الحب اوقعني بجحيمك

part 13

                  الحب اوقعني بجحيمك

                  بقلمي وردة النرجس

لا تنسون التصويت+ التعليق بين الفقرات

                ♡♡♡♡♡♡♡♡♡♡♡♡

لاتقطعوا وعوداً لستم بأهلاً لها، فبعض
القلوب تبني على وعودكم حياة.
              
نيران
مرت الايام بين البيت والجامعه كاعده واجتي
عليه طالبه كالت استاذ عماد يريدج ب مكتبة
شكد اكرهه مدري شلون جبرت نفسي ورحت
عليه دكيت الباب اجاني صوته يسمحلي
بالدخول فتحت الباب وبقيت واكفه اول ما
شافني نهض من مكانه

- ها استاذ رايدني

- اي ادخلي نحجي بالباب شنو

- لا شكرا هيج مرتاحه

- ميصير بالباب واكفه تفضلي اكعدي

تركت الباب مفتوح ورحت كعدت كال
- شنو تشربين

- لا شكرا استاذ ماكو داعي ممكن اعرف
ليش دزيت عليه؟

- ماكو شي مهم شلونها الجامعه وياج خو
ما احد مضايقج

- الحمدلله كُلشي تمام

- اي شي تحتاجين اني موجود

بعدني ممجاوب واندك الباب رفعت راسي
شفته مهيمن باوعلي بنضرات حسيت النار
تطلع من عيونه

مهيمن:اطلعي وسدي الباب

عماد: خير مهيمن صاير شي

رجع باوع عليه بـ غضب وحجه بـ عصبيه

مهيمن: انا شنو كلت

بسرعه طلعت وهوا طبك الباب وراي وشنو
صار يينهم ما اعررف بس نضراته وعصبيته مستحيل اوصفهاا رحت ؏ مروة كعدت

- شنو شبيج وجهج ما يتفسر ما تحجين
سطرج العباس شنوو

حجيت الها الموقف الي صار باوعت عليه
وغمتني

مروة: وانتِ شعندج رحتي متعرفينه شنو هوه

نيران: واني شمدريني عبالي اكو شي وتخيلي شلون رزلني وطردني معقوله تعارك وياه!!

- حيل بيج حته مرا ثانيه ما ترحين

- وجع انتِ وياي عليه وبعدين هوا شعلي بيه

- غبيه ياربي غبيه متشوفين شلون يحبج عميه
لو ثوله؟

- ومرض انتِ شو تغلطين وربي اكوم اطيح
حضج

- يارب كون تاخدين واحد يشبه باباي

- بيش طالبتني عاب هل حلك

- لانج غبيه دباعي بناات الجامعه من يفوت
دكتور مهيمن يتمنن بس نضره منه لجج بس عُطره يسطر سطرر

نيران: وانتِ شدعوه هيج مركزه ب عُطره؟

- غير يدوووخ

- اشكد صلفه لعد