تألمت ثم عشقت آلامي في حبها

45

تألمت ثم عشقت آلامي في حبها >> الحلقه 45

#_منقول
.
.

سليم - سحر راحت معاش لقوهاااا
مراد - كيف ...!!
"" خديجة تلطم ع خدودها... وفاطمه ملامحها تغيرت والخوف بان ع وجهه... ويديها لي ترعش تحطو علي قلبهاا لي يدق من كثر الخوف ..... وفي الحظه هدي محمود كيف دخل من الباب ... وسمع كلام سليم .. تكلم كلمات متقطعه... وهو يرعش كلمات نزلو ع فاطمه وخديجة كيف ..الصعقة .. ""

محمود - سح .. سحر ..مرتي . راحت . جاوبنيي سحر .وي وين .وين هماااا تو ..؟؟
سليم - جيهت{ ... }.قبل السمافرو غادي فيه محل حلويات قتلهم يقعدو غادي لي نجيهم ..
..
..
"" محمود طلع يجري لي سياره ..ركب وطلع زي الصروخ... سياره كانها طياره من سرعه... وسليم ومراد طلعو وراه ..وخديجة وفاطمه يلطمو وقريب يهبلو ..ومشغولين ع سحر ..ومشغولين ع محمود ..لي نقلب حاله في لمح البصر ...💔 محمود وصل ..لي منى وبسمه .. في سرعة البرق ..محمود درس سيارة في طريق ونزل يجري وعيونه حمر من كثر العصبية "
.
محمود - وينها وينها... مش كانت معاكم ..وينها
.
"" منى جاوبت وهيه ..ترعش ودموع ماوقفو زي المطر على خدها ..وبسمه ماتفرق عليها غير بصبر 💔""
.
منى - مش مشععاررف ...!!
محمود - كيف مش عارف ... تكلمي متهبلنيش ..
بسمه - هيه قالت بننزل اشتهبت مقروض. ... ناخد فيسع ونرجع ..واني قتلهاا نمشي معاك ..قتلي لا مش ح نعطل ..وخشت وعطلت ... ولما نزلت ندور فيها ملقيتهاش ..!!
.محمود - كيف ملقيتهاش كيف...
.
""محمود الكلام نزل عليه زي سم... مش مصدق حبييته وصغاره متختفيين .. ألف فكرة وفكرة جت في راسه مش فاهم شي ... للحظه يحس في دنيا تلود بيه ..حط يديه علي وجهه وفوتهم علي شعره بغل ..ويشوف لي سماء ..بنظرة ستنجاد كانه يستنجد في ربي بعيونه... ""

