تألمت ثم عشقت آلامي في حبها

15

تألمت ثم عشقت آلامي في حبها >> الحلقه 15

#_منقول
.
.
.محمود - اوووو أهو بيبدا في الدسكه المضروبة ... بيكرهنا في روحنا و يبدا كل يوم طالع خاش.. حوش أنسابي ...🙄
.
سليم كيف جا بيجاوبه فجاء سمعو صوت من وراهم .....
.
خديجة - سليم ولدي .. يا مرحبتين.. ياهلا...
.
تلفتو لقو مدام خديجة والحاج مختار قاعدين في الجنينة .. و يشربو في قهيوة ...
. سليم ضحك طول وقدم ناحيتهم بسرعه سلم عليهم
سليم - نسيبتي العزيزه... يا خدوجة الغالية .. تي وينك يا غاليه ...
الحاج مختار عوج فمه و رفع حاجبه
مختار - هيه الغاليه والعزيزه و أني ولد البطه سوده😒!!
خديجة - ههههه متخدش عليه يا وليدي... هدا يغار .. و مش فاهم آنه كبر و راحت عليه 😌
.
الحاج مختار تبسم بخبث و قرب منها
مختار- ممم ... خليك علا كلامك باهي. راك تغيريه بعدين شوية ...😉
. مدام خديجة تحشمت هههه و وجها بدا أحمر🙊❤...
.
سليم قدم منهم و قعمز في الكرسي بجنب مختار ... تلفت لمنى وقللها
سليم - مني بالله عليك جيبلي قهيوة من أيديك... وخليني نتفاهم مع بوك .. و نشوف شن قصة البطة السوده 😅...
.
محمود كيف بيجبد روحه و بيطلع ... جا بيقول تصبحو على خير ... تلفت بالصدفة و شاف نضرت انكسار في عيون أخته لمعت الفرحة لي كانت موجوده فيها طفت 💔
.
... متأكده أنه محمود بيطلع و يخليهم يكملو سهريه بروحهم.. مش هي بس فهمته.. حت هو فهمها ... تبسم تبسيمة حنييييينة طمنتها في نفس الحظه 💚
...
.. حط يده على كتفها و قاللها بصوت دافي 🎶
.
.محمود - منو جيبلي حت أني قهيوة .. و كان بديري خير في خوك جيبي معاه برج بقلاوة ... خليني نشوف أخرتها معا هالنسيب البارد 🙄 ...
.
منى ضحكت وحضنته بأقوا جهدها ...❤
و مشت تجري للكوجينة ... و هو قدم من بوه و أمه و سليم ....و جبد كرسي و قعد بجنبهم ... 🎶
.
الحاج مختار و مدام خديجة مش مصدقين ...😳. محمود ليه مدة مقعدش معاهم قعدة عائلية ...
.
ملامح الفرحة بانت على وجوهم .. و بالأخص الحاج مختار لي عيونه لمعت بفرحة كبييييرة .🌟
.
.. و قلبه ولا يدق بالقوي ... فرحان بي قعدت محمود جنبه... ❤
و فرحته قادرة تعبي الدنيا كلها .. شد يد مرته و كبس عليها كيف الصغير لي يفرح بحاجة و يحب يشارك إحساسه معا أمه .❤🙊
. ومدام خديجة فهمته من غير ما يحكي .... 👌
.
قعدو يهدرزو علي العرس و تحضيراته
.... محمود و سليم كل شويا يتناقرو و يسبو بعضهم و بعدها يضحكو ...... 😂
.
.الحاجة الحلوة لي كانت محلية القعدة
... هي نضرت محمود لبوه ..
. و نضرت الحاج مختار لولده..
صح متكلموش مع بعضهم بكل
..لكن نضرتهم تكلمت
... نضرت حب وشوووق كبيييييير بين بو و ولده..💚 محمود كان كل شوية يسرق نضرة لبوه ... نضرة كلها إحترام و حب ... ومختار كان كيفه و ما يفرق عليه بشي و كل شوية يسرق نضرة لمحمود .
.. لكن نضرته هو كانت نضرت فخر و تقدير .
.. فخور بالراجل لي رباه و حرص على أدق تفاصيل شخصيته ...👌💚
.
مدم خديجة مكانش حالتها تفرق عليهم ...
كانت مركزة معاهم تركيز كبير ...
.
محمود هو نسخة مطابقة للأصل من بوه ..
. لدرجة إنه كان في نفس العمر اكيد لي يشوفهم يقول عليهم تواما .. 😍
محمود مكانش يشبه بوه في شكل فقط ...
بالعكس هو واخد منه حتى أدق تفاصيل شخصيته القوية ....💪
... الزوز قاعدين مقابلين بعضهم و هما في أقصى درجات الرجولة ... 👌
.
محمود بلبسته السبور لي بينتله عضلاته المخدومة و جسمه القوي ... و مختار بلبسته لي زاداته وقار ... برغم العمر لكن حتى هو قاعد محافض على قوته
.
...و أكتافه العراض محافضين على شموخهم ...👌
.
و في هدا كله سليم كان يشوف فيهم ... وفاهم كل واحد فيهم شن يدور في رسه و ساكت ..... 🔇
.
قعدو يتكلمو وقت طوييييييل .🕦
.
.. تفاهمو فيه على كل شي ....
تكلمو في تفاصيل العرس كله ..
. و قررو يديرو العرس 7 أيام و 7 ليالي.. 👌🎶
. لكن العرس لازم يكون الجمعة الجاية علي خاطر سليم مسافر لكندا....
.
كملو الهدرزه .. ومدام خديجة والحاج مختار طلعو بيرقدو .... وسليم قعد شويا معا محمود على إنفراد و بعدها روح ...👉🏻
.
. و محمود طلع لي غرفته ميت بالتعب .
.. اليوم تعب هلبا و لجين هبلته بحالته ولعبها😂
.
...لازم يرتاح و يرقد ....👌
لكن ... مكانش يعرف شني لي يستنا فيه
أول ما وصل لي غرفته وفتح الباب فمه تفتح ...
. يشوف ومش فاهم شي ..😦
.
.
يشوف في غرفته كلها متغيره
.. شمع يضوي و معبي الدنيا كلها
.. أمبايل 🎈هلبا علي كل لون منتشرين في الارض
... وحدات طايرن في السقف ... 🎈🎈
والسرير مفرش بي تاكم ساتان يرعب بالفخامة
و فوقه ورق ورد أحمر ... ⚘
.
طاولة منصوبة في الغرفه و محضرة برعاية كبيرة..
. فوقها عشا و شمعتين شاعلين .🕯..
وباين أنه عشاء رومنسي لي شخصين... ❤