تألمت ثم عشقت آلامي في حبها

7

تألمت ثم عشقت آلامي في حبها >> الحلقه 7
.
.
منى قالتله هالكلمتين وناضت دخلت للقصر لأنه مضايقه هلبا ...
.
إحتمال أن محمود يغيب على الإجتماع لا كانت لا في البال و لا في الحسبان ... مجرد التفكير فيها ترعب ... ... 🔥
.
منى نفخت بالقوي و تمتمت بينها وبين روحها - وينك يا محمود ويييينك !!! بالله عليك ما تكون أناني وديرها ... 😔
.
.
والحاج مختار حاله مكانش أحسن منها...

.
بجد الوضع لي حطهم فيه محمود ميتحسدوش عليه ....
وضع صعب ... وضع ميرضه عدو لعدوه ..
.
. سمعت عيلتهم ... وشركاتهم العملاقة ... ومكانتهم في السوق..
.
.. في الوضع العادي محمود مستحيل يكون مستهتر و يدير غلطة بالحجم الضخم هذا و يتسبب في كارثة...
🔥
.
إنسان دقيق هلبا في خدمته و هذا لي خلاه يحتكر السوق و يكون الثروة هذي في وقت قياسي ...👌
.
..لكن اليوم و بعد المصيبة لي صارت و طريقت طلوعه من القصر أجبرهم يشكو في رجوعه ليهم 😞
.

.
.
. مختار من بعد ما تكلم مع منى طلع لي غرفته الخاصة للخدمة و سكر على روحه بالمفتاح مش طايق يشوف حد ...
.
أقعد على لكرسي .. وغمض عيونه و غرق في بير أضلم متع أفكاره بير اضلم كله وجع
.
مختار مش وجعه الفلوس ولا الشركات ...همه مش هم فلوس ... لي واجعه حاجة اكبر من هكي ...
.
واجعه ولده لي كرهه كرهه لدرجت أنه مستعد يحرق تعب السنين ...
.
كرهه لدرجت أنه يحطم بيده الإمبراطوريا لي بناها بيده ... 😪
.
لي زاد وجع قلب مختار أنه متأكد من إنه هو كان طرف في وجع ولده اليوم .. 💔
.
لكن كان من غير قصد هو كان ينفد في وصية المرحوم خوه و متوقعش إنه الحال يوصل لدرجة هذي .. 😞
.
تبسم لم تفكر علاقته بولده كيف كانت قبل سنين ...
.
علاقة قوية مستحيل يزعزعها شي
ديمة يقول لمرته
.
" يا خديجة أني راهو نربي في محمود لكبري "
" يوم لي نطيح ح نلقاه في ضهري كيف الأسد " ...
.
.
لما تفكر الجملة هذي دمعة سخونة نزلت من عينه تحرق ... ... 🔥💧
.
.
..زاد تفكر كيف ربا محمود من وهو الصغيرعلى الرجوله ..
كيف علمه أنه راجل عمره مايرفع حاجت غيره أو يطمع في حاجة مش ليه ... 👌
.
.. من لما كان في الابتدئي علمه الفلاحة ...
علمه كيف يتعامل مع الأرض .. كيف يبيع المحصول ..
.
.
كيف يتناقش مع التجار ... من وهو صغير يرفع فيه معاه ... يعلم فيه كيف يتصرف
.
.
و معا هذا كله علمه و قراه و بعثه لأمريكيا و قاله نبيك ترجع رجل أعمال كبير ..👌
.
قاله نبي الناس لما تسمع إسمك تحسبلك ألف حساب ..
.
. و في وسط الأفكار هدي كله مختار هربت عليه فكرة وحدة ..
.
"و هي أنه محمود بجد ميكرهش بوه.. مستحيل يجي يوم و يكره الراجل لي يشوف في الدنيا بعيونه
... محمود مجروح منه لا أكثر و لا أقل ..
و أكيد يجي يوم لي يسامحه فيه . "
.
.
.. لكن محمود يتصرف بالطريقة هذي ك تخفيف عن النفس .. 💔
... الله غالب هذي الطريقة الوحيدة لي لقاها محمود باش يحسسهم بوجع قلبه 💔
.
.
•••
.
.
سحر بدت تفيق و تفتح في عيونها ... مش قادره تشوف أكويس ...
.
تشوف في الدنيا مضببة .. قعدت ترمش تحاول تشوف بوضوح ... وبدت الرئية توضح بشويه ....
.
تشوف قدامها في خيال راجل طويل و عريض .....
.
غمضت عيونها للحظات علي خاطر راسها قااعد يوجع فيها وعاودت فتحت عيونها من جديد ....
.
المرة هذي تشوف بوضوح أكثر ..
تشوف في راجل واقف قدامها خلا قلبها يدق جتها نخصه في قلبها في نفس لوقت ..❤