.
""وفي لحظه بدا يجري زي المهبول في شارع ويدخل للمحلات ...ويدور بعيونه ..شارع طويل عريض دخل ليه محل محل ...يجري ويلود زي المهبول ... ومش هو بس كلهم سليم ومراد وبسمه ومنى ..يدورو فيها ع امل تكون ضايعه في شارع ""
.
.
""بس للأسف سحر في الوقت هدا في مكان بعيد 💔""
.
"" وفي مزرعة المطيري ..لي قبل ساعات كانت تتجهز بي أفخم وارقى الزينه وتجهيزات ..في لحظه كل شي وقف وناس كلها مش فاهمه شي تكمل او توقف ...وخديجة حالته تبكي مقهوره ع ولدها لي معنداش حظ يفرح ... وع عيلتها لي في اي لحظه ممكن تدمر .. وعلي مختار لي ماصدقت روح رجعتله بي رجعت ولده... في اي لحظه احتمال تخسر عيلتها .. مش كل خساره هيه لموت ..لكن فيه خساره ع قيد الحياة تكون جسد بلا روح هدي هيه الخساره الحقيقيه 💔""
.
.
"" مختار سمع الخبر ..أنفجع وقلبه بدا يدق دقات متسرعة وحالته ماتفرق ..علي محمود بي شي ..💔
لازم يوقف ويقاوم ... ويوقف مع ولده المره هدي لازم يساعده ..رفع تلفونه واتصل مكلماته وفريق البحث بدو يدورو""
.
.
الساعة 3 في ليل 🕟
"" وسحر ليها تو قريب .. اكثر من 8 ساعات مختفيه و محمود ... مخلا شارع مادور فيه ..مخلا حد ومسأله ..يلود بسياره زي المهبول .. ويدور من مكان لي مكان... ومش هو بس ...حت مختار وسليم ومراد...ومختار فتح محضر .. وطلع فريق شرطه يدور فيها ... محمود لف لف ومصار شي ..رجع للفيلا ""
.
"" درس سياره ونزل ..يمشي بخطوات تقيله ويشوف للأرض ...وجهه دابل فتح لباب ودخل واول مادخل لقي قدامه خديجة وفاطمه ومنى وبسمه وسمر قاعدين في صالون ... ويراجو في أي خبر يرد فيهم روح ..""
.فاطمه اول ماشافت محمود.. ناضت تجري شدته من ايديه وعيونها فيهم نظرة توسل ""
فاطمه - طمني ياولدي الله يرضا عليك طمني 😔
محمود - ملقيتاهش .. يا امي ملقيتاهش ....
.
"وفي ثواني ..محمود لقوي .. دموعه يلقو طريق على خدوده ويخونوه قدام لكل وينزلو.. 💔
دموع يحرقو نازين من عيونه ..يعبرو على الحزن والمأساء لي هو فيها 💔"
.
خديجة اول ماشافت دموعه ..طول جت تجري وحضنته ...وفاطمه لي..معمرها كانت تتوقع جبل لي قدامها أنها تشوف دموعه في يوم ..💔 فهمت ان محمود موجوع وجبل لي قعدت ..تبني فيه سنين وايام ..بينهد في اي لحظة ...عرفت في لحظه هدي ان محمود لو يخسر سحر .. ويخسر صغاره مره تانيه ..في الاكيد حتكون عاصفه ولمره هدي مش حتقضي على محمود وبس حتقضي ع عايلة المطيري كلهاااا 🚫"
.
محمود سيبهم وركب فيسع ...لي غرفته ومن اول ما حط يده على لباب شم ريحتها .. شم ريحت سحر حبيبته ..قعد يتنفس ويدخل في الهواء لي صدره ...كانه يبي يتنفس ريحتها ..فتح الغرفه ..ودخل يكركر في رجليه ..ويتنفس بسيف ..تكا ع سرير وحضن مخدتها .. وغمض عيونه وقعد يدكر فيهااا ..وفي كل لحظه حلوه ..عاشها معاها... ""
.
.
الساعة 7 صبح 🕟
.
سحر لابسه روب أبيض طويل ... وفارده شعرها ع كل ضهرها .. وجهه كأنه ملائكة .. ورجليها صغيرونات حفيانات ... وادخله بهدوء للغرفه تمشي خطوه خطوه ..
.
وقفت بجنب محمود ..وحطت يدها في يده ... وحطت يدها تانيه علي شعره ..وقعدت تمسح عليه بكل حنيه ....
.محمود فتح عيونه ويشوفلها ...بعيون حزينات ..وتكلم بصوت خافت ويرعش
.
محمود - ليش خليتني ومشيتي ..مش وعدتني أنك بتقعدي معاي ..مش وعدتني انك مش حتحرمني من صغارنا ..ليش رفعتيهم ومشيتي ..مش تعرفي اني منقدرش نتنفس من غيركم ..💔
.
سحر - ماخليتكش أني معاك ..معاك مودي اني اني هني معاك .. صغارك يستنو فيك .. ماتستسلمش متخليهمش ياخدو صغارنا ..❤
.
.
""في لحظه هدي محمود فتح عيونه ..وهو يعيط بصوت عالي سحر .... سحر ....""
.
خديجة وفاطمه جو يجرو..لما سمعو عياط محمود نفجعو عليه ..
خديجة - خيرك يابابا خيرك ...
فاطمه - كبوس اشرب مياء اشرب .. بسم الله عليك ..
.
محمود يشوفلهم بنظرا مش مغهومه ..
فاطمه - تكلم ياولدي خلعتنا عليك شن فيه ..
محمود - سحر ..سحر
خديجة - فيه خبر عليها طمنا الله يطمن قلبك ..
محمود - سحر بحاجتي واني لازم نلقها في اسرع وقت ..
.
"" محمود خدي مفتاح سياره وطلع فيسع ..🏃‍♀️
