الحب اوقعني بجحيمك

part 14

             الحب اوقعني بجحيمك

                   بقلمي وردة النرجس

لا تنسون التصويت+التعليق بين الفقرات ♡

ضيفو حسابي warda_alnarjis12

 
                ♡♡♡♡♡♡♡♡♡♡♡♡

نيران

مسحت دموعي وكفت مقابيله اكررررهك
ومراح انسه حركه گلبي هاي ودموعي لا
تشوفني وجهك مره ثانيه

اتجاهلته وطلعت وهوا وراي يريدني يوصلني
بس ما اهتميت لوجوده اخدت تكسي ورحت للبيت واحس نار مشتعله بداخلي دموعي تنزل وامسحها حته ابو التكسي انتبه عليه حاولت
اقاوم نفسي وما اضعف والطريق كُله افكر بكُل كلامه ليش خلاني احبه وخذلني شنو سويتله وصلت للبيت واول ما دخلت صارت ماما بوحهي سلمت عليها باوعتلي وحجت

- يمه صاير شي احسج مو طبيعيه

- لا ماما بس تعبانه ضغط دوام راح اصعد
انام وارتاح

- متأكده يمه

- صدكي مبيه شي ليضل بالج حبيبتي

- بدلي خلي اصبلج غده

ما اشتهي عفتهه وصعدت لغرفتي شمرت
الجنطه وشمرت نفسي ؏ الجربايه ولزمت
راسي حييل كلامه يرن بأذني اريد اهدي
الضجيج الي براسي اريد اصرخ بعلو صوتي
دك التلفون شفته مروة فتحت خط واسمعها تحجي

مروة: نيران وين صرتي ليش ما رجعتي
للجامعة

- مروة مختنكه راح اموت

- اسم الله عليج حبيبتي شصاير

- يكُلي ما اكدر اكمل يريد ينهي علاقتنه هيج
بكُل سهوله

- شجاي تحجين انتِ

حجيت الها كُلشي دار بيني وبين مهيمن
-هذا صُدك يحجي من كُل عقله

- لج يكُلي مستحيل اخلي احد يكسرج وهوه
الي كسرني لج ليش من بعد ما حبيته تركني
بنص الطريق  بعدها تحجي سديته منها

                   .............................

علي
جنت بالمعرض وحيل مشغول اتصلت عليه
ميسم

- علي تكدر تجي ترجعنه

- ليش مهيمن وين ارجعو وياه

- طلع يوصل نيران

تمام بنيتي دقايق وانا يمكم

فهمت الولد ؏ الشغل الباقي وطلعت اتصلت
؏ ميسم تطلعلي وصلت لكيتهن ينتضرني وريف صعدت وطبكي الباب حيل وتدردم

علي: شبيج جنج عجوز ماكول غداهه

ميسم: دعوفها هاي لا تستحي ولا تخجل

ريف:كون دهر صابج خليت المستحه الج

علي: شبيجن!

ريف: عمك يچي لينه ياخذ نيران ويمشي
واحنه خلانا مسموطين بهالحر