تألمت ثم عشقت آلامي في حبها

18

تألمت ثم عشقت آلامي في حبها >> الحلقه 18
.
.
سحر.أول ما فتحت عيونها في حاجة جدبت إنتباها فوق السرير
.. فتحت عيونها بدهشة و مش مصدقة ...
بدت ترمش في عيونها تبي تتأكد لو كان لي تشوف فيه حقيقة ولا وهم ....
... البسمة بدت أعرض على وجها و عيونها لمعو ..
قربت بخطوات خفيفة من السرير
.... و بدت تركز شويا في لي قدامها و تتلمس فيه بيدها ... لو كان عيونها كدبوها ... إكيد بلمست يدها تقدر تتأكد ادا كان لي تشوف فيه حقيقة ولا لا ...
اي لي قدامها حقيقة .. قدامها صندوق أكحل فخم زي لي كان في يد محمود . تو.. 😍
.
قعدت بسرعه على السرير وفتحته عيونها زادو وسعو أكثر...
تشوف في سلسلة ... فيها تعليقه صغيره على شكل راقصة باليه ومربع مرصع بمكعبات بيض 💎
سحر مش مصدقة عيونها ..
أول مرة تجيها هدية في حياتها كلها... قاعده مش مصدقة ان هدي حقيقة ... تتلمس فيها بيدها و تعاود ...لكن في حاجة جلبت إنتباها .... ورقة صغيرة موجودة في قلب الصندوق ...
رفعتها بلهفة وفتحتها تقرا فيها .✉
.. لقت مكتوب فيها بخط يد عربي أنيق ..✍
مكتوب جملة وحده .. جملة وحده....
خلت قلب سحر يرعش .. و سافرت بيها لعالم الأحلام ...
جملة تقول:
"" أخبروا تلك اللتي تتمايل بخصرها ... بأنها فتنة و الفتنة أشدو من القتل "💗
."
سحر قلبها يدق دقات متسارعة ... لدرجة انها حسته بيطلع من مكانه ويهرب من صدرها و يمشي لمحمود
ضمت الورقة في صدرها بيد ... و شدت السلسلة بيد تانيه .. ونضت تلف ادور بسرعة و بفرحة كيييرة في قلب الغرفه
... مش مصدق الفرحة لي هيا فيها ... مش مصدقة انه الدنيا عطتها شوية أمل من جديد ... ❤
تلف و تدور بحرية كبيييييرة كيف راقصة البالية .وبتهبل من الفرحه 😍
...
فات الوقت فيسع 🕧 و.يوم جديد 🌸☀️

لجين - مودي (محمودي ) ...مودي .... أووووودي ..
محمود راقد في سابع نومة ... ميت من التعب ... لان يوم كامل وهو يخدم .. ومشي حضر لإجتماع مع ال8 الصبح ... كمل و رجع طول للقصر باش يرتاح شويا ... ...

راقد ومايحس ألا في يدين صغيرين على وجهه... هههه صوابع في وسط عيونه و يحاولو يفتحوهم بالسيف 😂
لجين... تجبدله في شعره و مصمنه تفيقه ..محمود تبسم ووفاته ... و لجين تعصبت ... نزلت على خشمه وعضته بالقويييييه 😬..
.حس عضة قوية مش متع لعب ...😂و وقتها محمود فتح عيونه بالسيف ... 😂
يلقا قدامه لجين و لابسة و محضرة روحها و كالعادة شادة كندرتها في يدها ... تبسم... ورفعها و حطها فوق بطنه ...
.
وشاف الوقت يلقاه 2 الضهر . .
محمود - شني يا ابله... علاش جاية تنوضي فيا انتي توا .. وتعضي من فوقها زيك زي الفاره بالضبط...شن تبي مني 😤.
محمود يتكلم معاها و مركز في كل تصرفاتها ... ههههه ...😂 لجين.
غرست وجها بين يديها 🙈 ودارت روحها تبكي باش حالها يسخفه.... لما تكون تبي حاجه تبدا تتمسكنله و هو ينفد طول .. يعرفها دير ف جو عليه .ههههه ...😂
لكن ياخد بخاطرها .😚..
لجين- خلوني مودي ... خلوني و مسو
...
محمود شد روحه باش ما يضحكش ...😂
عارفها تمثل لكن حس الموضوع جدي شويه... بالنسبة للجين أقتلها .. أضربها .. لكن ماتهربش عليها هنههه...🏃‍♂️ لان تقلب الدنيا عليهم😂
محمود ضيق عيونه ودار روحه مركز معاها ...
محمود - مني هادم لي مشو !!! ...
لجين - بتلهم (كلهم ) ... 😔
محمود - ... ملا أني شن ندير هني قال بتلهم ههه 😂
لجين - تي لا نكصد الملاوات بتلهم (النساوين كلهم)