الحب اوقعني بجحيمك

Part 11

                الحب اوقعني بجحيمك

                بقلمي وردة النرجس

لا تنسون التصويت +التعليق بين الفقرات

              ♡♡♡♡♡♡♡♡♡♡♡♡♡

شگد مرت عليه عيون...
ما جاستني بس عينك..

نيران
مهيمن:بصفتي احبج احبج فهمتي

حسيت صاعقه ونزلت ؏ گلبي بسررعه عفته وطلعت امشي سريع مرتبكه طلعت المُبايل
اريد اتصل ؏ بابا ايدي ترجف مدري شلون
سيطرت ؏ المُبايل اجاني صوته

ابو نيران:ها بابا

نيران:بابا انتَ وين تكدر تمر عليه تاخذني

ابو نيران: بابا انا بعيد عليج طالع بشغله بيج
شي ليش طالعه هسه

نيران:تمام بابا لا ماكو شي بس خلصت
محاضراتي ؏ وقت

نهيت الاتصال وياه وطلعت برا الجامعة اريد
اخذ تكسي واطلع للبيت لحضات واشوف
مهيمن كدامي بسيارته نزل الجامه وكال

مهيمن: اصعدي انا اوصلج

يبووو هسه احس نفسي محتاجه وضع الاختفاء الي استخدمه توم وجيري

نيران: مممم لا شكراً دكتور اخذ تكسي

مهيمن: نارين اصعدي لا تعبيني اريد احجي
وياج

نيران: دكتور ماكو شي نحجي روح الله يخليك

مهيمن: بابا اصعدي كتلج

بقه صافن عليه وسيارته كدامي زفرت بملل وصعدت اشو هذا بسرعه فر المرايه وجهه
عليه يبووو على هل يوم شلون راح يخلص
احس وجهي صار نار.. باوعلي وكال

مهيمن: شبيج نيران ليش هيج ترجفين

نيران: لا ما بيه شي دكتور بس الكلام الي
كلته مساع قاطعني وكال

مهيمن: شبي الكلام بابا ترا انا احبج

نيران: ما يصير هذا الشي غلط انتَ دكتوري

مهيمن: شنو الما يصير

نيران: دكتور اني مو من هذا النوع البنات
الي تسوي علاقات

اشووو هذا لزم بريك بسررعه راسي ضرب ب الكشن التفت عليه بعصبيه

مهيمن: شنوو شايفتني مراهق كدامج وادور علاقات بابا منو كلج اريد علاقه انا رايدج اخطبج مو اسوي وياج علاقات هذا الحجر الي نايم
براسج طلعي فهمممتي

ما جاوبته ولا حرف وهوا هم حرك السياره وسكت بس نضراته ما سكتن طول الطريق
عيونه موجهن عليه ياربي اليوم شمسويه وهيج يصير وياي درت وجهي ؏ الجامه والجنطه الي بيدي احس راح تطك بكد ما اعصر بيها.. وصلنه للفرع مالتنا