تألمت ثم عشقت آلامي في حبها

46

تألمت ثم عشقت آلامي في حبها >> الحلقه 46

#_منقول
.
.

محمود درس سياره ع جنب في نص طريق .. وحط يديه على دومان ورسه ع دومان ..عروق يديه قريب يطربقو ..وعيونه حمر ... يخبط في راسه على دومان كأنه يبي يفهم شن لي صار كانه يبي يركز
.
..معلومته كلها تلخبطت .....رفع راسه وركز شويه في طريق واتجه للقصر ... ..
.
طريق طووويلة بين القصر والمزرعة ..
لكن كانت قصيرة ع محمود لي وصل لعداد 180\
في دقايق وصل للقصر .
.. تفتح باب لحديد الكبير متع لقصر وخش محمود درس فيه ..ونزل وطربق لباب بقو ..
يمشي بخطوات سريعة . في ثواني بدا في داخل لقصر
..وعيونه دور ايمين ويسار يدور في مريم ...
وقف في وسط لقصر وبدا ينادي بي علو صوته ...
مريييييييييم ...مريييييييم ..
.
"" صوت خشن ..يزعزع كأنه زلزال ..""
.
لي في لقصر كلهم جو يجرو.. سميرة جت تجري
.
سميرة - ولدي محمود ستهداء بالله خيرك ..؟؟
محمود - وين مريم ؟؟
سميرة - من امس ماشفتهاش..!!
محمود - كيف ماشفتهاش وينهااااا ..؟؟
.
سميرة - امس في العشية طلعت من القصر ..ولليوم مرجعتش ..قالت بتمشي تقعد عند صحبتها ..
.
محمود - من صاحبتهااا هادي ... من امت هيه تبات برا ..؟؟
.
سميرة - بصراحة انت تعرف مريم متعطيش في معلومات... وين تمشي وين تجي ..بس اول مره تبات برا ..!!
.
"" محمود هني تغلغل وعرف أن مريم ..اصلآ مافيش غيرها ..كل شي بدا واضح قدامه ..مريم هيه لي خطفت سحر . باش تنتقم ..وهلمره بتضرب ضربة القاضية لي محمود ..""
.
محمود حط يديه ع راسه ..
خلاص كيف بيتصرف من امس مرته مختفيه .
.ومايعرفش وين مختفيه .
.ولا وين قاعده .
.ولا شن صاير فيها
.. زعما حية ولا ميته .
.صغاره اكويسين او لا
..جو صقع اكيد صقعانه .
. ولمكان لي قاعده فيه كيف .
.. زعما تاكل .. او ااالا .. ""
هلبا أسالة كانت في راس محمود .. ومايقدر حد يجاوب عليهم واصلآ حت لو جاوب عليهم اي حد
...
مش حتطفا ناره ونار لي ولعه في قلبه
..الا بي شوفت سحر .
. وبي حضن سحر ..باش يرتاح ..
.
هو لازم يلقها تو هالكلام مافيش منه فايده
..بس كيف بيلقها .
.ومريم وين بتكون رفعتها ..
هيه صح مراء قويه وممكن دير اي شي ع خاطر محمود ..
بس معمره كان يتوقع انه توصل بيها انه تخطف حد او تقهره بي صغاره .
.وزعما هيه تعرف ..انه سحر حامل او لا ..؟؟
وكيف قدرت دير هدا كله بروحها اكيد في حد يدعم فيها ... ويساعد فيها ..؟؟
بس مني شخص هدا ..؟؟
.
محمود بيهبل من كثر الأسالة لي في راسه وين بيتجه تو وين يمشي .
. محمود ركب لي غرفة مريم وقلبها كلها بلكي يلقا دليل ..بس للاسف مالقي شي .. ..
.
طلع بسرعة معاش فيه وقت يضيع
.. ركب سيارة وفي لحظه تفكر ..
تفكر حوش اهل مريم .
. لي لي تو قاعد ملك مريم لكن مايسكن فيه حد غير الخدم ..ومريم مره مره تمشي ديرله في زياره ...
انطلق بي سرعة لبرق ... ويدعي انه يلقاها ... غادي ..
.
بعد ربع ساعة ⏱
.
محمود وصل لي حوش مريم ...
دخل بشويه يتسحب لانه عنده المفتاح فتح لباب ودخل
.
..خطوه خطوه
..دخل .للصلون
..مالقي حد
..ركب لي دور تاني
..وبدا يدور
..غرفة غرفة
...بس إلي لاسف مالقي حد في الحوش.. ....
بدا يعيط ..بي أقو صوته ...
محمود - سحرررررررر ... سحرررر ..وينككك ...وينننك ..
..
نزل علي ركايبه علي الارض وعيونه حمر ع الاخير ..
.حالته تقهر تقهر ..فعلآ محمود تعب هلباااااا ..امت بيرتاح ..امت دنيا بتضحكله 💔