تألمت ثم عشقت آلامي في حبها

11

تألمت ثم عشقت آلامي في حبها >> الحلقه 11

#_منقول
.
.
محمود - شن ديري أنتي هني !!! .. كيف دخلتي !!! ...

محمود دفها بالقويه ووناض
وبعد عليها كيف لمجنون
.. طلع من الدوش فيسع ..و رما عليها منشفة باش تستر بيها روحها .
. مش طايقها و لا طايق يشوفها من أصله ..
من سنين محرمها على روحه و مش حاسبها مخلوقة على وجه الأرض ..
.
. دخل لي غرفته و قعد يمشي و يجي بعصبيه .
. ستناها لين طلعت من الحمام و هجم عليها ...
.
شدها من فمها بقوة. ...و يتكلم بعصبية ...
.
محمود -شن قتلك أني .. شني نبهتك ... شني فهمتك أني ... مش قتلك وجهك معاش نبي نشوفه ...
مش قتلك لاك مرتي و لا نعرفك ..
مش قتلك متبري منك قدام ربي وعباده
....
مريم غمضت عيونها و دمعتها السخونة نزلت 💔
..قلبها وجعها من كلام محمود و كيف قللها متبري منك قدام ربي .. 3 سنين و هي تحاول معاه ...3 سنين و هي تتعذب من غيابه.. و هو لي حد الآن مش قابل يسامح و لا يغفر ... !! علاش عمره ما حس بحبها ... علاش عمره ما لاحظ نضرت العشق لي في عيونها ... شني ذنبها هي !!! ذنبها الوحيد إنها عشقته عشق أسود .. عشق تعدا جميع الحدود ...
عشق عمره ما تعشقه مرا غيرها حتى ولو كانت سحر..✋
.
محمود شدها من مرفقها قريب يكسرهولها و رماها قدام الباب
محمود.- آخر تنبيه .. آخر تنبيه !!! ... لو قاعده لليوم دوري هني براحتك فهدا راهو يرجع لي بوي ... لحد اليوم مسكر جد أم فمي و مش حابب نعكسه .. زااد قرص على يدها أكثر .. - ما تركبيش و تدلدلي رجليك زيادة عن اللزوم .. و متختبرش صبري أكثر .. قادر نحرق الأخضر و اليابس و ما نسأل على حد ....😠
.
محمود رفع راسه يلقا أمه و منى يشوفوله .. معالم الصدمة على وجوهم و عيونهم فيها نضرت خوف ..