وهو طالع في لباب ...لقي سيارة شرطه ..محمود يشوف مش فاهم ..في لحظه قلبه وقف .. خاف خاف يسمع شي عليها 💔 محمود يشوف لشرطي وساكت وفي راسه ألف سؤال ..""
.
شرطي - صباح الخير حضرتك أستاد محمود ؟؟
محمود - أي ... نعم ... اني ... اني محمود ..!!
شرطي - السيد مختار خبرنا على خطف مدام سحر ....ومن بعد وقوع الحدث بي ساعة ....اكثر من 3 فرقات يبحثو عليها وبأدن الله نلقوها في اسرع وقت ... !!
محمود - يعني تو.. مافيش... أي خبر عليها ..؟؟
.
شرطي - المدام سحر تم اختطافها من قدام المحل .. لي نزلتله .. من قبل سيارة مسلفره بلأسود وإلي الاسف مكانش عليها رقم سيارة ..وشفنا المقطع الخطف من سجل الكمرات المرقباء تبع المحلات ..و لي يسوق في سياره مش باين في الكمراء .. !!
.
"" محمود في لحظات هدي ..قلبه يدق بسرعة ...وخاف ..كيف بيتصرف كيف بيلقاها ..شن يدير... معاش فهم ... قرب من شرطي وتكلم بطريقة ترعب لان بجد معاش يشوف في حد قدامه ""
.
محمود - يعني تبي توصلي ...ان مرتي تخطفت ...ومعاش لقيتوها .. شن المفيد من كلامك هدا ..مفهمتش ..😡
.
شرطي - من فضلك استاد محمود هدي اعصابك ..في لوقت هدا الازم تكون هادي ...نعرف انه صعبه عليك ..وان مرتك في خطر ..لكن باش نوصلولها لازم ..تعطينا معلومات ..
.
محمود - معلومات شني ..!!
شرطي - يعني في مني شاك .. ومني ليه استفاده يدير هكي ..؟؟
.
"" محمود .. سكت شويه ..وقعد يتفكر .. وفجاء عيونه بدو نار ... تقدح ..من شدة الغضب ..فتح باب سيارة وطلع فيسع ..من غير ولا كلمة ..""
.
.بعد 3 دقايق ..🕟 درس سيارة قدام حوش صغير حوش ..صلاح ..أي حوش صلاح ..محمود نزل من سبارة بسرعة ..وبدا يطقطق بكل جهده
... صلاح فتح لباب ..واول مافتح ..محمود طول خش وصكر وراه لباب ..
صلاح بدا يوخر بي خطوات بسرعة. .. وعلامة الخوف وضحت ع وجهه .. وبدا يتكلم قي كلمات متقاطعه ..
صلاح - س ستاد م محمود ..ت تفضل .في في شني ..
.
وقبل مايكمل جملته .... في لمح لبصر محمود شده من رقبته بقوة ..وعيونه تقدح ناااار ... بركان ...🔥
أي حد ..يشوفه في لحظات هدي .. يقول مستحيل هدا محمود ..ملامح وجهه وتفاصيله كلها تغيرت حت عروقه قربب تتطربق ..""
.محمود - بنسألك مره وحده ومش .. حنعاود سؤالي مره تانيه فاهم !!
..
صلاح يهز في رسه من الخوف بي معني باهي حت لسانه رزن ومش قادر ينطق ..""
.محمود - سحر ..سحر مرتي ..وين ؟؟
.
صلاح - ما ننعررفشش ماشفتههااش ..
.
""محمود.. زاد ضغط ع رقبته أكثر.. ولصقه في الحيط ..وعيونه أطلع في شراره ...""
.
محمود - أني شن قلت ...قتلك مره وحده ..مش ح نعاود سؤال .. لكن لو عودت سؤال مش حتشوف ضى مره تاتيه جاااااوب .🔥🔥
.
صلاح يهز في رسه يمين ويسار ..ويرعش من الخوف ..
صلاح - والله يا استاد محمود ماشفتاها ..منعرفش وينها معاش شفتها بكل .. ..
.
.
محمود خلاص هني... معاش يشوف في شي قدامه ..كان مش صلاح مني يعني... محمود سيبه وبعد عليه ..واتجه جيهت لباب وبدا يمشي بخطوات رزينه ... وصل بحدا لباب وقف حط يديه ع راسه للحظه حس روحه دابخ وفي متاها كبيره ومش عارف كيف يطلع منها .... فجاء تلفت لي صلاح ..وهجم عليه كأنه وحش 🚫
.
كأته متاكد انه يعرف سحر وين .. شده مره تانيه من رقبته وبدا فيه ..يضرب بكل جهده ..يضرب ويعاود ....وصلاح ...يبكي ويقول مانعرفش وينها...ومحمود كأنه ...مايسمعش فيه يضرب ...يضرب بقوة جهده ....فش كل غله فيه ... وفجاء طلعت كلمه من صلاح زي صعقة على محمود ...
صلاح - مريم ..
.محمود - خيرها مريم خيرها تكلم ..
صلاح - هيه لي خطفت سحر اني مدخليش ..
محمود - وانت كيف عرفت تكلم 🔥
.
صلاح سكت ... ويشوف لمحمود وخاايف انه يتكلم ويقول ... مرعوب ..وجهه كله دم ... لكن بين نظرة الخوف ...فيه نظرة حقد وغل ...وهدا ..لي خلا محمود مايصدقش ورجع ضربه لين اعترف ... محمود راجل يقدر يميز نظرات الحقد والغل ..بين الف نظرا وشعور ..""
.
محمود - تكلم بسرعة !!
.
صلاح ساكت ..ومش قادر يتكلم ..محمود رجع شده وبدا يضرب فيه ..وصلاح يعيط ...من شدة الضرب ..

