستار عيوني الج عمه

غزاله/باوعت عليه بنص عين والله يالله عود
هوه خوش ولد باوع عليه كبل نداريت

ام سراج/غزاله الكل عرف انو سراج رايدج
وحابج ولو بيده اليوم قبل باجر نعقدلكم ونخلص
في سبيل تكونين بسمه ومو يوميه مسويلنه
عركه وسراج بلنسبه الك خف عليه مو كلشي
صياح اكو شي اسمه تفاهم