الحب اوقعني بجحيمك
بقلمي وردة النرجس
لا تنسون التصويت+متابعه للحساب+التعليق
بين الفقرات♥
♡♡♡♡♡♡♡♡♡♡♡
كوبرا
- انتَ تحب ريف؟...
ألياس: ليش هالسؤال!
كوبرا: جاوبني تحبهااا
ألياس: ما يخصك
اتجاهلني وفتح الباب ودخل للشقه
دخلت وراه واحس صرت نار صحت
عليه بصوت عالي
كوبرا: احجييي عندك شي وياهااااا
ألياس: عندي او لا انتَ شعليكك!!
هنا ما اتحملت لزمته من قميصه
وطبكته على الحايط
كوبرا: لا تستفزني ألياس جاوب
باوعلي ودفعني عنه حيل
ألياس: شهل تصرف كوبرا شبيك ما
عندي شي وياها ريف مثل اختي
كوبرا: جا شنو هذا الضحك كله انتَ
وياها
ألياس: لان عزيزه عليه واحبها حب اخوي
مو اكثر من هذا
كوبرا: خوش
ألياس: بس انتَ ليش ضايج شعليك
بكل هذا؟؟
كوبرا: ماكو شي بس اخاف عليها لا
تنسه هاي امانه ايهم
ألياس: ههه خاف عليها من روحك حبيبي
كوبرا: شتقصد
ألياس: المطي تكفي الأشاره
كوبرا: لا تلح حيوان
كعدت يمه ضلينه نسولف ونضحك
حسيت ارتاحيت حيل من عرفت مشاعر
ألياس شنو اتجاه ريف
…………………
نيران
مر أسبوع عادي نفس الروتين بالبيت
ما عدنا اي شي علاقتي اني وايهم نفس
ما هيه وهوه حيل زين وياي وكتفه بده
يتحسن اليوم لازم يرجع لدوامه
علي وضعه تحسن بهواي عن قبل
وميسم وريف يداومن هل فترا عدهن
امتحانات ومن بعدها يتخرجن
روح اغلب وقتها يم ايهم تخلصه تلعب
وياه لو ياخذها ويطلع بره،،
لبست قميص اسود وبنطرون وكفت
مقابيل الميز خليت حمره خفيفه ورتبت
حجابي طلع ايهم من الحمام ينشف بشعره
وكف يباوع عليه
نيران: اني كملت كُلشي
ايهم: تمام اكمل وانزل وراج اسبقيني
اخذت جنطتي ومبايلي ردت اطلع صار
مقابيلي
نيران: شنوو؟
ايهم: حمرتج
نيران: مو حلوه
ايهم: سحلت عيوني
دنكت راسي خجلانه
نيران: يلا اني نازله
أنت تقرأ
الحب اوقعني بجحيمك
Actionيا من علمتني دروس الحياة لم يحبني احد كما احببتني انت فتاة وحيده تعيش مع عائلتها الصغيره في حبهم وحنانهم ليدخل حياتها شخص يخرجها من وحدتها إلى عالمهُ تعيش معه أجمل أيام حياتها وفجأ ليذهب كُل شي وتنقلب حياتها رأسا على عقب الخوف الموت الحيره ...
