سليل /كعدت وره الباب والسيد يلقني
احس روحي بحلم بده يحجي واني شي بداخلي
يكلي لتوافقين شنو. الي جابرج تعيشن حياة انتِ
مرايدته ويه رجال متعرفي رغم هو ابن عمي بس لحد لان
لا عرفت اسمه ولا شايفته
حجه السيد هل تقبلين ب احمد ان يكون زوج لك
حجيت بدون وعي نعم
كمت واني حامله هموم الدنيا ع راسي بس خلاص بعد مامنه
مهرب دخلت للغرفه باوعت ع غزاله وكارهته احس حياتي دمرت
بسبب انانيته بس همينه اني السبب محد ضربني ع ايدي وكلي احجي صرت خيره الله يطيح حضي والله بس بعد شيطيحه
اكثر من هل طياح الحظ مر الوقت واجت امي يمي
ام ظافر/يلوموني لان احبج اكثرهم ضحيتي بحياتج
لخاطر تنسعد اختج شنو من كلب شايله
سليل/امي هاهيه الحمد لله هذا نصيبي وغزاله
تحب سراج ومالهم ذنب يفترقون بس خايفه
من زوجت عمي اخاف تئذيني
ام ظافر/لتخافين غيداء وياج وراح توكفلج
اهم شي لترفعين صوتج عليه وسوي الي تريده منج
وعمج خوش زلمه لو ما زوجته تزن بذانه وتحشي بي
ماكو منه اهم شي تسايري وراح تلكين منه كل خير
اني عشت وياهم واعرفهم اياج تئمنين بئي شخص حته
اختج حمواتج ابتعدي عنهم
سليل/امي واحمد شنو وضعه شو ابد محجيتي بي اني
ماعرفه ولااعرف طبعه شلون راح اكدر اسايره
واعيش ويا
ام ظافر/هو هذا الي شايلته هم اني شلون راح دكدرين
تعيشين ويا اويلي عليج شوفي امي تسمعي يحجي عليج
طنشي وغلسي يصيح يرزل طببي من اذن وطلعي من اذن
والله يدبره وياج
سليل/جاي ارده ودخلت غزاله
اجتي يمنه عتذرت مني وحاولت تزيح عني الضوجه
بينتله مابيه شي بس بداخلي غير شي ضحكتنه بسوالفه
ونستنه الضوجه بلسانه ودعتنه ونمت محسيت غير ع صبح
ام ظافر /كومي امي سليل راح تجي عمتج ترحون
للسوك علمود تبدين تحضرين لزواجج
سليل/وانتِ مترحين ويانه
ام ظافر /بلي اروح كومي بسرعه هسه تجي وتكوم
تزكح علينه
سليل/كمت بسرعه سبحت لبست فستان طويل
وشلت شعري وره باوعت ع نفسي شنو ناقصني
وازوج هيج زواجه يله بعد هاهيه
طلعنه وبدينه نشتري وعمتي الله يسلمه كوه تباوع
بوجهي اعرفه مجانت رايدتني بس بعد صارت
ام ظافر/امً ثائر خلينه باجر نكمل تعبت كلش
والزواج بعد سبوع نلحك نكمل قبل الموعد
ام ثائر /ع راحتج بس باجر من غده سليل يمنه
خلي تتعرف ع خطيبه هو مشايفه اخذه عامي شامي
ام ظافر/عيني بارده ع بنتي تخبل تره نفس الشي
بنتي قبلت بي بدون متعرفه
ام ثائر/الله كريم اني رايحه مع السلامه
سليل/عزه امي هاي شبيه شهل اخلاق غير ترجعنه
للبيت شلون راح نوصل وكل هل غراض شايليه
ام ظافر/الله يعينه ع ما ابتلانه امشي هسه ناخذ تكسي
