ريم الفلا⚡️❤️

البارت الثالث

بقينه اني وامي وحده صافنه بوجه الثانيه ومنعرف شنو نجاوب
من الصدمه يازوج ومنو راح تزوج

وليدي شلك بهل كلام شنو زواج منو كلك

بيت عمكم طاشين الخبر بلمنطقه انو ابن عم
وأشر عليه حاجزها وراح يزوجه من تكمل العده مالتج

اساسا احنه وياهم علاقتنه شبه الخربانه ومن بعد وفاه
ابو ظافر مستحيل انطي وحده من بناتي لولد اخوا
كافي عليه قهر غيداء متكعد يوم واحد وترجع زعلانه

وبهل سيره دخلت غيداء هيه وابنه وتبجي من شافت
سراج سكتت

سلام عليكم امي بعد ماارجع ل ثائر لو يصير من ذهب
وعمتي لعبت بيه طوبه

يله مرت خالي اني اترخص انشاء الله يومين وامر محتاجين شي

لا سلامتك وليدي الله وياك بس ليش متبقه تتعشه ويانه

لا عندي شغل والدي واصاني اجيب الغراض وارجعله

مشكور متقصرون لا انت ولا الوالد كومي غزاله طلعي وره ابن
عمتج

طلع وطلعت ورا بس كلش جنت ضايجه منه وصل يم الباب
ندار عليه راد يحجي منطيته مجال

رجائاً لتبرر انت تعرف تصرفك مو لائق ويايه وان سمعت
انو محجوزه قابل شنو ليش انت وينك تجي يوم وتصير
روميو براسي وتغيب سنه شنو مثلا تريد ابقه انتضر شوكت
تحن وتتكرم وتعطف تجي لا عيني لشوفيني خضعتلك كم مره
مجنت بوعي بذاك الوقت
صفن بعيني ومجاوب ولاحرك ساكن ردت ادخل واتركه ستوقفني
كلامه

علّمتني الشّوق وعرّفتني بالحبّ وكرّهتني بثلاثة:
غيابك، وبعدك، وفرقاك.

انتِ ليش هلكد حلوه شنو السر البيج الي خلاني اكره
كل بنات واشوفهم بشعات ومع العلم ميجمعني بيج
غير كعدتين المره الاولى مكدرت احجي وياج
والثانيه اخذتي كف بسبب كعدتنه سوه

جاذبيته وشخصيته وطريقه كلامه خلتني ماعرف
شنو اجاوبه ونساني زعلي منه
يعني لهذا السبب بقيت فتره مجيت ولاشفتك

صدج وطريقه كلامج خلتني ابتعد ردت اشوف معزتي
عندج وهل عندج مشاعر اتجاهي اولا

وبعدها وره وفاة والدج مباشرا طش خبر زواجج من ابن اعمج
هلمره تخبلت ومعرفت شنو اتصرف كلت ابتعد حاولت
بس مكدرت وطلعت حجه بلغراض واجيت
يعني ممعقوله مسامعين كل هل الكلام

لاوالله اساسا نصدمت من سمعت كلامك ومثل مكلتلك امي
احنه وبيت عمي علاقه شبه منتهيه والي رابط بيناتنه
غيداء وزواجه من ثائر

هسه كل الي اعرفه اريد منج اذا اجه اي واحد من بيت عمج
مطلعين عليهم غزاله لتشلعين كلبي ماحذرج بعد وبيتنه قريب
ع بيتكم كل يوم راح امر من الباب هيج وقت اشوفج وارجع
اخاف عليج ماريد العين عليج صير