الحب اوقعني بجحيمك
بقلمي وردة النرجس
لا تنسون التصويت+متابعه للحساب+التعليق
بين الفقرات♥
♡♡♡♡♡♡♡♡♡♡
نيران
ايهم: ازهار انتِ طالگ
ازهار: لا ايهم فدوه لتسوي هيج بيه والله
اني احبك حيل لتعوفني
ايهم: الصبح تجيج ورقه طلاگج
ما حسيت اله هجمت عليه سحبتني من
شعري وتغلط
ازهار: كله من وراج حقيره اخذتي مهيمن
مني وهسه رجعتي اخذتي ايهم اليوم اكتلج
بيدي واخلص منج
دفعتها عني وايهم ضل يحجي عليها حته
تطلع من الغرفه بس جانت فاقده بس
تحجي وتغلط
ازهار: ك*** دفعتج من الدرج عبالي
تموتين انتِ وبتج واخلص منج بس كلشي
ما صار بيج والله انهيج على ايدي
ايهم: شسويتي عيدي؟
انتبهت على نفسها شنو حجت صار وجهه
اصفر وايهم عيونه نار واكف كدامها
ازهار: لا ما سويت شي والله بس ردت
احرك كلبها
مجرد ما كالت هيج ضربها راشدي قوي
ولزمها من فكها حيل والتفت عليه
ايهم: نيران شجاي تحجي هاي يمته دافعتج
من الدرج احجي؟
نيران: من جنت حامل ب روح هيه دفعتني
وبوقتها مهيمن عرف وعلي هم بس هيه
نكرت هالشي وكالت جذب مو اني
ايهم: بت الكلب انتم شنو السم يمشي بدمكم
اختج العار سوتها ب ام علي وهسه انتِ
انا اعلمج
ازهار: والله اذا طلكتني على مودها راح
تندمون بكد شعر راسكم فهمت
ايهم: نندم بت الك*** منو اليندم ازهار
اسمعيني زين انا مو علي ولا مهيمن ولا عمج
الي تتحامين بي اناا ايهم والخلقج ادفنج
وانتِ عايشه اذا شفتج يم نيران مره ثانيه
سحبها من ايدها ودفعها بره الغرفه وسد
الباب باوعتله بطرف عيني ورحت على الكنتور
طلعت ملابسي وهوه يباوع عليه بعيون عصبيه
اتجاهلته ودخلت للحمام سبحت وبدلت
وطلعت شفته ما موجود بالغرفه اتنفست براحه
وكفت كدام الميز رشيت عطُر وامشط بشعري
ما حسيت اله هوه واكف وراي ويباوعلي
من المرايه الكدامي درت نفسي اله اباوعله
بصدمه وهوه بسرعه سحبني من ايدي على
الحايط وصار مقابيلي
نيران: خير!
ايهم: ليش
نيران: شنو ليش؟
ايهم: غرتي لان شفتيها يمي مو
نيران: اني اغار؟ ومن ازهار لو عليك انتَ
ثنيكم ما تهموني سويت هيج لان مو اني الي
ابقه على ذمه شخص وبحياته وحده ثانيه
ولا اقبل بنتي تصيحلك بابا بوجودها
أنت تقرأ
الحب اوقعني بجحيمك
Actionيا من علمتني دروس الحياة لم يحبني احد كما احببتني انت فتاة وحيده تعيش مع عائلتها الصغيره في حبهم وحنانهم ليدخل حياتها شخص يخرجها من وحدتها إلى عالمهُ تعيش معه أجمل أيام حياتها وفجأ ليذهب كُل شي وتنقلب حياتها رأسا على عقب الخوف الموت الحيره ...
