الحب اوقعني بجحيمك
بقلمي وردة النرجس
لا تنسون التصويت+متابعه للحساب+التعليق بين الفقرات 💋
♡♡♡♡♡♡♡♡♡♡♡♡
ميسم
واكفين بالمطبخ اريد اخذ الضيافه واطلع وازهار بسرعه طلعت ركضت وراها واشوفها تصعد فوك
ميسم: لج ازهار وين رايحه
ازهار: رايحه اعلمها شنو مكعده خطيبي بغرفتها
لزمتها من ايدها
ميسم: مو وكتها الله يخليج متعرفين شي انتِ
ازهار: وخرري عني
دفعت ايدي وصعدت لغرفة نيران رحت اركض وراها دفعت الباب بكُل قوتها ودخلت واني دخلت وياها وانصدمت واني اشوف نيران نايمه على صدر خالو بسرعه كعدو ثنيهم وخالو ايهم صاح
ايهم: شجاي يصير هناا شلون تدخلون هيج!
ازهار: اوو الضاهر قطعت عليكم الحضات الرومانسيه
لزمتها من ايدها واكرص بيها اريد تسكت
ميسم: ازهار فدوه اسكتي
ازهار: وخري ايدج عني خليني احجي ليش اسكت
نيران: شبيج ازهار شلون تدخلين غرفتنه هيج
ازهار: غررفتكم!! غرفة منووو حبيبتي
ايهم: ميسسسسسم اخذيها واطلعي
ازهار: لا ما اطلع لج انتِ شكد صلفه!!رجلج ترابه ما ناشف وانتِ كاعده هنا ونايمه بحضن خطيبي
نيران: شنو شجاي تحجين خطيبج منوو ازهار كافي ما مليتي من هاي سوالفج وين تردين توصلين افهمي مهيمن زوجي وابو بنتي مو كافي تركضين ورا
ازهار: ههههههه ضحكتيني والله شكد ك*** لعد مات رجلج حولتي على اخوو بسرعه
خالو ايهم طفر من الجربايه واجه عليها لزمهه من وجهه وضغط على حلكها حيل بيده
ايهم: هذا حلكج افركه الج اذا تحجين حجي زايد
نيران: مهيمن شديصير هنا؟ احد يفهمني
ازهار دفعت ايد ايهم وصاحت بصوت عالي
ازهار: موو مهيمن ايهم هذا مهيمن خلاص ماات مااات فهمتي لووو اعيد رجلج مات
كالت ازهار هيج لو نيران تخبلت كعدت بالكاع وتضرب على وجهه وخلت ايدها على اذاناتها
نيران:شجااي تكووول هاي سكتوهاااا ما اريد اسمممع صوتها مهيمن ما مات حبيبي ما يعوفني
رفعت راسها تباوع على ايهم واجتي عليه ركضت
نيران: حاجيني فدوه الي جاي تكوله ازهار شنوو!!
أنت تقرأ
الحب اوقعني بجحيمك
Actionيا من علمتني دروس الحياة لم يحبني احد كما احببتني انت فتاة وحيده تعيش مع عائلتها الصغيره في حبهم وحنانهم ليدخل حياتها شخص يخرجها من وحدتها إلى عالمهُ تعيش معه أجمل أيام حياتها وفجأ ليذهب كُل شي وتنقلب حياتها رأسا على عقب الخوف الموت الحيره ...
