تألمت ثم عشقت آلامي في حبها

44

تألمت ثم عشقت آلامي في حبها >> الحلقه 44

#_منقول
.
.
محمود - عيلة كلاب حاشاك ... مافيش واحد فيهم يصلح ... 🙄
سليم - تقولي ؟؟ 😂.. صدقني نعرفهم خوي... تي ناسبت منهم و ندمت ... قرب منه و وشوشه ..
.
سليم - و اكبر كلب فيهم هوا ولدهم الصغير ... واحد فاسد و كداب ...قالك عنده هداف الدرجة الاولى و هوا ما يصلحش حتى البواب متع المرمه 😂😂😂
.
محمود -😒😒

مختار - تفضل تفضل ..
محمود - يزيد فضلك ..!!
مختار - يارت تدخل في الموضوع طول.. لان وقتي ثمين ..!!

"" محمود يشوف لي بوه ... مصدوم من طريقة كلامه .. مايعرفش يضحك ولا يعصب..😂 ""
مختار - تفضل أستاد محمود ... !!
محمود - ان اني... جاي طالب يد سحر من حضرتك .!!
.
مختار - اني يشرفني وسحر بنتي غااليه عندي .. و لازم نأمن عليها .. وعلي مستقبلها..😌
محمود - وكيف بتامن عليها حضراك .!! 🙄
مختار - عندي شروط ولو انت قدرت عليها .. سبوع جاي العرس.. 😌
محمود - باهي شني شروط ...!!
مختار - اول شي أحفادي نبيهم يسكنو قريب مني وقدام عيوني ..
محمود - يعني !!
مختار - يعنى القصر لي بجنب قصر مختار المطيري لي ليه 3 سنين مهجور لازم ينفنح وترد فيه روح !!
.
""محمود يشوف لي مختار مصدوم من طلب متاعه .... وهو يعرف انه كل مايدخل للقصر يتفكر صغاره كيف مازل بيعيش فيه ويبدا حياة جديده 💔 ... مختار وقف وشاف لي محمود بنضرا كلها تحدي وكمل كلامه ..!!""
.
مختار - لو تبي سحر لازم تنفد طلب هدا ..ولا فيه الف واحد يتمنها بنتي الغاليه 😌 وتو لازم نستأدن ونخليك تفكر ع راحتك ..ومتعطلش في رد لأن مرات نغير رايي !!
.
.
" مختار طلع من صالون .. ومحمود مقالش ولا كلمة ..مصدوم في كلام بوه وكيف يتكلم معاه بطريقة هدي .. وسليم ميت بضحك ع منظر محمود ..😂""
.
.
"" مختار ركب لي غرفته ... وهو فرحان ومهموم في نفس الوقت ... يفكر في مريم ..كيف بيصير فيها ..
.ومحمود ولع سياره وطلع من المزرعة .. متجه لي طرابلس للقصر .. ""
.
"" وسحر سمعت الحديث لي دار بين مختار ومحمود ..ومحمود طلع متعصب ..ومن غير مايتكلم معاها.. ركبت تكركر في رجليها لي لغرفه .. وفاشله ع الاخير .. فهمت جاوبه من غير مايتكلم ..او هدا لي فسرهولها عقلها صغيرون ...!! دخلت للغرفه فتحت دولب محمود وطلعت منه سوريته .. وتوجة للسرير ورقدت فوق سرير .. وحضنت سوريته بين يديها.. وقعدت تشم فيهااا ...وتتفكر في كل لحظه معاه .. لين خدها نوم ...""
.
"" محمود طلع من الحوش متغلغل ع الاخير .. من بوه ومن طلباته وتصرفاته غريبة ...يتحكم فيه كأنه عيل صغير ..يعني هيه مرته وحت في بطنها صغار منه ..وبوه تو يقوله يتمنوها غيرك ويشرط عليه ...هو مش متحمل حد يدخل في حياته هو وسحر.. بس لازم يرضي بوه معنداش حل ..لازم تكون مرته قدام ناس كلها ... وباش شي هدا يصير لازم يبين انها مش مرته ولازم ينفد شروط بوه ..
.
محمود يسوق بسرعة ...ويتكلم مع نفسه ..وفي نفس لوقت فرحان ان علاقت بوه وسحر في تحسن ... محمود بعد طريق طويله هدي .. وصل للقصر .. دخل درس سيارته في القراج ..ونزل من سياره يمشي بكل خطوات ثابته ..وبي قلب بيطلع من مكانه من كثر توتر وتفكير ... دخل من الباب صغير لي يطلع ع القصر متعه ..""
.
"" بس لمره هدي حس بي احساس غريب .. احساس مقطعه ليه اكثر من 3سنين حس كانه مستريح ومش خايف انه يدخل للقصر زي كل مره ..بلعكس يقدم وفي كل خطوا ثابت ..وقلبه وعقله وجسمه كلهم متفقين علي نفس لمسار ..
.
يمشي في لقصر ويتكم مع نفسه ..و كلامه يتردد في ودانه ..أدخل يا محمود .. لازم تبدا حياة جديده .. لازم تفرح وتكمل حياتك ... على خاطر صغارك لي الموت خدتهم ...وعلي خاطر صغارك لي رجعو للحياة علي خاطرك باش يرجعوك معاهم ..لازم تكمل حياتك وتبدا قصة جديدة وتكون نهايتها سعيدة المره هدي ..""
.
"" محمود يلف في لقصر وحاسس بفرحه ... كانه اول مره يدخل للقصر متاعه ...وقف طلع تلفونه وبعت رساله لي مختار .. { موافق ع شرط والعرس سبوع جاي } .. واتصل مكالمه بي شخص تاني .. ولع سيارته وطلع من القصر متجه للشركة عنده شوية وراقي بيكملهم ""