"" وفجاء يدخل شرطي لي كان يحقق مع محمود ومعاه 3 تانين .. الان شرطي لحق محمود وقعد وقف يراجي فيه برا لكن لما ..بدا يسمع في صوت عياط صلاح ..لحقه ودخل للحوش .. .بعدوه محمود على صلاح ..لان احتمال لو يقد دقيقه تانيه معاه يقتله ...""
.
محمود - تكلمممم سحر مرتي وين تكلم
صلاح - مانعرفش وينها سيدي شرطي مانعرفش ...
محمود - لا تعرف وينها انطق خيرلك ..🔥
.
شرطي - هدي نفسك استاد محمود يارت تفهمنا لقصة
محمود - الحيون هدا يعرف ..مرتي وين ..واني نضرب فيه قال مريم ...ليش قلت مريم ليش ...تكلم ...
شرطي - خلاص استاد محمود الموضوع عندي تو نحققو معاها ونعرفو شن علاقته بي لقصة .....
.
" شرطي شاف للي معاه وقاللهم ارفعوه للمركز ومحمود ..ولع سياره وطلع فيسع ..هو مايقدرش يحط يده ع خده لين هما يعرفو سحر وين ...
.
هدي حبيبته هدي حياته وهو من غيرها مايقدر يتنفس لازم يلقها لو دفعه ثمن انه يقتل انه يدير اي شي لازم يلقهااا في اسرع وقت ...""
.
محمود درس سياره ع جنب في نص طريق .. وحط يديه على دومان ورسه ع دومان ..عروق يديه قريب يطربقو ..وعيونه حمر ... يخبط في راسه على دومان كأنه يبي يفهم شن لي صار كانه يبي يركز ..معلومته كلها تلخبطت .....رفع راسه وركز شويه في طريق واتجهه للقصر ..
.
.
.
#_يتبع

بهاء الحطاب