الحب اوقعني بجحيمك
بقلمي وردة النرجس
لا تنسون التصويت+متابعه للحساب+التعليق
بين الفقرات💋
♡♡♡♡♡♡♡♡♡♡
اجه مهيمن يركض
نيران بدموع : مهيمن تعال فدوه علي
مهيمن: علييييييييييييي!
بسرعه اجه شاله من حضني وركض بي للسياره الكُل طلعو من شافو علي واكع وفاقد الوعي تخبلو
حسين: مهيمن شبي ابني
مهيمن: السووويج ريف بسرعه
ركضت ريف تجيب السويج واني صعدت وره يم علي وحسين كعد بصف مهيمن وشغل السياره وطلع وعلي فاقد الوعي بيدي حسين تخبل من شاف علي بهيج حاله
وصلنه للمستشفى حسين نزل يركض يجيب النقاله ومهيمن شال علي وراح وراه خلو بالسديه ودخلو للغرفه وسدو الباب بقينه بره وحالتنه حاله
حسين: نيران ليش هيج صار وياه؟
نيران: ما اعرف جنه كاعدين سوه وفجأة فقد بيدي
مهيمن: حسين اكعد لا تخاف علي قوي
حسين: مهيمن ابني هذا ما عندي غيره اذا خسرته اموت
نيران: اسم الله عليه ادعيله لدكول هيج
دقايق واجه احمد جايب وياه ميسم وكل الي بالبيت اجوي
ابو حسين: بويه حسين شلونه علي وينه
حسين: يابه ابني راح يروح مني
راح حسين حضن عمو وصارو يبجون وع بجيهم الكُل صار يبجي اجتي ميسم حضنتني وتحجي بدموع
ميسم: من وراي علي هيج صار بي مو؟
نيران: اهدي ما بي شي علي هسه يصير زين لتخافين
ميسم: ما راح اسامح نفسي اذا يصير شي بي
مر وقت وطلع الدكتور....
مهيمن: دكتور فدوه بشرني شلونه
الدكتور: انتو اهل المريض
حسين: اي انا ابو فدوه شبي ابني
الدكتور: ابنك صايره عنده ذبحه قلبيه
- الكُل بصدمه: ذبحه!!!!!!!!
مهيمن: وهسه شلونه دكتور
الدكتور: حالته استقرت بس لازم يرتاح وما
يتعرض لاي ضغط او مشاكل
نيران: دكتور نكدر ندخل نشوفه
الدكتور: شخص واحد يدخل بس،،، وشخص
يجي وياي للغرفه اكتبله العلاج ولا تنسون
تبعدونه عن اي شي يضوجه
مهيمن طبطب ع كتف حسين وكال
مهيمن: ادخل شوفه ابو علي
مسح دموعه وراح يشوف علي ومهيمن
راح وي الدكتور يجيب العلاج شوي ورجع
أنت تقرأ
الحب اوقعني بجحيمك
Actionيا من علمتني دروس الحياة لم يحبني احد كما احببتني انت فتاة وحيده تعيش مع عائلتها الصغيره في حبهم وحنانهم ليدخل حياتها شخص يخرجها من وحدتها إلى عالمهُ تعيش معه أجمل أيام حياتها وفجأ ليذهب كُل شي وتنقلب حياتها رأسا على عقب الخوف الموت الحيره ...
