الحب اوقعني بجحيمك

مسك الختام

                 الحب اوقعني بجحيمك

                 بقلمي وردة النرجس

تصويت+ تعليق بين الفقرات فراولات♥

يابخت ذيچ العيون
العايش الهن
يابعد چلمات كلبي الماكلتهن ♡"

              ♡♡♡♡♡♡♡♡♡♡♡♡

ايهم: أحبچ يا شرياني انتِ

بعد راسه عني وعيونه بعيوني
- اول مرة اسمعها منك!

ايهم: صح ما كايلهه بس محسسج بيها

بنفس الحضه اندك الباب دخلت الممرضة
حته تاخذني لغرفة العمليات

طلعت وياهه وهوه لازمني من ايدي يمشي
وياي وعلي ورانه وصلنه غرفة العمليات
الممرضة منعت ايهم يتقرب أكثر گالت لازم
ندخل اجه علي باسني براسي

علي: يا روح اخوج تطلعين بالسلامة

- الله يسلمك

ايهم رفع ايدي باسهه وباس راسي حضني لصدره

ايهم: لا تخلين خوف بگلبج بابا راح تطلعين بسلامة انا وروح ننتضرج

دموعي نزلت عفتهم بضهري ودخلت غرفة العمليات خايفة حيل صح هاي مو أول مرة
وروح هم من ولدتهه بشهر الثامن بس هسه الوضع يفرق خايفة اموت قبل لا اشوف ابني غمضت عيوني قريت آية قرانية جان مهمين
دائما يعلمني عليهه اذا حسيت بخوف حسيت بأرتياح

اجه دكتور التخدير ضربني ابره وبعدين خلو ؏ خشمي التخدير سحبت نفس بعدها ما حسيت
؏ شي

★★

ميسم

دخلت نيران لغرفة العمليات واحنه واكفين
باب الغرفة ننتضرها وحيل خايفين عليهه علي يفتر بالممر يطكطك بأصابيعة ويقرأ آيات خالو ايهم وضعة أبد ما ينوصف منهار حيل مخلي
راسه ؏ الحايط ودموعة تنزل وما ؏ السانة
غير الإمام علي ( ؏ السلام) يتنخة بي انو
يحفظ نيران وتطلع سالمة هيه والطفل

مر الوقت واحنة ؏ نفس الحال كُل ما يمر
نخاف أكثر ننتضر أحد يجي يطمنة عنهم
شوي وطلعت الدكتورة

- زوج المريضة وين؟

ايهم: انا دكتورة مرتي وين زينه موو؟؟

- للأسف وضعهه خطر صارت عدنا مضاعفات
بالعملية ولازم توقع حته ننقذها لازم نشيل
الرحم

ايهم: شلووون يعني ماكوو غيررر هل حل
مستحيل اذا اوفق نيران مراح تكدر تحمل
مرة ثانية!!

- الوقت جداً قصير ما عدنا مجال للتفكير
لازم تقرر وتوقع ؏ مسؤليتك حته نكمل العملية

علي: عمي أهده اهم شي سلامت نيران
كلشي ينحل

ضرب الحايط بأيده حيل وعصر مكان گلبه
اخذ شهيق وزفير وگال لكتورة موافق تكمل
العملية وقع ؏ قرارة والدكتورة دخلت كملت
العملية حيل انقهرنة ؏ الحال الي بي نيران
ابد ما ترتاح كل ما تفرح لازم يصير شي يزعلهه
طلعت الدكتورة نزلت الكمامة تحجي