ريم الفلا⚡️❤️

البارت العشرون

غزاله /اباوع عليه شلون عبر من الحايط حبيبي صار حرامي بسبي ضحكت فزيت فزه من الشفته كدامي

لو احد شايفكم غيري تدرين جان ركبتج طارت

ماما والله مااعرف بي هنا كل الي صح ضجت طلعت
اشم هوه وشفته كدامي

شلون حلو ماكوا هيج امكانيه وصارت صدفه تردين
تقنعيني غزاله عيب عليكم ولو عتبي مو عليه لان هو
ولد مراح تجي الحجايه بس انتٍ متخافين ع سمعتج
هسه كلتو حب ومشيانها وماكو واحد ماعرف بعلاقتكم
بس الي يعرفو العالم متتلتقون يعني اذا احد لكفكم راح تصير
مو حلوه وصدكي اذا تكررت الحاله حته زواجكم مااوافق عليه
واي شخص يتقدملج اقبل بي ومتعترضين

رحت بسته من راسها لان هذا التصرف فعلا غلط
اسفه وبعد متتكرر وعد وبس اشوفه السراج اخذره
دخلت للغرفه نمت كعدتني ماما ب ١٠تقريبا اول
مره تخليني اتاخر لهل وقت بوجهي نضفت حضرت
الغده سبحت وصليت وبدينه نتغده

غزاله اني اليوم رايحه البيت عمتج
عدهم كعده ولو ميحتاج اكلج لان عرفتي السالفه

هسه اعتذرنه شتردين بعد دمشيه يا ماما كل شويه
ذكريني بيه

بوري بس بس ينفتح مينسد المهم ب ٣ونص اروح

تمام خلي اروح وياج

بطلي خفيه تكعدين وتنجبين طلعه ماكو

تمام هاهيه نجبينه
كملنه غده غسلت المواعين ورجعت الغرفتي طلعت
امي واني كلبي طاك كمت الوب جني وحده تطلك
حجه ظافر

شبيج غزاله تره دوختيني رايحه جايه اكعدي

باوعت عليه شنو عود صاير رجال وتتئمر
جاوب خالد من يمه

رجال غصبا عليج منو الي جاي يشتغل ويجيب
فلوس غيره

خالد معليك لترده عيب اكبر منك

والله مو صوجك صوجي اني الي جاي ادافعلك
مو جه نعمه

اباوع عليهم شلون كبرانين واحد يوفع والثاني يكبس
لك خالد انت منو ذابلك عضم وجاوب شوف ظافر اكبر
منك احترم ومجاوب

لتغلطين لا بلعباس اكله ال امي  عليج وع سراج

تدري لتخاف

ي بس متدري من باسج قبل فتره لعبالج محد شافكم

اباوع عليه مصدومه صخام هذا شلون شافنه
لك شوكت باسني شهل كلا م عيب عليك
حجه ظافر

غزاله عوفج من العيب لان اني هم شفتكم
بس ركزي ع حلال والحرام تره تصرفكم
جان غلط وحرام وخالد راد يحجي ال ماما
بس اني سكته مره ثانيه مراح ادخل وتعرفينه
شلون يكيف ع خباثه وانتِ بكيفج بعد

ماعرف شنو اجاوب حقيقه فشلني رغم اصغر
مني بس عقله جبير واعي كلش مجاوبتهم
رحت للغرفه انتضر مرت ٣ساعات وبالي كله
يمهم لحد مدكت الباب رحت ركض فتحته
ها ماما بشري