part 31

24.1K 1.3K 1.1K
                                    


                الحب اوقعني بجحيمك

                 بقلمي وردة النرجس

لا تنسون التصويت+متابعه للحساب+التعليق بين الفقرات 💋

ولِمثلِ العبّاس أبن علي فَلتُذْرَفِ الدّموع.

               ♡♡♡♡♡♡♡♡♡♡♡

كوبرا
اخذو ألياس للمركز وما فهمنه ليش هيج
ومنو مقدم عليه البلاغ

ايهم: انا رايح ورا

خيزران: اوكف كلنه نروح سوه

قفلت الشقه وطلعنه بسياره ايهم وره ألياس
وصلنه للمركز سمح النه الضابط ندخل لكيناه كاعد عالكرسي والكلبجات ب أيده

ايهم: السلام عليكم

الضابط: وعليكم السلام

ايهم: سيادتك اكدر اعرف شنو التهمه الي
اخذتو ألياس محمود بيها؟

الضابط: هسه يوصل الشخص الي قدم النه
البلاغ وتعرفون كلشي

ألياس: سيدي انا ما مسوي شي

كاعدين بالمركز واحد يباوع بوجه الثاني
كلشي ما مفتهمين منو اله غايه يسوي هيج
وما انحس اله اندك الباب...

- سيدي المحاميه بالباب

الضابط: خلي تتفضل

امواج: مرحبا

كلنه انصدمنه من شفناها معقوله هيه صاحبه
البلاغ بس ليش!!

ايهم: امواج!

الضابط: تفضلي ست اكعدي

امواج: مشكور

كعدت بالكرسي الي مقابيل ألياس وهوه موجهه
انضاره الها وصدمته ما تقل عن صدمتنه

الضابط: ست امواج هيه الي قدمت البلاغ
راح نوقف ألياس محمود بتهمه تجاره المخدرات
خطف الاطفال والمتاجره بيهم

ايهم: سيدي ماكو هيج شي

الضابط: كلشي كدامك واضح بالدلائل

ايهم: بس هاي الدلائل مو كافيه حته تسجنه

ألياس: سيدي ما الي شغل بكل الي ذكرته

الضابط: ست امواج تكدرين ترحين خلاص
اعتبري انسجن شاكرين جهودج

امواج: سيدي اتمنى الحق ياخذ مجرأه ونقضي
على هيج ناس ب بلدنا

الضابط: ان شاءلله،، تحسين

تحسين: نعم سيدي

الضابط: اخذه للتوقيف

تحسين: امرك سيدي

اجه سحب ألياس من ايده وهاي المحاميه
تباوع عليه ب ابتسامه نصر

ايهم: سيادتك اكدر احجي وياه دقيقه

الضابط: عوفه خلي يحاجي

الحب اوقعني بجحيمكحيث تعيش القصص. اكتشف الآن