خايفين لا يطور الموقف و مش قادرين يقدمو و يفكوها ما بين يديه ..
. يعرفوه لما يتعصب مليح مليح .. 🔇
عيونه تضلام و ما يعدل علي حد .... 💢
.
محمود عطاهم نظرا ترعب و كمل كلامه كأنه يقوللهم كلامي هذا موجه ليكم بالأخص .
.. أو بالأحرا موجه لأمه علي خاطر منى معندها ولا دخل
..
محمود - ما تختبريش صبري أكثر راهو صبري قرب يفيض ..
.
سكر الباب وقريب تكسر و دخل كيف الثور الهايج ..😠
.
عيونه تعبو دموع .. 💦
قرص عليهم بيده كأنه يقوللهم لا متنزلوش ..
.
جي بين عيونه صغاره يلعبو و ينادو عليه ...
حسهم معاه في لغرفة و سمع ضحكتهم ...💜
.
تنهد وفتح الروشن جت عيونه عالقصر المشؤوم لي شهد على أكره يوم في حياته..
.
صغاره التواما ماتو فيه بطريقة بشعة و سبب موتهم هو أمهم 💔
.
كبس على جبينه بدين ترعش من القهر ..
.
ناقم على ضعفه و قلت حيلته....
ناقم على الوضع لي طحت فيه ..
.
هربت بيه الذاكرة ليوم المصيبة و تفكر كيف بديه دفن زوز صغار ملايكة ما عندهم ولا ذنب إلا إن عندهم أم كيف ( مريم ... )💔
.
.حتى هو بحد ذاته ما عنده ولا ذنب في هالمأسات ..
.
ذنبه الوحيد أنه ساير بوه في مخدت مريم ..
هو ما متزوجش بيها عن إقتناع ..
.
بالعكس هي كانت بنسبة ليه { أمر مجبر و مش إختيار } .. تنهد و قال بغصة
محمود - الله يسامحك يا بابا 💔
.________________________
.
سحر أول ما ماشافت المشهد حست النفس تقص عليها ...
.كميت الوجع لي حستها في جسمها ما تتوصفش...
.
زادت نزلت على فمها بيدها أكثر باش تكتم شهقتها ...
.
تراجعت خطوتين و طلعت تجري من غير ما تتلفت وراها ...
. دخلت لي غرفتها ..
سكرت الباب وطحت عل اسرير تبكي بحرقة كبيرة ...💔
بالحق سحر حست ليلتها بوجع في قلبها عمرها ما حستها في حياتها كلها...
خاطرها تعيط . تبي تكسر .. في لحظه هدي تبي تقلب الدنيا المهم الوجع لي في قلبها يخف ....
.حست بحرقة كبيييييييرة و نار شعلت فيها .. 🔥
.سحر تتكلم مع نفسها و مش فاهمة سبب ..
.
. شني دخلي أني !!! ...
راجل و مرته و هما أحرار ..
. أصلآ كيف تتجرئ و ندخل لي غرفة نوم راجل !! ..
. منين جاتك هالجرئة يا سحر !!! ...
شنيي لبستي و تزينتي و صدقتي روحك ؟؟؟
شني لي تحسي فيه ؟؟
علاش محمود بالذات لما تشوفيه قلبك يولي يدق !!.
ليش غرتي و تمنيتي تكوني انتي في مكانها
... ليش تمنيتي تكوني انتي بين يديه و مش هي !!
ناسية ان أنتي لليوم على ذمت راجل تاني يحاسبك قدام ربي ..💔
ناسية أن إنتي اليوم ملزومة أنك تحافضي على شرفه و حتى في غيابه !! ..
. ناسية انه مجرد التفكير في غيره تتسمى خطية ...!!.
محمود خط أحمر يا سحر ... حتى بعد ما تتطلقي محمود ح يقعد خط أحمر ..🚫
. راجل متجوز و مستقر ..
ولا علي خاطر وقف معاك باش تتخطي حدودك ...
.
سحر ليلتها كانت محطوطه بين نارين ..
نار الغيرة و العشق و نار الندم و الإحساس بالذنب ..💔
لي بكاته ليلتها على المشهد لي شفاته مبكتش حياتها كاملة ...
. لدرجت انها فضلت ترجع لي صلاح و لا تتعدب بالطريقة هذي ...
. زادت نقمت على وضعها أكثر و على الدنيا لي عاطيتها بالضهر...
.ليش شني ناقصها هي ....
علاش ما تعيشش كيف باقي الناس !!!
ليش كل فرحة وراها دمعة و وجع!!!
ليش خدت راجل قد جدها حرمها من أبسط حقوقها الزوجية ...
وليش الراجل لي قلبها تمناه يطلع متجوز و الدنيا تحكم عليها تشوفه في أبشع موقف ممكن تشوفه المرا العاشقة معشوقها ..
.. أبعدي يا سحر... أبعدي ماتحرقي روحك بالنار ...🔥
محمود مش ليك و لا عمره يجي يوم و يكون فيه ليك ...
.عالأقل أنتي اليوم حالتك أحسن من قبل ما تخسريش لي ربحتيه...
عيشي ياسحر و تحرقي بي نار العشق ..
عيشي و شوفي محمود كل يوم هو و مرته ...
عيشي بغصة و قهر و سكري فمك ... 🚫
عيشي كيف مالدنيا فارضة عليك مش كيف ما انتي تبي👌
سحر تنهدت و تكمشت على روحها أكثر ..
وجها المنور طفا ..🔇💡
.
.. و دموعها نازلة كيف المطر💧....