ريم الفلا⚡️❤️

البارت السابع عشر

سليل/كعدت من النوم اباوع بعده نايمه الساعه ٩
مو من عوايده يبقه لهل وقت نايم غيرت ملابسي
وخليت شال ع راسي ونزلت سويت ريوك طلع
عمي من الغرفه كعدنه اني ويا نتريك منشوف
غير عمتي ع راسنه حجيت بكلبي اهووووو
كعدت البومه شكد شكله حلو وبيضه بس تنكط سم
شلون تراهمت وي عمي كل هل فتره مااعرف
عمو اطبلك بعد جاي لو هاهيه

لا بعد عمج ماريد طالع للشغل تحتاجين شي

لا عمي عاشت ايدك متقصر اباوع عمتي ميته
قهر ضحكت يكلبي وحبيت اضوجهم اكثر رحت
بوسته من راسه وطلع رجعت تعديته ورجعت للغرفه
لكيت احمد سابح واكف يمشط شعره حجيت
صباح الخير مجاوب كلش ضجت طلع من الغرفه
واني  حايره بروحي شسوي بقيت افكر ملكيت اي حل
لازم اكمل ع هل طريق بين ماشوف شوكت تفرج
رتبت الغرفه فتحت الفاف الي لفيته ع مكان الحروق
خافه باقي اثر قليل كلش دخلت للحمام سبحت وغيرت
ملابسي ونزلت نضفت ويه البنات مر الوقت رجعو الولد
صبينه غده تغدينه وكل واحد راح لمكانه هستوني ردت اغفه
سمعت صرخه كمز احمد وطلع يركض من الغرفه خليت
ع.راسي حجاب ونزلت ورا دخلنه الغرفه عمي اباوع
الكل منجمع يمه والبجي والصراخ تخبلت تعديتهم
وكعدت يمه اباوع عليه مابي نفس ميت وكمت اصرخ
بيوم ابويه متئذيت بهل صوره احس كلبي من صدك نكسر
عموووو اكعد منو الي بعدك شلون هلك تعوفني المنو
خليتني ها جاوبني لتبقه ساكت شلون اكدر اكمل بدون
متوجهني وتنصحني اكعد عمرووووو فرفحت من البجي
اجوي ولد خالهم شالو واخذو والعالم بدن تجمع ماكو نص ساعه
والبيت نكلب كلاب ماكو مكان تكعد بي صعدت للغرفه كرفصت
ع روحي واذكر اقبل يومين جنه كاعدين بلحديقه نسولفه

ها عمو شو كاعد وحدك

خنكني البيت ومثل مجاي شوفين مشاكل متخلص
كلت اكعد وحدي افضل

مممم تمام راجعه اني اخذ راحتك

لا بنيتي تعاي انتِ الوحيده الي ارتاح بوجودها

خوش لعد اروح اسويلك استكان جاي من ايدي
مثل متحبه مهيل وارجعلك رحت سويت جبت
ورجعت يمه كعدت يي عمو سولفلي شلون تكدر
تبقه صابر ع كل هل مشاكل

شوفي بنيتي اول شي لتعتبرين الي جاي يصير
بلبيت مشكله

لعد اذا هيه فعلا مشكله مو من المعقول اكو الها مسما
ثاني

شوفي مفهمتيني مو قصدي مسمى انما انت تحددين
هذا شي عقلج الباطن هو الي قرره اذا نضرتيله
بنضره مشكله فعلا راح تكون بهل صوره ومهما ردتي
تحليه راح تبقه معقده دائما اخذي الامور بساطه
اليعلمج هاي الامور الي جاي تشوفيه مشكله اذا طرقتيه
بين العالم راح تكونين محط الانتقاد جاي اسولفلج
اذا ردتي تكونين بقلمه بس اذا العكس ابقي عاشيه
بلمشاكل مثل مدكولين ومثل مكتلج قبل عتبريه تفاهات